النهاردة قررت اعمل صيانة ال15000 للعربية فى التوكيل فرع سموحة.انا دايما كنت متعود اتعامل مع فرع العامرية.بس قلت اجرب الفرق بين الاتنين و برضه اهو جنب البيت...المهم فعلا الاهتمام بشكوى العميل و ملاحظاته على العربية افضل بكتير فى سموحة من العامريةو فيه مهندس بيسلمك العربية و يراجع الملاحظات بعد انتهاء الصيانة. و ان العربية بيشتغلو فيها قدام عنيك ده نفسيا افضل من التعتيم و الغموض فى فرع العامرية.بس فيه حاجة سلبية واحدة مش فاهمها...لما طلبت اعمل روتيشن للكاوتش المهندس سجل طلبى و متعملش و لما سألت عن السبب قال المهندس حسام مانع تصليب الكاوتش علشان لو فيه عيب فى المساعدين او العفشة يبان و كدة كدة هتغير الكاوتش بعد 4 سنين!!!بصراحة انا مش مقتنع, بس الكلام ده على لسان كل المهندسين اللى هناك. ايه رأى اهل اللوجان فى الموضوع ده .اعمل الروتيشن بره و لا اقنع نفسى بكلام المهندس حسام
المفضلات