والله جبت مكوه ؟؟؟ بس ..............

**mimo_15** · 05-02-2013 08:44 PM

[justify]السلام عليكم ورحمة الله وبركاته
انا لسه جديد هنا ف الجروب لاني لسه شاري العربية ومكملتش بيها حاجه
اولا العربيه كويسه بسم الله ما شاء الله وهي من العربيات الي بحترمها ولازم نرفع ليها القبعه العربيه موديل 2002
تاني حاجه انا كانت معايا قبليها هيونداي اكسنت 2005 فرق شاسع بين الاتني زي ما انتوا واخدين بالكم ف الحمد لله ع نعم ربنا
انا عملت الصيانه المبدائية بتاعت العربيه
1/ سير الكاتينه والدينمو والتكييف التكلفه 390 جنيه
2/ نيتروجييين للعجل بعد ما كشفت عليهم انهم كويسيين ال 5 ب 30 فرق شاسع طبعا
3/ كشفت ع الزيت ( ماتور - فتيس ) ولاقييت الاتنين كويسين الي الان .
4/ ظبط زوايا وترصيص 40.
5/ الكافة الداخليه للمرايا اليمين (45).
...
الاهم بقى في حاجات وقفت معايا وياريت نصيحتكم :
1/ عندي مشكلة حاليا ف اختيار نوع الزيت . مش عارف بصراحه امشيها ع ايه سالت صاحبها قالي بيحط ايسو ( مش مقتنع بيه بصراحه ) ف ياريت تدوني رايكم.
2/ عندي مشكله ف الغيار الخامس ( الغيارات كلها سهله ومرنه لكن الخامس بتاخده بسهوله لكن لما تيجي تمور العربيه بيبقى صعب جدا انه ينزل او يتحرك بمعنى اصح بيثب مكانه ومش بيرضى يتحرك ) ف عايز حل ؟؟؟
3/ فوانيس شابوره سمعت انها بتاعة العربيات الديمكس الربع نقل ( هل الكلام ده صحيح )
4/ عايز اعرف بيتباع فين الصباع بتاع النور الي بيركب ف الباب لما يتفتح ينور نور الصالون لانه عندي الباب اليمين لما بيفتح مش بينور لمبة الصالون ؟
5/ الكسوه بتاعت الكراسي عايز اشتريها ومش عارف اجيبها منين الي لاقيته لون ابيض ولون احمر والاتنين مش خايلين ع العربيه ( انا عايز لون فيراني علشان يمشي مع العربيه والطابلوه ).

ياريت يا رجاله متبخلوش عليا ف الرد ...
تحياتي
mimo
[/justify]

**mohammedabdallh** · 05-02-2013 09:06 PM

الف مبروك
ربنا يديك خيرها
ويكفيك شرها

**Lifz_Good** · 05-02-2013 10:50 PM

ألف مبروك العربية وربنا يديك خيرها ويكفيك شرها

**sasa3120** · 05-02-2013 10:50 PM

الف مبروك
بالنسبة للغيار الخامس ده هتلقي رجلاش عصاية الفتيس والله اعلم بس المشكلة دي كانت عند واحد قريبي وكانت المشكلة الي بقلك عليها طلما بقيت الغيارات كويسة

**mimo_15** · 05-02-2013 11:56 PM

المشاركة الأصلية كتبت بواسطة mohammedabdallh

الف مبروك
ربنا يديك خيرها
ويكفيك شرها

الف شكر ربنا يخليك

**mimo_15** · 06-02-2013 12:01 AM

المشاركة الأصلية كتبت بواسطة m.al-hefnawy

أولا ألف مبروك على العربية بالنسبة لـ
1. نوع الزيت ممكن تستخدم كاسترول أو شل أو ليكوي مولي
2. بالنسبة لتقل الغيار الخامس ... ممكن يكون زيت الفتيس عاوز تغيير
3. فوانيس الشبورة ممكن الأعضاء يفيدوك اكتر لأني الصراحة مش عارف
4. شوف الصباع متوصل من جوة ولا لأ بيبقى فيه مسمار فكه وشوف التوصيل لو بايظ ممكن تلاقيه استيراد
5. الكسوة أعضاء كتير شكرو في جينز كار مدينة نصر.

شكرا ع التواصل
بالنسبه
1/للزيت فعلا انا كنت بستخدم ف العربيه القديم شل هيلكس الاصفر ال 3 الاف كان وكيس بس ف اخر فتره من حياة العربيه القديمه غيرت للتعاون علشان الماتور كان بداء يفوت . بس شكلي هبدا ارجعله تاني للعربيه الانسر.
2/فعلا شكلها هيكون زيت الفتيس هو الي فيه المشكله ( شكرا للنصيحه ). بس اي نوع هغير ؟؟؟انا هفضي الي فيها وهملاها زيت فتيس جديد علشان اريح دماغي لان الفتيس بصراحه مدايقني قوي .
4/ بالنسبه لصباع النور هو انا بصراحه مفكتهوش علشان اعرف السبب فين بالتحديد هخلي الكهربائي يفكه ويشوف لو يقدر يعملو ولا لا بس لو ياريت تعرف مكان اجيبه منه جديد مش استيراد لاني مش لاقيه؟؟

**mimo_15** · 06-02-2013 12:03 AM

المشاركة الأصلية كتبت بواسطة ali_affan

ألف مبروك العربية وربنا يديك خيرها ويكفيك شرها

ربنا يبارك فيك ياكبير
الف شرك

**mimo_15** · 06-02-2013 12:05 AM

المشاركة الأصلية كتبت بواسطة sasa3120

الف مبروك
بالنسبة للغيار الخامس ده هتلقي رجلاش عصاية الفتيس والله اعلم بس المشكلة دي كانت عند واحد قريبي وكانت المشكلة الي بقلك عليها طلما بقيت الغيارات كويسة

طيب يعني ايه رجلاش عصاية ده
وهل من الممكن ان اي ميكانيكي يعمله ولا لازم ورشه معينه ؟؟؟
وطريقة فكها او تصليحها هتكلف كام ..؟؟؟

**Eng.Peter** · 06-02-2013 01:24 AM

متابع

الموضوع: والله جبت مكوه ؟؟؟ بس ..............

LinkBack

أدوات الموضوع

عرض

والله جبت مكوه ؟؟؟ بس .............. - انشر الموضوع فى :

-

-

-

-

-

-

المواضيع المتشابهه

والله موتور قوى

عاجل والله

يااااااااااااااااااااه اخيرا روحت !! بس والله والله والله فى امل

والله زهقت

الكلمات الدلالية لهذا الموضوع

المفضلات

المفضلات

ضوابط المشاركة