الموضوع: ها شترى بيجو 508 ايه رايكم

أنا رأيي ضمان الوكيل أحسن. فرق الكماليت بين الوكيل و الخليجي مايستهلش المغامرة خصوصاً إن العربية جديدة و مفيش ناس كتيرة شغالة فيها برة التوكيل. في حاجة كمان لازم تخلي بالك منها إن العربية دي مساحات التخزين الداخلي محدودة شويه (مكان للموبايل؛ المحفظة أو حتى العملات) العربيات إلي فيها navigation مكان التخزين إللي ورا الفتيس مش موجود و دة بينفع أوي (على الأقل بالنسبة لي) وربنا يوفقك

المشاركة الأصلية كتبت بواسطة eleanor

انا معاك بس الواحد لما بيقارن السعر مقابل الكماليات يبقى المفروض تكون الكماليات اعلى من كده ولا ايه

أنا معاك بس أنا معرفش سعر الخليجي كام علشان أقدر أجوبك

المشاركة الأصلية كتبت بواسطة eleanor

بالنسبه للسعر موضحهوش ليا وقالى لما تيجى المعرض اما بالنسبه للمواصفات شاشه الجى بى اس وحساسات ركن اماميه مع امكانيه حساب مساحه مكان الركنه و10 سماعات مش 6 ونظام تشغيل صوتى جى بى ال وشاشه بتظهر فوق الدركسيون لحساب السرعة ومثبت السرعة ومحدد السرعه وجنط 19 بوصه وعصايه الفتيس فيها نور وكمان بلوتوث
ده اللى انا فاكره حاليا بس المشكله اللى لسا مش عارفها هما هل غيروا المابينج فى مصر علشان تشتغل على بنزين 92 ولا كله واحد وثانيا مش هيبقى ليها ضمان فهل نضحى بالضمان من اجل الكماليات ولا العكس

ياريت حضرتك تعرفنا اسم المعرض او رقم تليفونه اللى عندة العربية الخليجي. وكان اية لون العربية ام جنط 19؟ والفرش كام لونة اية. اصل انا بدور على اللون الابيض فرش بيج.
متشكر جدا لتعاونكم

أنا كنت في التوكيل امبارح و مهندس الصيانة قال لي إن الnavigation الأصلي مفيهوش خريطة مصر لو حد بيفكر في الخليجي يتأكد من الموضوع ده