حد عامل عندة شغل gypsum board ( سقف ساقط فواصل ديكورات)

**Angel_wolf** · 20-02-2013 05:21 PM

السلام عليكم

انا عندى شقة بوضبها وعاوز اعمل شغل فيها فى السقف والحيطان وعاجبنى شغل ال gypsum board
سقف ساقط و فواصل و ديكورات

فهل حد عامل الشغل دة عندة لو حد عاملة التكلفة بتتحسب اازى الاسعار رنجها ايه

**mostafa3000** · 20-02-2013 05:27 PM

السعر بيتحسب بالمتر المسطح شامل كل حاجة وسعر المتر يتراوح من. ٦٥ الي ٧٥ جنية
اي استفسار تحت امرك

**AlGazar2** · 20-02-2013 06:45 PM

معموله فى الشقه عندنا بس مش شغل سقف ساقط و معموله فى شقه كان بيشطبها والدى لصاحبه شغل سقف ساقط و شغل انوار فى السقف من جوه و حاجات كده هبقى اقوله يصورهالك و اوريهالك و هصورلك الشغل الى فى السقف عندنا فى الشقه هنا برضه

كان الشغل ده من حوالى سنين تقريبا فمش عارف وصل تمنه كام دلوقتى

بس شغل الاسقف الساقطه ده زى المستشفيات مثلا مفيش فيه مجال للديكور اوى - عشان تعمل منه شغل ديكور هيتكلف كتير - بيبقى محطوط عشان التكييف و وصلات الكهرباء و مكافحه الحريق

**AlGazar2** · 20-02-2013 07:12 PM

دى صور الشغل الى الشقه عاملهم فى فولدر على الميديا فاير عشان ميتقلوش الصفحه بتاعه المنتدى هنا

My Files

**Sh_sunsea** · 20-02-2013 08:41 PM

الموضوع ده رائع وجميل جدا وعملي لوصلات التكييف والكهرباء والايريال والنت وتغييراتهم المستمرة

ناوي والنية لله اعتمد عليها - لكن نقطة السعر الي كتير بيحذروني منها

**AlGazar2** · 20-02-2013 09:03 PM

المشاركة الأصلية كتبت بواسطة Sh_sunsea

الموضوع ده رائع وجميل جدا وعملي لوصلات التكييف والكهرباء والايريال والنت وتغييراتهم المستمرة

ناوي والنية لله اعتمد عليها - لكن نقطة السعر الي كتير بيحذروني منها

فى نقطه تانيه غير السعر يا باشا و هيه الارتفاع
اقل سقوط للسقف بيكون 12 سم و هوه فعلا مفيد لوصلات التكييف لو هتمد وصله بعيده و وصلات الكهرباء فى السقف بيبقى فى حريه فيها اكتر و وصلات الحوائط كمان لو هتعملها قطاعات جبسيه

بس كل ده بيزود فى سقوط السقف فلازم قبل ما تعمله تشوف صافى الارتفاع بين منسوب التشطيب عندك و بين السقف عشان ميقلش بعد ما تركب السقف الساقط عن 2.7 متر عشان اقل من كده هيبقى فى منه ضرر عليك من الناحيه النفسيه و الراحه فى المكان

و فعلا القطاعات الجبسيه سواء للاسقف او للحوائط مكلفه بس بتوفر فى حاجات تانيه اهمها الوقت و لو اتعمل حسابها فى الانشاء بتشيل اوزان كبيره من الحمل الميت من على بلاطه السقف و الكمرات و بالتالى بتوفر اكتر فى الانشاءات و ده لان سعر الحديد و الاسمنت و الطوب غالى فبيبقى فى المجمل التوفير اعلى

بس لازم الحاجات بتاعتها و الاكسسوارات بتاعت التركيب تيجى مظبوطه عشان شكل الحاجات دى ميبقاش وحش جدا جدا و تعيش و تستحمل سواء تحميل نجف او مروحه على السقف او فيش و لوح و تلفزيون مثلا على الحائط

و ممكن تخش على موقع شركه كناوف شركه المانيه متخصصه فى المجال ده Knauf

**Waleed_Fathy** · 20-02-2013 10:28 PM

اهم شئ من وجهة نظري فى السقف المعلق هو التصميم و الالوان
سعر المتر زاد اليومين دول لو فيه شغل و مناسيب مش اقل من 85 جم للمتر المربع

**Angel_wolf** · 21-02-2013 01:41 AM

السعر بيتحسب بالمتر المسطح شامل كل حاجة وسعر المتر يتراوح من. ٦٥ الي ٧٥ جنية
اي استفسار تحت امرك

متشكر جدا لحضرتك وياريت لو نمر ناس انت اتعاملت معاهم

معموله فى الشقه عندنا بس مش شغل سقف ساقط و معموله فى شقه كان بيشطبها والدى لصاحبه شغل سقف ساقط و شغل انوار فى السقف من جوه و حاجات كده هبقى اقوله يصورهالك و اوريهالك و هصورلك الشغل الى فى السقف عندنا فى الشقه هنا برضه

كان الشغل ده من حوالى سنين تقريبا فمش عارف وصل تمنه كام دلوقتى

بس شغل الاسقف الساقطه ده زى المستشفيات مثلا مفيش فيه مجال للديكور اوى - عشان تعمل منه شغل ديكور هيتكلف كتير - بيبقى محطوط عشان التكييف و وصلات الكهرباء و مكافحه الحريق

انا متشكر جدا ليك على اهتمامك ومعلش تعبماك فى رفع الصور

الموضوع ده رائع وجميل جدا وعملي لوصلات التكييف والكهرباء والايريال والنت وتغييراتهم المستمرة

ناوي والنية لله اعتمد عليها - لكن نقطة السعر الي كتير بيحذروني منها

هو اغلى من الجبس العادى لكن شغلة انضف وارقى بكتير

اهم شئ من وجهة نظري فى السقف المعلق هو التصميم و الالوان
سعر المتر زاد اليومين دول لو فيه شغل و مناسيب مش اقل من 85 جم للمتر المربع

ياريت لو نمر ناس او شركة بتعملة