إستشارة في أختيار سيارة صيني حدود 35 ألف

**waleed_89** · 16-02-2013 02:43 PM

السلام عليكم

الحمد لله نويت شراء سيارة وكنت محدد ميزانية حدود 30 ألف وكان أودامي أختيارات كتير (برايد عصفورة - فليشيا - أكسيل - او تيمبرا) بس كل الموديلات هتكون بحد أقصي سنة 1999.

فكرت شويه وقلت ممكن أرفع الميزانية ل 35 ألف وأقدر أجيب حاجه صيني موديل حديث وأكيد السيارة اليه ماشيه بقي لها 14 سنة مش زي اليه ماشيه 4 سنين وهحس اني راكب عربية جديدة مش مستعمل والأعطال هتكون أقل.

- الأول متفقين معايه علي النقطه ديه وله حد لي رأي تأني ؟؟؟!!

إذا كنتوا متفقين معايه نكمل - أحتياجاتي من العربية:

- إستخدام فردي أغلب الأوقات ولكن مطلوب الراحة في القيادة وأتساع كرسي السائق لأني طولي تقريباً 188 سم ما بحبش اكون راكب العربية ورجلي بتخبط في التبلوه وانا بدوس دبرياج :d.
- الأستخدام ليس يومي ولكن المسافات طويلة ممكن في اليوم يوصل 100 كم.
- عزم السيارة والسحب أساسي مع التكييف ممكن يقل مش مشكلة.
- الأعتمادية وأسعار قطع الغيار وأعادة البيع تكون متوفرة ما تكونش عربية صعبة في بيعها اوي ولا قطع الغيار غاالية ومش موجودة.
- طبعاً ماتنسوش متوسط السعر 35 ألف.

الأختيارات اليه في فكرت فيها (a113 - جريت وول بيري) معرفش حاجه تانيه ممكن تكون مناسبة في مستوي السعر ده والجريت وول بيري اول مره اسمع عنها في المنتدي هنا ...

مستني ردودكم

**waleed_89** · 17-02-2013 08:20 PM

متااااابع بأهتمام

**mrs-kadous** · 17-02-2013 09:20 PM

اياك والصيني خاول تدور علي عربيه خالتها كويسه في حدود المبلغ احسن

**waleed_89** · 18-02-2013 12:17 AM

أشكرك جداااً, حد عنده رأي تاااني ؟؟!

**AMIR FAROUK** · 18-02-2013 12:34 AM

انا معايا زميل لى معاه a113 موديل 2008 وعاملة حاليا حوالى 110000 كيلو ماشاء الله العربية اساسيتها وكماليتها كلها فى حالة جيدة جدا
علما بانه قيادته للسيارة بالاسلوب الرياضى يعنى شد وسحب وحرق على الغيارات ومن جوه العربية واسعة متحسش انها من العربيات الصغيرة نسبيا
وفيه كمان الليفان مينى - هى مش منتشرة زى الاسبيرنزا بس ماشاء الله واسعة وقوية وشكلها فى ناس بيعجبها اوى انها واخده شكل المينى كوبر وناس تانية مبيعجبهاش بس دى اذواق - عيبها اللى بيخوف الناس منها هو الوكيل بس اللى اعرفهم معاهم العربية محدش اشتكى منها ولا من الوكيل لحد الان

اخيرا - وجهة نظر - الصينى فرض نفسه مش علينا بس لكن على غيرنا كمان وبقى بيتطور بسرعة والمرحلة الجاية هى بتاعته شئنا ام ابينا - محدش يزعل منى انا بقول وجهة نظر :)