الموضوع: الفرق بين النتروجين و الهواء العادي في العجل

المشاركة الأصلية كتبت بواسطة elawany13

حاسس ان النيتروجين ده فيه خرافات كتير حواليه
أنا غيرت الـ 4 فرد الكاوتش الاسبوع اللى فات وجبت مقاس اكبر من اللى كان عندى
والراجل عنده نيتروجين بس انا مقلتلوش حط نيتروجين
قولتله ركب العجل الجديد ورصص الكاوتش واتفقنا على مصنعية 30 جنيه
الراجل ركب العجل وضبطه على مقاس 35 علشان الجو البارد
والعربية مش بتمشى كتير اليومين دول
المهم بعد ما ركبت الكاوتش الجديد حسيت بفرق كبير قوى فى الاحساس بالمطبات والدبدبه
حسيت كإنى لابس جزمة كوتشى ناعمة ومرنه رغم ان الضغط عالى فى الكاوتش
قولت يبقى السبب نوعية الكاوتش الجديد ويمكن المقاس الاكبر يكون السبب فى هذا الاحساس
واحد صاحبى بيقولى انت حطيت نيتروجين ولا هوا عادى
قولتله مش عارف انا مقولتش للراجل يحط هواء عادى
ياترى ممكن يكون الراجل حط نيتروجين بدل الهواء العادى ؟
تكلفة ملئ الاطارات نيتروجين كام ؟
ولا الاحساس ده بسبب الكاوتش فقط

نوع الكاوتش اللي ركبته ايه ؟؟ و النقشة لو تعرفها ؟؟
لكن غالبا هيكون بسبب نوعية الكاوتش بالاضافة ان كل ما الارتفاع زاد هيقل احساسك بالنقر و الفتحات بنسبة بسيطة و طبعا لأن الفردة بتكون لسه ناعمة ملحقتش تنشف
لأني عملت تجربة لاثبات فشل الكلام بتاع بيخلي الكاوتش ناعم بالرغم اني متأكد لكن مجرد تحدي مليت الكاوتش ع 32 بهوا عادي و مشيت بيه طبعا حجر راكب قللت الضغط لـ29 نعومة ما بعدها نعومة
فضيت الكاوتش كله و رجعت مليت نيتروجين ع ضغط 32 حجر برده خليته يومين و بعدين خفيت الضغط لـ30 الكاوتش بقي ناعم تاني زي الهوا لكن الفرق ان النيتروجين مكنش محتاج تزويد لفترة طويلة جدااا عكس الهوا العادي

و طالما الراجل ملي 35 و قالك عشان البرد يبقي كده غالبا هوا عادي لأن هينكمش و هتنزل تاني يوم او يومين و تلاقي الضغط بقي في حدود 30

تملي الكاوتش لأول مرة نيتروجين بـ5-7 للفردة بعد كده التزويد بيكون في حدود 2-3 ج للفردة