استفسار عن الفتيس الاوتو

**Ahmed_Farouk** · 06-02-2013 12:05 PM

النهاردة و انا ماشي عادي على سرعة 40 و على الوضع d عيني جت على شاشة التابلوه لقيت حرف ال d اختفى و بعديها بكام ثانية ظهر تاني مع العلم ان ده مأثرش على العربية في حاجة. حد يعرف ايه الحركة دي؟

**szain** · 06-02-2013 01:06 PM

المشاركة الأصلية كتبت بواسطة ahmed_farouk

النهاردة و انا ماشي عادي على سرعة 40 و على الوضع d عيني جت على شاشة التابلوه لقيت حرف ال d اختفى و بعديها بكام ثانية ظهر تاني مع العلم ان ده مأثرش على العربية في حاجة. حد يعرف ايه الحركة دي؟

بيحصل معايا ساعات يا باشا برده .. وزي ما أنت ما قلت مفيش أي تأثير على أي حاجة وإنت ماشي ... ممكن يكون الكمبيوتر بس مهنج أو بيلود حاجة .. مش متأكد والله أعلم .. للعلم معايا لوجان اوتوماتيك 2012

**walidzakzok** · 06-02-2013 01:31 PM

عادي يا باشا حصلت معايا برده بس فى ال n مش ال d

**ahmedeg1** · 06-02-2013 01:40 PM

اكشف عليها فى التوكيل

**mo_x5** · 06-02-2013 02:49 PM

انا كنت فاكر ان ده بيحصل عندى انا بس ....ممكن يكون تهيس فى الكمبيوتر او الشاشه

**Ahmed_Farouk** · 06-02-2013 09:14 PM

الف شكر على ردودكم يا جماعة. انا كده حاتبعها لو اتكررت تاني و حابقى اقولهم عليها في الصيانة الجاية ان شاء الله

**gebreel** · 06-02-2013 09:18 PM

حصلت معايا كام مرة بس على فترات بعيدة و لما كشفت عليها في التوكيل و في فرنش موتورز الفتيس مش مسجل اي error

**Ahmed_Farouk** · 08-02-2013 12:59 AM

انا سافرت بيها مشوار طويل و لحد دلوقتي محصلتش تاني اديني متابعها و كده كده حابقى اقولهم عليها في الصيانة الجاية ان شاء الله

**Ahmed_Farouk** · 01-03-2013 12:00 AM

سؤال سريع كده، لما الفتيس بينقل بين التاني و التات بحس و كأنو عدى على نقلة في النص بمعنى ان الفتيس بينقل من اول لتاني على سرعة 20 و بعدين على سرعة 50 بحس و كأنها نقلت لتالت يعني المتور بيوطى و كأنها نقلت بس في الواقع ببقى لسه على التاني و لما اوصل 60 بتنقل لتالت فعلا. حد بيحصل معاه الكلام ده