استشارة فى شقة فى العبور

**Hmatchy** · 17-02-2013 05:05 PM

اعزرونى بقى مليش غيركم اصدعكم معايا
انا الحمد لله قريت فتحة يوم الجمعة اللى فاتت وبدائت مشوار البحث عن شقة نظرا لان المستأجر اللى فى البيت اللى عندنا بيساومنا على موضوع التوسوعات اللى كنت ناوى اعملها فى البيت فقررت انى ادور على شقة و اريح دماغى
رحت النهارده فى مدينة العبور و من هنا لهنا عرفت ان فى عمارات اسمها عمارات النزهة فى اسكان الشباب عند اولاد رجب اللى قدام جهاز مدينة العبور
المساحة : 80
التشطيب : سوبر لوكس
عدد الغرف : 2
عدد الحمامات : 1
رقم الدور : 4
عدد المصاعد : لا يوجد مصاعد
الإتجاه : بحري
عمر المبنى : اقل من 5 سنوات
العنوان : مشروع ابناء سهمود مدينه المستقبل العبور

شقه خالصه من البنك تشطيب لوكس جاهزه على الفرش من المالك راسا 80 متر

هو طالب 115 الف كاش
صافى المساحة 68 متر
ايه رايكم انا بفكر ادخلها تبع بنك التمويل العقارى يدفع للمالك كاش و اقسط انا مع البنك
ياريت تفدونى برايكم فى الشقة ومكانها وسعرها وطريقة التقديم مع بنك التمويل العقارى علشان بجد نفسى اخلص من موال الشقة ده علشان ادخل فى موال العفش لانى اليمومين دول دماغى مشغولة بموال الشبكة

**Hmatchy** · 17-02-2013 05:30 PM

المشاركة الأصلية كتبت بواسطة dolly13

والله انا كان نفسى افيدك
انا باروح عند اولاد رجب صحيح لكن معرفش الاسعار هناك ايه
لكن لو السعر مناسب لحضرتك توكل على الله لان العبور خدماتها بقت ممتازة جدا واى حاجة عايزها بتلاقيها
بالتوفيق ومبروك على قراءة الفاتحة وعقبال الزفاف

ربنا يخلى حضرتك طب حضرتك رايك ايه فى المنطقة عموما علما بان خطيبتى من التجمع الخامس و انا من الف مسكن انا كنت هناك وقت خروج المدارس علشان كده حسيتها زحمة لان انا و هى بنحب الهدوء

**Hmatchy** · 17-02-2013 06:29 PM

المشاركة الأصلية كتبت بواسطة walidzakzok

نصيحة من واحد ساكن فى العبور دور على حاجة فى التجمع احسن العبور بقت مليانة واغش

ماهو التجمع غالى عليا
ياريت لو تدلنى على حاجة فى التجمع تكون حنينة

**nicegypt** · 17-02-2013 09:08 PM

منصحش حضرتك بالعبور للاسباب التالية :
1 - الجهاز القائم على المدينة نايم ف العسل .. طرق محتاجة تترصف .. بلاعات اعلي من مستوي الطريق
سرقة بسبب عدم اضاءة اعمدة الانارة / باعة جائلين / استعمار الرصيف " جزارين على الرصيف / خضار وفاكهة .. الخ "
2 - غزو التكاتيك اللى ملوش اي معنى دون اي رد فعل من رئيس الجهاز
3 - سرقة العربيات منتشرة .. وقسم الشرطة كتر الف خيرة بيقولك دور عليها بنفسك
4 - خدمة الانترنت بها مشكلة منذ سنتين ونصف لوجود ضغط فى سنترال العبور واحد " انسي يكون عندك نت الا لو هتسكن فى الترفيهي
5 - الشباب والترفيهي فيهم حالات سرقة بالاكراة لان المكان هادي وبعيد عن القسم
6- وجود قضية فى المحكمة لنقل تابعية العبور من القليوبية الى القاهرة .. يعنى لو عايز اي مصلحة حكومية تروح الخانكة وقبل انشاء مرور للعبور بتروح بنها ومازالت محاولات نقل العبور للقاهرة لعدم الذهاب لجهات حكومية تابعة للقليوبية!
7 - عدم وجود مستشفيات على مستوي جيد فى المدينة ..يعنى اعمل حسابك لا قدر الله فى اي خدمة طبية برة المدينة
8 - اسعار الشقق نار بسبب استعمار اخواتنا السوريين للمدينة وهتلاحظ دة فى اي زيارة ليك للعبور
" الشقة اللى كانت بـ 90 الف مثلا بقت بـ 120 الف بعد العدد اللى قارب من عدد المصريين من الاخوة السوريين "
وبالفعل فية شقة كنا هنبيعها على 90 الف وبعد وجود الاخوة السوريين وصل سوقها 120 الف
ابحث فى الفيس بوك عن جروب بأسم " اهالى مدينه العبور و شكواهم "
واقرا بنفسك مشاكل تشيب .. وللعلم هسيب العبور خلال سنة بأذن الله اكون دبرت نفسي اتمنى ذلك فى ظل الظروف البلد

**hugan** · 17-02-2013 09:21 PM

ايه كميه الاحباط دي
علي كده العبور عايزه قنبله تبيدها

**dolly13** · 17-02-2013 09:51 PM

بصراحة انا مندهشة جدا
الدنيا مش ضلمة كدة فى العبور ولا حاجة
كل اللى لاحظته انها بقت دون المستوى شوية مش اوى يعنى لكن لازالت مناطق الفيلات محتفظة بنفسها والحى التاسع ومنطقة 800 م فى الاول لكن فعلا السوريين بقو كتير اوى هنا
بالنسبة للبلاعات ده اجراء طبيعى لان طبقة الاسفلت الاخيرة لسة ماتعملتش وده اجراء بيتم فى اى مدينة جديدة لان العبور فيها انشاءات كتير لكن الشارع اللى بيخلص بيتم رصفه
بصيا استاذ Hmatchy حضرتك الافضل تيجى العبور فى كل الاوقات بالليل والصبح وتلف فيها شوية وانت تقرر هى تنفع معاك والا لا لكن الدنيا مش سواد كدة ولاحاجة وتعتبر افضل من مناطق تانية كتير وخصوصا ان الاسعار هنا مش عالية زى غيرها
ممكن تكون مابقتش تناسبنى او تناسب غيرى حاليا لكن ده لا يقلل منها ابدا
وماتنساش كمان حكاية الدايرى والوصلة اللى بتتعمل دى هاترفع سعر العبور قريب
بالتوفيق فى الاختيار

-

-

-

-

الموضوع: استشارة فى شقة فى العبور

LinkBack

أدوات الموضوع

عرض

استشارة فى شقة فى العبور - انشر الموضوع فى :

-

-

-

-

-

المواضيع المتشابهه

شقه في العبور

كمبوند زهرة العبور فى مدينة العبور

سوق العبور

العبور الجديدة قبل سوق العبور تقسيم جمعية امنحتب

فرع العبور

الكلمات الدلالية لهذا الموضوع

المفضلات

المفضلات

ضوابط المشاركة