حادث بسيط-الحمد لله-قدر الله و ماشاء فعل

**temo85** · 04-02-2013 08:22 PM

السلام عليكم ورحمة الله وبركاته
الحمد لله ,, انا كنت ماشي فى باركينج و واحد طالع من الجنب المهم مشفنيش ولا انا شفته دخل فيا فى الجنب الشمال هو عربيته اوكتافيا A4 المهم فاديته على قد ما اقدر بس حك فيا جامد فى البابين الشمال

فى ناس بتقولي سيبها و مش مستهاله انك تفك فرش الباب من جوه عشان تردها ,, انا مش عارف اعمل ايه ,, اردها على البارد ولا اسيبها ؟ ياريت تفيدونى

**W1NNER** · 04-02-2013 08:29 PM

المشاركة الأصلية كتبت بواسطة temo85

السلام عليكم ورحمة الله وبركاته
الحمد لله ,, انا كنت ماشي فى باركينج و واحد طالع من الجنب المهم مشفنيش ولا انا شفته دخل فيا فى الجنب الشمال هو عربيته اوكتافيا a4 المهم فاديته على قد ما اقدر بس حك فيا جامد فى البابين الشمال

فى ناس بتقولي سيبها و مش مستهاله انك تفك فرش الباب من جوه عشان تردها ,, انا مش عارف اعمل ايه ,, اردها على البارد ولا اسيبها ؟ ياريت تفيدونى

وعليكم السلام ورحمه الله وبركاته
قدر الله ومشاء فعل فداك المهم انك بخير انا من رأيى تسيبها زى ما هيا مجرد انك تشيل اثار الاحتكاك تبلشها بس وربنا يستر

**dozo** · 04-02-2013 08:33 PM

قدر الله و ماشاء فعل .
الحمدلله بسيطه و مش باينه تقريبا لو بيضايقك اى خربوش فى العربيه اعملها.
لكن من راى تسيبها تاخد العين خصوصا انها بسيطه الحمد لله .

**temo85** · 04-02-2013 09:15 PM

الحمد لله ,, شكرا لردودكم

**Ahmed_Adham** · 04-02-2013 09:48 PM

أنا عندي حكه واخده نص العتبه تحت الباب اليمين قدام حصلت في أول اسبوع جبت فيه العربيه حتى مكنتش لسه رخصتها وسايبها لحد دلوقتي عادي. أصلك هتصلحها هتلاقي حاجه غيرها طلعت بعد شويه زي ما يكون كده لما واحد تكون عربيته مخبوطه بيقر على الناس اللي عربياتهم سليمه فبيحصلوه :d سيبها كده مادام مش مأثره قوي على شكل العربيه.

**katoba** · 04-02-2013 10:22 PM

سيبها تاخد العين وربنا يكفيك ويكفينا شرها وشر الطريق

**konouz30** · 04-02-2013 11:15 PM

قدر الله و ماشاء فعل .

**Mohab555** · 05-02-2013 12:33 AM

حمد الله على كل شىء يا باشا و بسيطه و تقريبا مش باينه خالص
سبها تاخد العين وبلاش تعملها

**moha4tec** · 05-02-2013 08:24 AM

الحمد لله على كل شىء .
و قدر الله و ما شاء فعل
انا مع راى الاعضاء انك تسيبها تاخد العين شويه
و لما ارجع على البيت هشوف الصور لانها مش راضيه تبان بس هى لو الدهان سليم و الصاج داخل لجوه فقط من النصف ممكن تتشفط و الله اعلم
هشوف الصور و احكم
و ربنا يكرم