الموضوع: لية اسعار جينز كار مبااااااااالغ فيها كدة ؟!

انا قريت الموضوع من اوله و بصراحة مفيش ما يقال بعد كلام الاخوة
انا ممكن اكون معاك في ان الاسعار تحس انها عالية بالنسبة لينا لأننا متعودين ع الفرش الجاهز ابو 300-500 ج بس اللي اقدر اقوله ان حضرتك بتاخد صنعة و خامة و زي ما اخويا حازم قالك انا و هو كنا عنده في نفس اليوم و شوفنا الخامات بنفسنا و حاولنا نقطعها فعلا و معرفناش و كان بيقولنا ديه اقل خامة عنده و شوفنا الباقي برده ما شاء الله حاجة محترمة طبعا ده غير تعامل الحج احمد و كرمه اللي تخطي كل الحدود مهم قولت مش هعرف اوصف
و احب اضيف ان الموضوع بيفرق من عربية لتانية يعني مثلا مينفعش تقارن عربية كارينز بعربية التو يعني تكلفة ديه مش زي ديه مش المقصود ان عشان مستوي العربية لأ لكن حجم الكراسي و شغلها نفسه
و بعا الشغل اللي بتختاره هو اللي بيحدد التكلفة هتكون اد ايه يعني لو عايز خياطة دبل ليها سعرها عايز جلد بس او جلد و قماش ليها سعرها و هكذا
بالاضافة انك بتاخد شغل انت اللي بتختاره بنفسك يعني الالوان و جلد و لا قماش لا الاتنين و الخياطة عكس الجاهز هتكون مجبر تجيب الوان محددة و بالتالي انا شايف ان كل ده يستاهل اني ادفع زيادة بس اخد اللي علي مزاجي مش اكون مجبر و احتمال الفرش الجاهز كمان يطلع مش مظبوط
و فكر تروح محل قوله عايز فرش جاهز لكارينز مثلا شوف هيقولك اقل حاجة كمان بالرغم انه مش هيقف عليه بنص التمن اللي بيقولهولك او قوله للالتو او ماروتي شوف هيقولك كام مش هتصدق و ممكن تلاقي الفرشين نفس المقاس لأن الموضوع ده حصل معايا شخصيا لكن دول بقي اللي بيحكموا ع مستوي العربية مش الشغل

و الفرش اللي راكب عندي من جينز كار شوف بنفسك و احكم الشغل ما شاء الله تفتكر انه فبريكة بعد ما كنت مركب فرش جاهز بهدلي الفرش الاصلي و الكراسي
و احلي حاجة القماش اللي اخترته مع الجلد فيه لون ازرق ماشي مع لون العربية و حرف M اللي هيبان في الصور كأنها نقط لكن ع الحقيقة اوضح لدرجة ان فيه ناس بتركب معايا و بيفتكروا ان ده الفرش الفبريكة بسبب حرف الـM لأن المصنع اللي بيقفل في الهند زي ما انتوا عارفين اسمه ماروتي Maruti ( مش العربية هو اسم المصنع كده ) بالاضافة للفينيش بتاع الفرش نفسه ما شاء الله زي الفبريكة و يمكن احلي

http://www.nilemotors.net/Nile/288080-a.html