الموضوع: حدث والحمد لله

ربنا كرمني وقلت انزل مع أولادي نقضي مشاويير وافسحهم واحنا مروحيين قررنا نشرب عصير من اشرف فغلي مصر الجديده اللي عند ميدان الحجاز
ولما ركنت ورحت اشتري ورجعت وجدت الناس ملمومه على العربية والعربية بتطلع دخان ابيض من الكبوت
وعلى الرغم من غرابة الموقف وجدت نفسي ولا أي اندهاشه مش عارف ليه ولقيت اولادي وزوجتي مذعورين بجانب السياره
ولما فتحت الكبوت ولا أي حاجه وفتحت الكونتاكت أبص على الحرارة ولا أي حاجه ولقيت المياه موجوده تحت العربيه بكثافه ففتحت القربة وجدتها فاضيه
سبتها لما بردت خالص ودورت وزودت مياة ولم ألحظ أي تسريب من أي اتجاه والساعه قاربت على 11 مساءا يوم السبت (يعني تقريبا الناس قافله وبكره أجازه) والتوكيل بميعاد سابق مش عارف ليه ضغط على خرطوم كوعة المياه اللي فوقالردياتير ولاجظت خروج المياه منه لما اضغط علية فتوكلت على الله وذهبت إلى شارع دمشق بسرعة وقلت انا ونصيبي وبالصدفه لقيت الشارع كله قافل ماعدا واحد بتاع شيفروليه واوبل فاتح لأنه كان قدامه ميكانيكي بيعمل عمره لعربية ولسه ماقفلش.
دخلت علية وقاللي فيه كوعه ب 100 وكوعه ب60 المهم من هنا لهنا وبعد كلام واخد وعطا وعرفته اني كنت بعمل شغل عربيتي القديمة الأسترا عنده وافتكرني اداني الخرطوم أبو 100 ب 70 والواد ركبه في 5 دقايق ولاقيت القديم كان فعلا مقطوع ومنفخ وأخد 10 جنيه وروحت وحمدت ربنا انها جت على قد كده
وقلت انقل التجربه للإفادة

الحمد لله انها جت علي كده