الموضوع: استشاره a4 1998

المشاركة الأصلية كتبت بواسطة alzelafy

ال 98 بتبدا من 60 لحد 75 و قطع غيارها متوفرة جدا مفيش اى مشاكل مشتركه مع الجولف 4 موتور و عفشه و الباسات و البورا و التوليدو و الاسكودا ....ز عربيه تقيله جدا على الطريق .... عربيه سفر بمعنى الكلمه ...... و يا سلام لو وقعتلك على واحدة 1800 سىسى تاخدها و تروح المطار يركبولك جناحين و تتوكل على الله تجرب على خط القاهرة السعوديه و بالمرة تجنطها جنوط طيارة بالكاوتش .... هاهاها بهزر طبعا . فى بورسعيد بيدللو على حاجتها هى و الباسات .... اللى فاهم للعربيه دى يعرف يمشيها بافل التكاليف .... سعرها فى السوق معتش فلوس مقارنه بعربيات تانيه .... انا بركبها و بركب بومه 1600 بردو فرق شاسع .... تقدر تقول فرق الموتوسيكل و العجله مع كامل احترامى للسيارة الاولى فى مصر مبيعات و اعتماديه .... طبعا اللى بعملو من تسارع و فرامل و عرز بالاودى مبعرفش اعمل نصفه باللنسر فرق القوة باين اوى اوى اوى ..................... و الله الموفق

.....طب حاجاتها الاصلية فيه منها جديد بيتباع؟؟ ومتوسط اسعارها غالى؟؟ وبتعملها الصيانة فى مركز خدمة ولا فين؟؟ وحاجاتها معمرة ؟؟ طب لو طلبت من حضرتك تقييمها بأمانة مع الe36 الدبانة لنفس سنة الموديل والسعر متقارب تقريبا حضرتك ترشح ايه؟؟ اسف جدا عالاطالة لكن نادرا لما الواحد يلاقى حد هنا من ملاك الرائعة اودى

المشاركة الأصلية كتبت بواسطة alzelafy

البى ام قطع غيارها اغلى مثلا سير الكاتينه بتاعها اسمع 360 الاودى بدايه من 120 و 160 و 220 و 280 بتاع التوكيل بالنسبه لسير الكاتينه ... و لسه جايبو امبارح ابو 160 و تمام البى ام ضيقه عن الاودى و تحس بفرق الموديل فى البى ام عشان شكل ال 98 بدايه من 92 لكن الاودى من 95 ل 2002 شكل واحد ....... اغلى حاجه فيها فتيسها ب 3500 و كيلو الزيت ب 75 و بتاخد 4 كيلو زيت و اعتقد البى ام اغلى من كدة ....... البى ام شبابيه اكتر و صغيرة و روشه .... الاودى عائليه شويه ..... قطع الغيار فى المتناول و ارخص من البومه ..... فلتر الزيت ب 20 بتاع الفليشيا بيركب البنزين ب 50 سير الدينامو ب 80 جوز الفوانيس امامى ب 400 خلفى 500 اكصدام خافى ب 800 بالشاسيه الحديد اللى شايل الاكصدام الرادياتير جبت واحد الراجل قالى 1000 جبتو من واحد جنبو و نفسو ب 350 طقم بوجيهات 70 دينامو ب 350 و لقيت ارخص بس بعد ما اشتريت ....... عفشه اماميه كامله بالكبالن استيراد 2500 قبل الفصال من واحد اسمو احمد القاضى فى الحرفيين خلف شارع المرسيدس و عندو مواتير 1800 بدايه من 3500 موتور كامل و عندو مواتير كتيير ال 1800 مش عارف يبعهم ..... موتور الاودى بيقبل العمرة و بيقعد 4 سنين و بعد كدة بيبدا يودع ..... اسمع ان البى ام و الفورد مبتقبلش موتورها يتفتح اصلا لو اتفتح يترمى بعد كدة و ما بيقبلش خراطه ............ مجرد سمع الله اعلم بالحقيقه............... و الله الموفق

......الصراحة اسعار معقولة جدا بس الكلام ده للاستيراد أكيد..حضرتك برضه مقولتليش هل لسه بينزلها جديد؟؟ واسعارالجديد اخبارها ايه؟؟ وطبعا شاكر جدا لحضرتك على الافادة وياريت لو أقابلك وتدينى لفة بالاودى كده ربنا يباركلك فيها هههههههههههه