الحمد لله اشتريت النترا الجديده بعد الفيرنا والسيراتو

**sewefy** · 20-02-2013 11:15 AM

الحمد لله من امبارح اشتريت النترا md وقبلها كونت راكب فيرنا و كيا سيراتوا وهقولكم على قد معرفتى البسيطه اللى لاحظته فى العربيات دى اولا الفيرنا انعم عفشه من السيراتو والالنترا بفرق ملحوظ والالنترا عفشتها انعم شويه من السيراتوا انشف وكمان تحس الغفشه فى السياتو بتخبط طبعا فى الصالون والوسع الالنترا تتفوق بدون منافس بجد صالون ملهوش حل وصوت ماتور الانترا بحس انه عالى شويه بس مش اعلى من الفيرنا والسيراتو نيجى بقى للسحب واستجابت العربيه والجرى انا شايف السيراتو افضل او تحسها اتقل فى الغرز يعنى ماسكها نفسها بس لسه مجربتش الالنترا فى طريق وسفر علشان اشوف العربيه فى اللسرعات انا جبت بيها 120 على الدائرى مسافه صغيره مش هينفع احكم عليها غير لما اسفر بيها الاضائة والتبلوه والعدادات الكيا تكسب ودى من وجهة نظرى انا بس فى المجمل اقدر اقول فعلا الانترا عربيه سابقه زمانها من حيث الشكل الخارجى وفعلا عربيه محترمه والحمد لله

**S O P H O S** · 20-02-2013 12:42 PM

الف مبروك يا باشا
ربنا يبارك ..

**AshTurbo** · 20-02-2013 12:51 PM

مبروك ويارب يديك خيرها ويكفيك شرها وتبقى وش السعد عليك .... ماتنساش تزور الموضوع الخاص بجدول الصيانات ومواعيدها في الرابط ده :

http://www.nilemotors.net/Nile/304301-a.html

مبروك مرة تانية مع تمنيات هيونداي تيم لحضرتك بالأستمتاع بقيادة الجميلة ألنترا .

**sewefy** · 20-02-2013 01:56 PM

المشاركة الأصلية كتبت بواسطة ashturbo

مبروك ويارب يديك خيرها ويكفيك شرها وتبقى وش السعد عليك .... ماتنساش تزور الموضوع الخاص بجدول الصيانات ومواعيدها في الرابط ده :

http://www.nilemotors.net/nile/304301-a.html

مبروك مرة تانية مع تمنيات هيونداي تيم لحضرتك بالأستمتاع بقيادة الجميلة ألنترا .

الله يبارك فيك ورحت سالت على بعض قطع الغيار فى مركز غبور فلتر زيت ب 33 جندى
فلتر هواء ب 104 جندى
فلتر بنزين ب 220 جندى
بوجيهات ب 220 جندى
قلت بالمره اسال عن القطعمة من باب العلم بالشىء لقية سعرها 11550 جندى كونت هقوله كلام قبيح بعد ما سمعت السعر ده بس قلت ياض خليك ابن ناس اديك عرفت السعر وخلاص

**sewefy** · 20-02-2013 01:58 PM

الله يبارك فيك والف شكر

**sewefy** · 20-02-2013 02:00 PM

المشاركة الأصلية كتبت بواسطة S O P H O S

الف مبروك يا باشا
ربنا يبارك ..

الله يبارك فيك يا باشا

**khaabas** · 20-02-2013 02:22 PM

موديل كام يا كبير وانهى فئة وبكام والف مبرووووووووووووووووك وربنا يديك خيرها ويكفيك شرها
وموش md اللى هى الالنترا الشكل القديم !!!!!!!!!!!!!!!
ومتسألش عن اسعار قطع الغيار في التوكيل يا باشا انزل التوفيقية او الحرفيين هتلاقي الحاجة اللى في التوكيل ب 1000 ج ب100 ج وأصلى برده :)