الموضوع: صيانة ال5000 لشيفرولية نيو سبارك 2012

فى معظم التوكيلات اول صيانه بتبقى مجانيه
بتتحاسب على الزيت و الفلتر لو اتغيروا
حط زيت تخليقى طبعا العربيه لسه جديده
مياه الريدياتير و الزيوت و كل الكلام ده مش معاده دلوقتى نهائى بتتغير فى صيانه ال 40 الف
الصيانه الاولى بتبقى مراجعه للعربيه و تربيط العفشه و لو فى اى مشاكل فى العربيه بيعملوها
الفرق هيبقى فى الصيانات التقيله لكن الصيانات الخفيفه كله زى بعضه
الفوجات و اى شغل اضافى لا يشمله الضمان هيبقى عليك طبعا و هتدفع فيه فى التوكيل جامد بس شغل مضمون نسبيا
الصيانه تقريبا لو اتغير زيت و فلتر هتبقى فى حدود 250:300 جنيه على حسب الزيت و الفلتر

عشان تطمن اكتر اقرأ كتاب الصيانه و بيعملوا ايه كل صيانه عشان تبقى رايح عارف ايه الى هيحصل بالظبط
الاسعار على ما افتكر كانت بتبقى مكتوبه فى ورقه فى التوكيل بس ده كان من كام سنه

و مبروك صيانه ال 5000 عقبال ما تعمل ال 50000

شكرا للرد AlGazar2 بس انا بفكر اغير زيت بره فالفولين بيقولوا زيت كويس وثابت نفسه وبعد كده اروح التوكيل اعمل الصيانه عادى

بلاش الزيت ده افضل
مجرد رأي ..

بص يا سيدي .... أنا لسة عامل صيانة الافبو 5000 من 3 اسابيع تقريبا .... اتكل علي الله و روح للتوكيل ..... ضبطوا لية بعض المشاكل .... و المصنعية ببلاش
التكلفة كانت
135 جنية تغيير زيت شيل هيليكس 5 ... 50-15w ... دا بيعد 5000 .... انصحك انك تختار زيت اقل لاني حسيت ان الماتور بقي اتقل .... اختار زيت 10000 .... علي ما اظن انة هيكون 40-5w .... تمنة في البنزينة لشيل هيلكس 7 275 جنيه
23 جنية فلتر زيت
20 جنيه علبة شحم لاجزاء العفشة
الفاتورة كانت 178 جنيهة ..... مفيش مصنعية .... صلحوا لية بعض الملاحظات و ملاحظات تانية قالوا ما يعرفوش

بالنسبة للفوج لامب و اي حاجة في دايرة الكهرباء .... هيقولوا لك روح منصور الكيلو 4.5 طريق الاسكندرية الصحراوي