الموضوع: الفامية

متابع

انا سمعت ان فيه مصنع فى اسكندرية بيعمل ازاز غامق فامية يعنى وتركبة وبفاتورتة تثبته فى المرور بس مش مقتنع ومش مقتنع اكتر بانى اخلع زجاج الفابريكة بتاع العربية

لازم يكون جاى فى ورق العربيه انها فاميه مالهاش حل تانى

والله ابن خالتى تاجر سيارات بس مستعمل كان قايلى وانا باخد ورق عربيتى من المعرض انى اراضى الموظف ويكتبلى فى الورق انها فامية فابريكة بس والدى رفض بيحب يمشى صح وانا برضة مبقاش محامى وازور فى ورق العربية على ايه يعنى

الأحسن انك تركب ستائر كبس ودي ممكن تروح تثبتها على الرخصه زي ما أحد الأعضاء ذكر من كام يوم

لكن أنا عن نفسي مابحبش أجيب لنفسي وجع الدماغ .. يعني حتى لو حبيت أركب الستاير الكبس دي هاركبها ولو حد قاللي شيلها هاشيلها من سكات

حاكم في ناس ماورهاش غير أذية الخلق يعني ممكن يتلككوا على أي حاجه

وللعلم .. موضوع تثبيت الستاير الكبس على الرخصه ده أكيد بتدفعله فلوس برضه ( رشا يعني من الآخر)

تحيــــــــــاتي

والله ياباشا كنت مركب ستاير كبس بس مكنتش بشوف منها كويس وكمان لو حبيت تفتح الزجاج تسلم على حد او تدى حد حاجة مبتعرفش لازم تفتح الباب وتنزل وبعدين انا الفامية اللى مركبة دا اخف درجة من اللى بينزل فى الكارينز يالا اهى ماشية كدا وخلاص

المشاركة الأصلية كتبت بواسطة salah_86

والله ياباشا كنت مركب ستاير كبس بس مكنتش بشوف منها كويس وكمان لو حبيت تفتح الزجاج تسلم على حد او تدى حد حاجة مبتعرفش لازم تفتح الباب وتنزل وبعدين انا الفامية اللى مركبة دا اخف درجة من اللى بينزل فى الكارينز يالا اهى ماشية كدا وخلاص

بالنسبه لأنك ماكنتش بتشوف من الستاير الكبس .. ده في أنواع منها أصلا تلاقيك جبت اللي فيها 3 طبقات

في حاجات بتبقى طبقتين وتكون الرؤيا منها أحسن ( بس انا عن نفسي مش مركب بصراحه )

أما بخصوص انك تسلم على حد أو تدي حد حاجه .. فدي عندك حق فعلا فيها

لكن أنا ماكانش عندي المشكله دي لأني كنت مركب ستاير كبس ورا بس مش البابين الأماميين .

وعموما .. الحاجات دي كلها الإستغناء عنها أحسن لكذا سبب عشان ماحدش يضايقك في المرور او وانت ماشي في لجنه أو حاجه .. ومن ناحيه تانيه عشان بتحجب الرؤيا نوعا ما .. خصوصا بالليل , ومن ناحيه تالته زي ماانت قولت بتبقى لخمه , لاتعرف تخرج إيدك تجيب حاجه ولا تسلم ولا حت تشاور

تحيـــــــــــــاتي