اول مره ادعى فيها على حد بالشكل ده

**yoga** · 15-02-2013 09:42 AM

الهى ما تتهنى على كل قرش اخدتوة منى بالحرام واعتبرتوه حلال

الهى ان شاء الله تلاقو ظلمكم ليا فى صحتكم وربنا يبتليكم بالسرطان والامراض اللى الطب معرفش حتى الان يداويها

الهى تتعرضو لحوادث تكسر عربياتكم واشوفكم محروقين واشفى غليلى فيكم

الهى يتحرق اى مكتب ليكم سواء معرض سيارات او ورشه ميكانيكا

الهى يتحرق قلبكم على ولادكم ويتصابو بالمرض الفتاك نظير كل قرش اكلتوة حرام من تعبى وشقايا

الهى اشوف فيكم يوم ياللى خدعتونى وضحكتو عليا وسرقتنوى عينى عينك

باختصار بسبب الثقه فى التجار معدومى الضمير اللى مصلحتهم هى بيع العربيه وبس اى كان العربيه مسروقه مش مسروقه بايظه شغاله مغيره حاجه مش مغيره والزبون يشرب اتضحك عليا فى 4000 جنيه فى ليله بسبب عربيه اشتريتها بالليل وجيت ارجعها الصبح اكتشفت انها مليهاش ورق ومتنيله وبايظه ف الفتيس والماكينه عاوز شغل كتير واخدو ال 4000 سمسره من فلوسى اللى دفعتها مقدم او البسها واشتغل فيها ومعرفش مين صاحبها

نصيحه ابتعدو عن التجاااار

وقريبا ساحكيلكم ع التفاصيل واسم الكلب التاجر وبياناته وبيانات الكلاب اللى معاه

**speed_magnum** · 15-02-2013 10:00 AM

ربنا يعوض عليك .....
وينتقم من كل ظالم
.
.
.
بس انت ليه تشتري من تاجر ؟؟؟؟ في مواضيع كتير هنا في المنتدى وناس كتير بتحذر من التعامل مع التجار ...............
.
.
وفي انتظار التفاصيل

**SAMEH_FOUAD** · 15-02-2013 10:48 AM

ياباشا معلش مع احترامى لحضرتك

ربنا يعوض عليك , طبعا وربنا بنتقم من كل واحد بيحل على نفسة فلوس غيرة اللى تعبان فيها

بس انت غلطان فى الاول وفى الاخر , انك تشترى عربية من غير ماتتأكد من ورقها , او تتأكد من سلامتها كعربية

بس الدعوات دية كلها جامدة اوى وبعدين اذا كان الاهل هما اللى غلطوا يبقى مالهومش دعوة الابناء

"ولا تزر وازرة وزر اخرى "

كفاية انك تقول عليها ربنا يعوض عليا , وينتقم منهم . وحسبى الله ونعم الوكيل

وان شاء الله ربنا يعوضك خير

**w-m-a** · 15-02-2013 12:28 PM

يأخى ربنا يعوض عليك
انا حاسس بيك
بس ياريت تقول
حسبى الله ونعم الوكيل
او
حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ
ولا تدعى على احد
ربنا ان شاء الله سينتقم منهم ويعوضك خيراً

**hugan** · 15-02-2013 01:29 PM

يعني
ربنا يعوض عليك
لكن ايه كميه الدعاء الرهيبه دي
المنتدي مليا ن مواضيع تحذر من الشراء من التجار
او حتي سوق مدينه نصر

**yoga** · 15-02-2013 03:17 PM

شكرا يا جماعه ........... انا شريت وبعت قبل كده ومن ناس عاديين مش تجار ودى كان اول تجربه ليا مع التجااار وصدقونى انا شخص وبفضل الله متسامح بطبعى ودايما مش بادعى على حد حتى ولو ظلمنى لكن ده والشله اللى معاه انا عن نفسى مش عارف ايه اللى خلانى كده معاه

اولا فلوسى مش بالساهل ان اضيع منهم ف ليله 4000 ولا لشى الا للنصب واللى مضايقنى انا كنت واثق فيه وف اللى معاه ولكن للاسف ثقتى طلعت فالصو ولو حد فيكم مكانى ممكن يدعى باكتر من كده
ان كان ع الفلوس بتيجى وبتروح انما نصب وخديعه مش باستحمل

اسف اذا كنت ضايقت حد