تاريخ شركة jeep في مصر

**ahmedemo** · 31-07-2008 03:59 PM

اريد معرفة تاريخ موديلات شركة jeep في مصر
اي متى بدء بيع اول موديل شروكي و جراند شيروكي , وما هي الاشكال المختلفة لكل موديل(انا سمعت ان الشروكي في منها XJ-KK-KJ)
وكل موديل منهم فيه اكثر من سعة لترية مثلا 2500cc-3700cc
و الفتيس اوتوماتيك ام عادي
ارجوا منكم معلومات مفصلة قدر الإمكان... وشكرا

**ahmedemo** · 02-08-2008 03:48 AM

ايه يا جماعه ماحدش عارف حاجة عن الشركة ولا ايه
فين ردود اهل العلم:nerd:

**h_hezzah** · 11-08-2008 01:06 PM

ممكن افيدك بالى اعرفه

البداية كانت بانتاج الwagoneer للجيش بس ماعنديش تفاصيل عن الفترة ولا الموديلات ولا اذا كانت بتنتج ملاكى ولا اللى بنشوفهم ملاكى دلوقت كان اصلهم جيش واتباعوا بعد كده .

الشيروكى بدأ انتاجها فى مصر سنة 1992 بالشكل التقليدى اللى عارفينه ودى اللى بتسمى XJ فيه منها 4 سلندر 2500cc و 6 سلندر 4000cc

سنة 1998 تم تعديل الشكل الخارجى تعديلات بسيطة مع تغيير شكل التابلوه والفرش الداخلى، بس الميكانيكا فضلت زى ماهى تقريبا (بعض التعديلات البسيطة على مر السنين)

احب اضيف برضه ان الشكل التقليدى للشيروكى (XJ) تم انتاجه عالميا من 1983 حتى 2001
يعنى 18 سنة!

سنة 2002 تم التحويل للLiberty اللى هى اسمها كده فى امريكا فقط واسمها شيروكى فى بقيت انحاء العالم ودى اللى الكود بتاعها KJ فيه منها موتور 4 سلندر 2400cc من ميتسوبيشى بس كان ضعيف عليها وتم وقف انتاجها بيه بعد 2004، والموتور التانى اللى شغال لغاية دلوقت هو ال V6 3700cc

سنة 2008 تم تغيير الشكل تانى اللى هو الشكل الحالى و يسمى KK والموتور هو نفس الموتور السابق ال 3700cc مع تغيير الجيربوكس بموديل احدث من السابق.

خلال التسعينات تم انتاج ال wrangler اللى كودها YJ بس مش عارف السنوات بالضبط، بس هى ماوصلتش للالفينات، وكانت بتنزل بنفس محركات الشيروكى ال 2500cc و 4000cc

الاخبار الجديدة انهم ناويين ينتجوا ال Wrangler الجديدة 4 باب على نهاية السنة دى بعد ماينتهوا من تسليم الدفعات الحالية منها للجيش ودى بتنتج حاليا بس على شكل عربية حربية ودى الكود بتاعها TJL لأنها نفس ال TJ اللى هى الWrangler الحالية بس بشاسيه طويل Long

انتاج الجيش نازله بموتور ديزل، بس ماعنديش معلومات الملاكى ال4باب هاتكون بموتور ايه

ارجو انى اكون افادتك

**hazem_khidr** · 11-08-2008 03:03 PM

شكرا يا كابتن حازم علي المعلومات المركزه :)

**Adham** · 11-08-2008 04:34 PM

http://en.wikipedia.org/wiki/Jeep

**ahmedemo** · 12-08-2008 11:23 AM

الف شكر يا كابتن حازم على المعلومات الجميلة
صحيح اسئلوا اهل الذكر ان كنتم لا تعلمون
و ربنا يجازيك خير ويباركلك
لانك ما بتبخلش بمعلوماتك عن اي حد

================
يرجى من العضو الكريم
عدم استخدام آيات القرآن في غير محلها
حيث أن الآية الكريمة تتحدث عن أهل الذكر أي اهل ذكر الله عزو وجل
وليس علم السيارات

وشكرا

الادارة 3

**ahmedemo** · 12-08-2008 11:42 AM

يا كابتن حازم عندك معلومات عن الجراند شروكي
علشان يبقى تاريخ الشركة في مصر اكتمل

**h_hezzah** · 12-08-2008 07:22 PM

الموديلات اللى ذكرتها هى اللى تم انتاجها او لسة بتنتج فى مصر.
اما الجراند شيروكى والكوماندر فدول بيستوردوا بالكامل. وعلشان كده ماذكرتهمش
ولو بدأت اتكلم عنهم يبقى لازم اتكلم عن كل موديلات جيب عالميا وده ممكن تلاقيه عالنت بسهولة.