اعلانات في الفضائيات عن موبايلات رخيصة ،كيف ؟

**د.محمود صلاح** · 11-02-2013 08:08 PM

لاحظت وجود اعلانات متكررة عن موبايلات غالية مثل سامسونج اس 3 وبنفس المواصفات تقريبا وتلاقيها رخيصة ب 300 ج مثلا ، طيب دي لو مقلده ازاي يسمحوا بعمل اعلان عن سلعة مقلدة باحتراف وبنفس الاسم التجاري ؟ ولا الموضوع نصب ؟

**goeast** · 11-02-2013 08:18 PM

تقليد مجرد شكل
لكن طبعا امكانياته تعبانه جدا
واحيانا تشتري 2 وتاخد واحد هديه

**د.محمود صلاح** · 11-02-2013 09:32 PM

ازاي سامسونج تسمح بإعلان مضلل زي ده وبيتكلم بكل ثقة عن اسم المنتج عادي خالص

**w-m-a** · 12-02-2013 12:14 AM

يا دكتور بيغيروا حرف او بيبدلوا حرفين عن الماركه الاصليه
وبكده خرجوا من السرقه
المشكله ان فى عدد ممتازة وفى حاجات زباله

**OMAR61995** · 12-02-2013 12:16 AM

المشاركة الأصلية كتبت بواسطة د.محمود صلاح

ازاي سامسونج تسمح بإعلان مضلل زي ده وبيتكلم بكل ثقة عن اسم المنتج عادي خالص

دى مش مشكلة سامسونج
دى مشكلة وزارة الإعلام اللى بتسمح بإذاعة الإعلانات دى و إعلانات الأدوية الوهمية

**SAMEH_FOUAD** · 12-02-2013 11:25 AM

ببساطة الموبايل اللى بيتعرضلك على ال t.v دة هو الاصلى بتاع سامسونج , لكن تيجى بقى تشترى الهاتف دة تلاقية اصبح 3310 نوكيا متنكر فى جهاز بشاشة كبيرة وشكرا على كدة , لكن الكاميرا تعبانة جدا, ال radiation بتاعة التليفون عالية اوى اوى , جاهز صوت بس , بجد والله حرام فعلا ان الحاجات دية بتتعلن كدة على الهواء

احنا لازم ننظف بقى من الحاجات دية مش عارف لية سايبينها والله الواحد يبقى قاعد مثلا بيتفرج على فيلم وفجأءة فاصل 30 دقيقة وهات بقى اعلانات منيلة بنيلة زى وشهم , منشطات - اجهزة ورق وتعبانة - زيوت - ادوية - مراهم وكل دول تلاقيهم معمولين تحت بير السلم ومتعبين وطبعا مافيش رقابة لان الاعلانات دية هية اللى قايمة عليها المحطة لانها بتاخد فلوس وشوف بقى مدة الاعلان قد اية " والحسابة بتحسب "

بجد لازم ننظف فعلا انا مش عارف هنفضل لحد كدة امتى ؟؟؟؟؟؟؟؟؟؟؟؟؟؟؟؟؟؟؟؟؟؟

**alaa74** · 12-02-2013 11:39 AM

متستغربشى يا دكتور محمود
اللى حضرتك شوفته ده تجسيد للواقع اللى بقينا عايشين فيه للأسف .
إعلانات قذره
ألفاظ خارجه
مناظر فجه
كله بيدور على السبوبه وبدون رقابه أو أى معايير للجوده أو حقوق ملكيه فكريه أو أى حاجه
الشركات اللى من النوع ده بتستغل سذاجه البعض وجهل البعض الاخر وبتعمل الاعلانات دى وبتصرف
مقابل بيعها للأجهزة المضروبه والمعيبه والقنوات اللى من النوع ده بتعتمد على المشاهده العاليه
للمشاهد العادى وهو بيتابع فيلم وتعرض الأعلانات المستفزة دى وكله بتمنه
لدرجه ان العادى بقى اعلانات بفواصل افلام مش العكس .

المسئوليه على الجميع أصحاب الفضائيات ووزاره الاستثمار اللى بتديهم تصاريح لفتح القنوات دى دون مراقبه المحتوى والمعروض وكمان وزارة الاعلام وعلى رأسهم المواطن العادى
اللى هو الهدف والفريسه لأنه بيشترى
لازم الناس تغير ثقافتها الشرائيه وتبطل نصاحه
يعنى ازاى موبايل تمنه 4000 او 5000 جم ويتباع هو نفسه ب 300 جم
شئ مش منطقى بالمره ومع ذلك الناس بتصدق .

ربنا يرحمنا من الجهل والسذاجه والجشع وعدم الأمانه .........

تقبل تحياتى يا دكتور وواحشنى جدا .