يا جماعة توكيل ميتسوبيشى وتغيير زيت الفتيس

**halika76** · 07-02-2013 05:42 PM

يا جماعة كل الناس المحترمة وإللى بتفهم فى المنتدى هنا نصحونى أغير زيت الفتيس الاتوماتيك للبومه 1300 سى سى موديل 2008
بالتوكيل عشان بيشفط الزيت القديم بجهاز وبيستخدم 9 لتر زيت عشان بيغسل الفتيس بلتر وبيحط زيت أصلى زى مواصفات الكتالوج وبيتكلف 600 أو 700 جنية .. وكلام جميل و زى الفل

روحت متصل بالتوكيل أحجز قلولى أقرب واحد ليك السعودى جروب الكيلو 21 طريق الاسماعيلية قولت آمين وحجزت ميعاد وبعدها كلمتهم تانى عشان أعرف التكلفه كام ... طبعاً كانت المفاجأة واحدة ترد عليا وتحولنى على واحدة تانية تقوم محولانى على واحدة تالته ورابعه وفى الاخر يقوللى كلم الصيانة

أكلم الصيانة ترد واحده ومش عارفه حاجة فى أى حاجه وبتقولى التكلفه 160 جنية ونوع الزيت توتال
وبتتكلف 4 لتر فقط وبسألها على الشفط تقولى لا مفيش عندنا شفط وبينزل الزيت من الطبه عادى

مش فاهم حااااااااااااجه مين بيتكلم صح التوكيل ولا الأعضاء الأفاضل على المنتدى

بالله عليكم أفيدونى قبل لما أروح ... أعمل إيـــــــــــــــــه

**mody1221** · 08-02-2013 02:39 AM

اللى قولتة فى الاول كلام سليم
الجزء التانى هرتلة وهذيان هههههه

**Sa3D ALEX** · 08-02-2013 09:08 PM

على فكره هى مش فاهمه حاجه خالص ... من كلامها عرفت انها بتكلمك على تغير زيت الموتور مش الفتيس
واى مركز معتمد من دايموند ميخلاش من زيت الفتيس الاصلى الاماراتى الصنع

**sofokl** · 09-02-2013 08:26 AM

اظن كلامها صح لأن ال 1300 فتيسها عادى مش cvt وبالتالى فبيتحطلها زيت الباور

**islamsimsim** · 09-02-2013 01:19 PM

يا باشا ال 1300 سى سى ده فتيس عادى و بتغيير فى اى حته يعنى ممكن تروح اى بنزينة
الفتيس ال 1600 سى سى هو الاعضاء الافاضل قولك عليه و بتغيير بزيت مخصوص و فى توكيل المصرية الى فى قليوب

**halika76** · 09-02-2013 06:16 PM

يا جماعة متشكر جدا على توضيحكم

**halika76** · 09-02-2013 06:26 PM

المشاركة الأصلية كتبت بواسطة islamsimsim

يا باشا ال 1300 سى سى ده فتيس عادى و بتغيير فى اى حته يعنى ممكن تروح اى بنزينة
الفتيس ال 1600 سى سى هو الاعضاء الافاضل قولك عليه و بتغيير بزيت مخصوص و فى توكيل المصرية الى فى قليوب

طب بالنسبة لموضوع تغيير زيت الفتيس بدون شفط بيطلب من 3 إلى 4 لتر فقط وما بينزلش كل الزيت القديم ... الموضوع ده بيفرق ما بين الفتيس cvt والفتيس العادى ولا إيه ؟

وعلى فكره سألتهم فى توكيل دايموند قالولى بنغير 4 لتر توتال فرنساوى وبدون شفط وتقريبا بيتكلف 260 أو أكتر عشان فى ضريبة ...

وكلمت توكيل ميتسوبيشى السابق المصرية الرواس وقالولى بيتغير 9 لتر وبيعملوا الشفط وغسل الفتيس والخراطيم بس بيحطوا زيت Mobil ATF وبيتكلف 550 جنية

وناس محترمه قالت طالما فتيس عادى غير فى أى بنزينة ...

محتار أتصرف إزاى وهل ممكن أسيب زيت الفابريكا وأزوده لو نقص وخلاص وأريح دماغى ؟

**halika76** · 09-02-2013 07:25 PM

طب بالنسبة لموضوع تغيير زيت الفتيس بدون شفط بيطلب من 3 إلى 4 لتر فقط وما بينزلش كل الزيت القديم ... الموضوع ده بيفرق ما بين الفتيس cvt والفتيس العادى ولا إيه ؟

وعلى فكره سألتهم فى توكيل دايموند قالولى بنغير 4 لتر توتال فرنساوى وبدون شفط وتقريبا بيتكلف 260 أو أكتر عشان فى ضريبة ...

وكلمت توكيل ميتسوبيشى السابق المصرية الرواس وقالولى بيتغير 9 لتر وبيعملوا الشفط وغسل الفتيس والخراطيم بس بيحطوا زيت Mobil ATF وبيتكلف 550 جنية

وناس محترمه قالت طالما فتيس عادى غير فى أى بنزينة ...

محتار أتصرف إزاى وهل ممكن أسيب زيت الفابريكا وأزوده لو نقص وخلاص وأريح دماغى ؟