حساسات ركن وكاميرا

**HSE_eng_ramy** · 16-02-2013 10:22 PM

السلام عليكم جميعا يا كياوية
بعتذر عن الاختفاء الفترة الماضية نظرا لطبيعة عملى ما علينا
بأختصار شديد عايز حساسات ركن او كاميرا بس بشرط الاتى والاساسى ما يخرجنيش من الضمان
انا ان شاء الله هستلم يوم 22/02 ريو سيدان هاى لاين (ازاى هاى لاين ومافيهاش حساسات ركن حاجة تحزن ) وقريت كتير جدا وسمعت عن حساسات وكاميرات بلوتوث او لو فى حاجة مالهاش علاقة بضفيرة الكهرباء نهائى (ممكن تركب على ولاعة السجاير مثلا)

منتظر الردود

**Mohab555** · 16-02-2013 10:37 PM

بص مش هينفع تركب كاميرا للاسف
بس ينفع تركب باركنج سنسور و ده فى منه نوع واير لس بدون اى اسلاك ولا حاجة بس غالى شويه ب 300 جنية بس الصراحة جميل و معتقدش انو ممكن يخرجك من الضمان

**Mohab555** · 16-02-2013 10:49 PM

المشاركة الأصلية كتبت بواسطة HSE_eng_ramy

مهاب باشا منور الدونيا كلها
ممكن لو امكانياته- بيشتغل ازاى بيتباع فين حيتخرمله فى الاكصدام ولا لاء
موش مهم سعره واخوك من اسكندرية

حبيب قلبى ده نورك
بص هو بيتخرم فى الاكصدام اخرام على قد الحساسات بالضبط و بتدخل فى الخرم بالضبط و مش بتطلع غير بالطبل البلدى و بيتخرم ببنطه مخصوصه جاية مع الجهاز و الحساسات يعنى متقلقش ,,,, بس و بتروح الاشاره واير ليس للشاشه الى هتكون قدامك و هتقولك المسافة وراك قد ايه ....
,وهو ده شكل الجهاز و الحساسات و الشاشة

**Mohab555** · 16-02-2013 11:24 PM

المشاركة الأصلية كتبت بواسطة hse_eng_ramy

مهاب باشا ميرسى لزوقك وردك الجميل ماركة spy ماركة محترمة وانا عارفها بس كنت سمعت عن حساسات واير لس بتتلزق فى الاكصدام من الداخل وبتشتغل بنظام electromagnetic parking sensor فياريت لو حد جرب النظام ده او نظام مشابه يقولنا تفاصيله

بص انا سمعت عن حاجة زى كده بس برده انا مش بحبذ الموضوع ده خصوصا ان الاكصدام هيتفك و هيتلزق فيه من جوه و شغل مش لطيف كده و اللزق يفك و مش عارف ايه يوقع و حاجة مش كويسه خالص .... ركب المعروف الى زى الاصلى و ريح دماغك بس قولى لون العربية ايه صحيح ؟؟

**Mohab555** · 16-02-2013 11:54 PM

المشاركة الأصلية كتبت بواسطة hse_eng_ramy

مهاب باشا حبيبى انتا عارف ان الواحد بيدور على اى حاجة ممكن ما تبوظش شكل العربية الجديدة وعمتا نستلم على خير ونفكر ونلف لفة والله المستعان
لون العربية يا باشا بنى زى بتاع الجيتا الجديد هوا لون جديد وشبه الموكا بس افتح درجة او اتنين وده اللى اخترته
وكان فى لون تانى شيك بردو بترولى بس انا حبيت البنى اكتر واللونين دول اجدد لونين فى الريو ولسه نازلين وموش منتشرين اوى وان شاء الله اعمل التقرير بالصور بعد الاستلام ان شاء الله ادعيلى

ان شاء الله تستلم علي خير و اللون الي انت مختاره ما شاء الله انا شخصيا بحبه جدا
بس والله هزعل منك لو معملتش التقرير بعد ما تستلم ....خلينا نفرح بيك شويه بقه

**Mohab555** · 17-02-2013 12:03 AM

المشاركة الأصلية كتبت بواسطة hse_eng_ramy

تسلملى يا مهاب يا رافع معنوياتى ازاى بس يا باشا ما اعملش تقرير امال مين اللى هيشاركنى فرحتى غيركو ده انا بحبكو فى الله واالله وانتو اللى اقنعتونى بالعربية دى على الرغم من انى كنت شايلها من حساباتى
تسلم يا باشا على الردود الحلوة

حبيبي ربنا يخليك و يديم المحبه يارب
لو احتجت اي حاجة او عاوز تعرف اي حاجة سواء قبل ما تستلم او بعد انا موجود

الموضوع: حساسات ركن وكاميرا

LinkBack

أدوات الموضوع

عرض

-

-

-

-

-

المواضيع المتشابهه

سينسور بارك وكاميرا خلفية

سؤال في تركيب شاشة وكاميرا؟

تجربة شراء دى فى دى وباركنج سنسور وكاميرا لبى واى دى

للبيع لاب توب وموبيل وكاميرا

عربيات بالملايين وكاميرا بالملاليم !!

الكلمات الدلالية لهذا الموضوع

المفضلات

المفضلات

ضوابط المشاركة