توكيل رينو العامرية

**nouranwar** · 07-02-2013 04:33 AM

التوكيل بيهددني يا اسيب العربية اسبوع او اتأقلم مع المشكلة
بقالي فترة ملاحظ ان العربية مش ضبوطة من بعد صيانة ال 5,000 كم فروحت لفرع العامرية علشان فرع سموحة فيه حاجات كتير مش موجودة فيه دخلت لمهندس الاستقبال قولتله العربية كذا مرة لقيت فيها رجرجة جامدة قوي وانا بفرمل و ساعات و انا طالع بيها مع العلم معظم الوقت مش بتحرك بيها قبل ما تسخن و تجيب شرطتين زي ما قولتوا هنا المهم بقوله كده و بقوله صوت الموتور عالي ركب العربية و طلع يجربها و انا معاه فبيقولي طبيعية قولتله هي دلوقتي طبيعية بس ساعات كتير بتهبل زي مقولتلكم الراجل محترم جدا بس بيقولي انا مش شايف فيها مشكلة و ديه سواقتها احسن من الفلوانس و لو حضرتك مصمم علي الشكوي يبقي هتضطر تسيبها اسبوع كل يوم نطلع نجربها و لو ظهر فيها اي مشكلة هنضبطها قولتله لأ طبعا مش هسيبها اسبوع و هجيلك في صيانة ال 10 تضبطها

قولتله طيب الزجاج بتاع الراكب الامامي من بعد ما صلحوه في سموحة و هو بيطقطق كتير و الصفارة من بعد ال 90 بتطلع قالي علشان نعمل الصفارة هتسيب العربية 3 ايام !!!

هما نظامهم ايه في التوكيل اي حاجة اشتكي منها بيكدروني يعني و بيعاقبوني علشان بشتكي
يا اما اسكت عن المشكلة يا اما اسيبلهم العربية بالاسبوع !!!!
هي المدد اللي بيقولي عليها المهندس ديه طبيعية ولا ايه؟
في الاخر طبعا استسلمت و قولتله هجيلك في صيانة ال 10,000 و تراجعلي علي الكلام ده كله طبعا فرح و قالي ماشي
فأيه !!!

**amr.elsayed** · 07-02-2013 05:55 AM

طيب عملوا ايه فى الرجة مع الفرامل ؟؟

**nouranwar** · 07-02-2013 06:07 AM

قالي تسيبهالي اسبوع علشان اشوفها كل يوم
طبعا مسبتهاش علشان مش هقعد من غير عربية اسبوع !

**amr.elsayed** · 07-02-2013 07:24 AM

المشاركة الأصلية كتبت بواسطة nouranwar

قالي تسيبهالي اسبوع علشان اشوفها كل يوم
طبعا مسبتهاش علشان مش هقعد من غير عربية اسبوع !

حاول تعمل شكوى على صفحة الفيس او تحجز وتروح لرئيس الفرع تحكيله لان كدة مش حلو خالص
على فكرة هو قالك اسبوع علشان تطفش مش اكتر
حاول تكشف على الطنابير علشان لو فيها اى مشكلة تتغير فى الضمان بدرى بدرى قبل التلاكيك
ومش لازم تسخن لحد شرطتين على فكرة
لازم تاخد موقف يا نور لان انت عندك كذا حاجة مضايقاك ومهندس الاستقبال بيستهبل جامد وصفارة الكبوت دى
بتتعمل فى يوم بتروح بدرى شوية وبتتصلح وشكرا .. لكن 3 ايام ليه هو حيصنعها !!!

**gebreel** · 07-02-2013 09:57 AM

اطلب مقابلة مدير الورشة ... انا كان عندي مشكلة مع الفرامل و رحتلهم كذا مرة في المقطم يقلولي طبيعية بالرغم من اني عارف فرامل العربية عاملة ازاي و كل مرة يطلعو معايا نفس المهندس (اللي عرفت بعد كدة انو المهندس اللي لما بيعوزو يمشوا عميل بالزوق بيطلعوه يجرب معاه) رحت رايح في يوم و طلبت مقابلة المهندس ياسر مدير الورشة في المقطم و الراجل مشكور طلع جرب معايا و قالي انا حاسسها طبيعية بس هخليهم يشدوهالك شوية و ننضفها و نكشف على منظومة الفرامل كلها علشان حياتك تهمنا

المهم فرامل العربية كاملة اتفكت و انتشدت و اتنضفت و اخدت حوالي 4 ساعات العامل مفيش في ايدو غير عربيتي و ياسر كل شوية يطلع يشيك على الحاجة بنفسه لحد ما طلعنا جربنا و حسينا بالتحسن

متسيبش حقك علشان رجة مع الفرامل ممكن جدا تكون طنابير و انت في الضمان

**nouranwar** · 08-02-2013 07:30 AM

الراجل محترم مش مديني فرصة اتكلم معاه بس طريقة مستفزة الصراحة يا اسبوع يا استحمل و موضوع الصفارة ده انا قريت هنا انها بتتعمل مع صيانة ال 5,000 العادية فليه ده يقولي 3 ايام !!!
انا عامل 8 وشوية هروحلهم علي ال 10 ان شاء الله و مش همشي من هناك الا و كل حاجة كنت بشتكي منها تتعمل و في نفس اليوم علشان الواضح من كلامكم ان مشاكل اكبر من كده و بتتعمل في ساعات مش يقولي اسبوع !
الظاهر كده يا استاذ جبريل نقلوا المهندس اللي كانوا بيطلعوه معاك لفرع العامرية :) او عندهم مهندس بنفس الطريقة في كل مركز :)
بالنسبة لجهاز حماية المستهلك هشوف هيعملوا ايه معايا في صيانة ال 10 و لو معجبنيش تصرفهم هشتكي لمدير الفرع و لو مفيش فايدة من رينو خالص هروحله اكيد بس المشكلة انا شايف انها متستحقش حماية المستهلك من دلوقتي
شاكر جدا لحضرتك :
استاذ عمرو
استاذ جبريل
استاذ جورج

**Ahmed Selim** · 08-02-2013 09:18 AM

موضوع الفرامل ده مش محتاج أكتر من يوم علشان يكشفو و يعرفوا فيه أيه بدون إصلاح.......و كده معاهم وقت بزيادة.

نصيحة.........ادخل على مدير الورشة أو مدير خدمة ما بعد البيع على طول و بلاش تضيع وقت مع الناس بتوع الأستقبال.

موضوع الصفارة ده مش فاهمة بصراحة.

لو مفيش نتيجة فيه طرق تانية للتصعيد بس خلينا نمشي واحدة واحدة.

**gebreel** · 08-02-2013 01:40 PM

المشاركة الأصلية كتبت بواسطة ahmed a.maksoud

موضوع الفرامل ده مش محتاج أكتر من يوم علشان يكشفو و يعرفوا فيه أيه بدون إصلاح.......و كده معاهم وقت بزيادة.

نصيحة.........ادخل على مدير الورشة أو مدير خدمة ما بعد البيع على طول و بلاش تضيع وقت مع الناس بتوع الأستقبال.

موضوع الصفارة ده مش فاهمة بصراحة.

لو مفيش نتيجة فيه طرق تانية للتصعيد بس خلينا نمشي واحدة واحدة.

بالظبط كدة

خلي حماية المستهلك اخر حاجة خالص و احنا معاك واحدة واحدة و ان شاء الله الموضوع يتحل

-

الموضوع: توكيل رينو العامرية

LinkBack

أدوات الموضوع

عرض

توكيل رينو العامرية - انشر الموضوع فى :

-

-

-

-

-

-

-

المواضيع المتشابهه

حد ركب العزل فى توكيل العامرية

مركز صيانة العامرية،، يعني إيه توكيل

تقرير صيانه و توكيل رينو يثبت للمره الالف أنه توكيل محترم شكرا م/محمد السيد

يعني ايه الكلام اللي بيتقال ان توكيل رينو توكيل محترم ؟؟؟؟ صيانة 15000

اسوء توكيل توكيل رينو

الكلمات الدلالية لهذا الموضوع

المفضلات

المفضلات

ضوابط المشاركة