مش كل حاجة عليها made in italy تبقى ايطالى..

**semsem_uno** · 20-02-2013 12:22 AM

من سنة 1969 الى 2000
يعنى 128 و ريجاتا و 132 و 131 و بونتو و اونو و سيينا و127 و حاجات كتيييييييييير

مفيش كبالن ايطالي ب150 جنيه
مفيش حاجة اسمها طقم دبرياج ايطالي ب200 جنيه
مفيش حاجة اسمها بلية عجل اصلية ايطالى ب35 جنية و بلية كاتينة ايطالى ب20 جنيه! ده حتى بالعقل ميجبش تمن شحنهم من ايطاليا
مفيش سلك سرعة ب 25 جنيه اصلى
مفيش حاجة اسمها تيل فرامل كويس ب45 جنيه ولا حتى ب50
مفيش صلايب كوبلن ب 30 جنيه اصلية
مفيش سير كاتينة اصلي يفضل معاك 40 الف كيلو ب 30 جنيه
مفيش حاجة اسمها ترموستات حرارة اصلي ب15 جنيه
مفيش حاجة اسمها اشترى فيات علشان قطع غياره رخيصة " لأ ده مضروب و هتفكه تانى "
مفيش حاجة اسمها اصل ده اللي في السوق !!! و محدش بعد كده يشتكى و يقول العربية بتعطل كتيييييير و الميكانيكيىة بقوا اصحابي!
مش كل حاجة عليها made in italy تبقى ايطالى..
كفاية مضروووووووووووب... كفايىة سماع كلام الصنايعية و تجار مولد النبي اللي عندهم 90 الف قطعة غيار ل200 نوع عربية!

ادخل على المواقع و شوف الشركات اللي كانت بتنتج قطع غيار للعربيات ديه و اعرف مين مستوردها و بيبيعها و جيبها منه! و اعرف شكل قطعة الغيار الأصلية و دور عليها!
كفاية تغفيل و كفاية تبويظ في سمعة الشركة ديه!

**michohat** · 20-02-2013 12:35 AM

كلامك صح الصح
بس الشركات دي هل ليها تواجد في مصر اصلا

**semsem_uno** · 20-02-2013 12:42 AM

المشاركة الأصلية كتبت بواسطة michohat

كلامك صح الصح
بس الشركات دي هل ليها تواجد في مصر اصلا

على سبيل المثال شركة اسمها Birth
ديه بتعمل صلايب و بلي و صرر فيات.. ديه ونا بتمشى في وسط البلد لقيت اكتر من محل عنده و معلق بوستر للماركة ديه

لما تسأل عليهم في شارع دمشق او بعض المحلات في مدينة نصر بيقولوا لا ده كان زمان و خلص..

و البوجيهات مثلا اللي بقت مجهولة الهوية و امشاط الكهرباء و ادوات الكهرباء بتاعت العربية اللي بقت مالية السوء
معروف مثلا ان الفيات بيبقى bosch او Magneti marelli
يبقى اشوف شكله كويس على النت و بلاد تصنيعه و ادور على الناس اللي عندها ماجنت ماريللي و اشترى لكن مجبش نوع مجهول الهوية علشان مجرد ايطالى او المانى

مش عارف حضرتك فهمت قصدى ولا لأ

**semsem_uno** · 20-02-2013 12:50 AM

و كمان لو مفيش الحاجات الأصلية مفيش مانع ان الواحد يدور و يعرف ايه الشركات اللي بتعمل منتجات بنفس كفائة قطعة الغيار الأصلية و اشتريها بالكود زي بلي العجل مثلا
على النت في شركات زي skf ديه بتعمل بلى و شدادات سيور و كذا حاجة و مستورديها مليانين رمسيس
الصناعة بتبقى اسبانى و دول اوروبية و كمان سعرها اغلى من اللي في السوق و الخامة ملحوظة جداا

يبقى الواحد يدور لحد ما يوصل لحاجات اصلية و معروفة برة مصر و يتأكد من على النت من وجود اسم شركة قطعة الغيار ديه قبل ما يشتريها
و ابسط طريقة للأيقاع بالبياع انك تسأله على حاجة و يقوللك موجودة ايطالى ب كذا.. قوللة يعنى ماركتها او اسم الشركة النتجة ايه مش صناعتها.. لو قاللك ايطالى اعرف انه مضروب و حافظ مش فاهم

و اي حدا فك حاجة اصلية من عربيته ميسيبهاش للصنايعي.. يخليها معاه علشان يجيب زيها

**lanos2004** · 20-02-2013 12:52 AM

موضوع جميل يا سمسم

**semsem_uno** · 20-02-2013 01:12 AM

المشاركة الأصلية كتبت بواسطة lanos2004

موضوع جميل يا سمسم

شكرا :)

**el diesel** · 20-02-2013 01:31 AM

انت تتحدى ثقافة شعب

**semsem_uno** · 20-02-2013 01:32 AM

اليكم بعض اسامى الشركات المنتجة للقطع الأصلية
BOSCH & Magneti Marelli: ادوات الكهرباء مثل اجزاء الأسبراتير و البوجيهات و ما يخص الكهرباء و الفوانيس و الكشافات
العفشة و بعض الات الجر: Fiat & Stamat & Meyle & Monroe & BIRTH
البلي و الصلايب: SKF & BIRTH & FAUG
دبرياج: VALEO & LUK & FIAT
تيول: FIAT Ricambi Originali & Remsa
اول ما افتكر حاجة هبقى اقول عليها

**semsem_uno** · 20-02-2013 01:41 AM

المشاركة الأصلية كتبت بواسطة el diesel

انت تتحدى ثقافة شعب

و ماله مش عيب :))

و بعون الله هغيرها و بالفعل غيرت من تفكير ناس كتير.. مش مشكلتى اني اعيش في وسط تفكير معين عن ماركة العربية اللي انا راكبها و الاقى ناس ظالماها و هما اغلبهم مش عارفين عنها حاجة.. يبقى الحكم عليها على اي اساس؟

**maryano** · 20-02-2013 02:44 AM

ليك حق و موضوع جميل فعلا الللي ظالم فيات في مصر انو معظم اللي شرينها شاريها علي اساس قكع غيرها رخيصه فيسترخص في شراء قطع الغيار من غير ميتاكد من جودتها و فتبوظ و تبوظ جمبيها كذا حاجة
و يعد يمشي في دارية لغايه لما يكره العربيه

الموضوع: مش كل حاجة عليها made in italy تبقى ايطالى..

LinkBack

أدوات الموضوع

عرض

مش كل حاجة عليها made in italy تبقى ايطالى.. - انشر الموضوع فى :

-

-

-

-

-

المواضيع المتشابهه

للبيع ريبانCats 5000 made In Italy لم تستعمل نهائى

للبيع 4 إطارات Maringoni (Made in Italy) مقاس 17

Ray-Ban cat and Aviator Hight copy same original made in italy only 160 EGP

الكلمات الدلالية لهذا الموضوع

المفضلات

المفضلات

ضوابط المشاركة