الموضوع: توكيل رينو العبور الصيت والا الغنى

بصراحة انا روحت التوكيل مرتين لحد دلوقتي انطباعي عنه انه نظام زحلق واقلب واول ما تخش وتستنى دورك تقع مع مهندس الاستقبال طويل واسمر وبنضارة ومكشر على طول ولما تقوله على اي ملاحظة يقولك اصل اللوجان كلها كدة !!! يا عمنا انا سايق قبليها عربيتين اوتوماتيك مش محدث نعمة يعني يقولك لا اهو كل العربيات حمادة و اللوجان حمادة تاني خالص !!! يا جماعة انا شاري عربية مش كنبة!!!

الخلاصة ان لو فرع العبور احسن فرع فى رينو مصر وان توكيل رينو احسن توكيلات مصر يبقى احنا فى ماساة.

وياريت المهندس الكيشري اللي معرفش اسمه دة ينقلوه اي قسم تاني مفيهوش تعامل مع الجمهور ممكن قسم غسيل السيارات!!

ونصيحة مني لوجه الله كواحد ساق عربيات كتير لو ناوي تشتري لوجان ومعاك فلوس الصني الجديدة خليك فى الصني وهاتدعيلي وخصوصا ان الفرق بقى قليل.

ولقد راعيت الامانة فى نقل هذه الصورة اكيد فيه ناس هاتقولى دة توكيل فل الفل هاقوله الواحد اشتغل جوة مصر وبرة مصر احنا هنا بنهزر ومش بنشتغل بطريقة احترافية ودة اللي خلانا من الدول المتخلفة.

والسلام عليكم ورحمة الله