اضاءة فتيس اللانسر

**momo_h** · 10-02-2013 05:42 PM

عندي استفسار بخصوص اضاءة الفتيس الاوتوماتيك في لانسر 2013 لما بشغل نور التابلوه الفتيس مش بينور هل ده في كل العربيات و لا انا عربيتي فيها مشكلة

لاني اعرف انه المفروض الفتيس بينور مع اضاءة نور التابلوه لكن اللانسر عندي مش كده

**manfromegy** · 10-02-2013 05:54 PM

ياباشا ال 2013 كلها الفتيش ما بينورش ولا طفايه السجاير.و شكرا

**momo_h** · 10-02-2013 07:37 PM

المشاركة الأصلية كتبت بواسطة manfromegy

ياباشا ال 2013 كلها الفتيش ما بينورش ولا طفايه السجاير.و شكرا

شكرا يا باشا على الرد

**unks** · 10-02-2013 10:18 PM

وانا لسه برضو شاري لانسر ومبينورش مفيش حل يجماعه وانا كل شويه اتلخبط لاني مش شايف الغيارات صح انا اصلي متعود على المنوال ياريت اصحاب اللانسر يفيدونا

**salah_86** · 11-02-2013 06:34 AM

ملهاش حل ودا غباء من شركة ميتسوبيشى يعنى ايه اللى كان هيضرهم لو عملوها ما ال 2010 لحد اول مانزلت البومة وكان فيتسها بينور وكمان فى لمبة ولاعة ولمبة طفاية
غبااااااااااااااااااااااا ااااااااااااااااااااااااا اااااااااااااااااء
والعربية تمنها بيزيد ولو خدتو بالكو ان خامات الطابلوة بقت ضعيفة عن الاول ولو خدتو بالكو اكتر هتلاقو التقفيل بقتا حاجة تقرف مثلا كل باب فيه مسمارين بكلبس بيقفل على المسمار مش هتلاقى الكلام دا فى 2012 ولا 2013 هتلاقى المسمار باين كدا زى اللطعه

**ahhazem** · 11-02-2013 10:04 AM

انا سألت على الموضوع ده في التوكيل
وقالولي انهم شالوا كل الإضاءات دي علشان كانت بتعمل سخونه وحراره في الموديلات القديمه فاكتفوا في ٢٠١٢ و ٢٠١٣ بنور التابلوه والتكييف ولمبة الانتظار بس
بس السؤال بقى :
هل في توصيلات للحاجات دي وبس اللمبه اللي مش موجوده؟؟؟؟
يعني ينفع اركب انا ليدات من عندي وانورهم والا ايه النظام؟؟؟؟

**salah_86** · 11-02-2013 10:26 AM

دا قصر ديل يعنى هما مخدوش بالهم من 2003 لحد دلوقتى انها بتسخن ياسلام والبومة اصلا التطور الطبيعى للمكوة يعنى مخدوش بالهم من 2000
دا تبرير لسوء التقفيل
مانا راكب عندى نور الولاعه ونور الطفاية وانا موديل 2009 ومانيوال ولا عمرى اشتكيت من سخونية يعنى
ولو نور الفتيس اللى بيعمل سخونية كانو حطو نور الولاعة والطفاية عذرا دا اى كلام فى الحمادة من توكيل بدا بهرتلة غير عادية

**ahhazem** · 11-02-2013 01:44 PM

طب تفتكر توصيلاتهم موجوده؟؟
يعني ممكن اركبهم انا؟
ازاي ممكن اعرف ان ليهم وصلات في اماكنهم

**salah_86** · 11-02-2013 03:16 PM

سهلة شيل الطفاية خالص وبص تحتها لو لقيت دوايه اللمبة تبقى موجودة التوصيلات
وبالنسبة للمبة الولاعه دى علشان تعرفها تفك الفبرة بتاعة الكنسول اللى بيبقى فيه الفتيس لو من تحتها هيبان فى وصلات ولا لا ودى افضل انك متعملهاش بنفسك وتشوف حد كهربائى فاهم يفكلك الحتة دى ويشوف هل فى توصيلات ولا لا
ومعتقدش ان هيكون فى توصيلات من اساسه يعنى

**unks** · 11-02-2013 06:44 PM

والله يجماعه احنا لازم نشوف حل لان انا كل شويه اتلخبط وحتى المنظر العام للكونسوول مش كويس ياريت نجمع افكار مع بعض ونحاول بما اني لسه جديد في اللانسر

الموضوع: اضاءة فتيس اللانسر

LinkBack

أدوات الموضوع

عرض

-

-

-

-

-

المواضيع المتشابهه

اضاءة الانوس

كل ما يخص اضاءة السيراتو

تفاصيل رقم شاسيه عربيتك اللانسر 1600 او اللانسر 1500

ممكن مقارنة بين اللانسر الخليجي و اللانسر المصري

اضاءة العدادات

الكلمات الدلالية لهذا الموضوع

المفضلات

المفضلات

ضوابط المشاركة