جلد الكربون

**احمد فرجاني** · 22-02-2013 10:40 PM

السلام وشكرا مقدماعليكم
حد يقدر يقولي ماهي فوائد جلد الكربون اللي بيتحط على جسم العربيه؟
وهل بتحط على الكبوت والشنطه والسقف بس ولا كل جسم السياره؟
وينفع على اي لون ولا لازم يكون لون العربيه اسود من الاصل؟

وهل في فرق بينه وبين الشمع؟؟ وايه فايده الشمع؟؟
وشكرا مقدما

**amr.elsayed** · 23-02-2013 01:37 AM

الكاربون بتلزقه على اى مكان على صاج العربية وممكن العربية كلها دى حاجة ترجعلك
وهو شكل اكتر منه استفادة .. يعنى تقدر تقول علية بتزوق العربية زى اى استيكر
واى لون مش فارقة دى مسالة ازواق
بالنسبة للشمع انا مش عارف انت قصدك على الشمع اللى بنلمع بيه العربية والا حاجة تانية
لكن الشمع دة بيتعمل فى الكار كير وفيه منتجات كتير منه و دة مفيد جدا جدا جدا لانه بينعم صاج العربية والتراب مش بيلزق فى الصاج
دة غير انه بيحميه من الشمس والماية ودة المفروض ولازم وحتما تعمل شمع على العربية اول ما تكون زيرو
والف مبروك وربنا يباركلك في لوجى وتتربى فى عزك

**lozaregypt** · 23-02-2013 11:34 AM

استاذ عمر
دةا اللي بيسموه بولش؟؟؟؟!!!!

واعملة فين وبكام انا كنت ها عمل موضوع اسال عنة؟؟ بس طالما الموضوع اتفتح ؟؟

ياريت تقولنا بتعمل فين وبكام ؟؟ واحسن مكان

شكرا ليكم!!!!!

**blackhorse123** · 23-02-2013 09:55 PM

انا عملت موضوع البولش ده قريب ممتاااااااااااااااااااااا اااااز جدا بيخلى العربيه مرايا
تقريبا هو الراجل بيشترى علبتين علبه بولش والتانيه مش عارف كومبو ولا ايه وكيس قطن
المهم الموضوع كله كلفنى 80 جنيها باجره الراجل

وما تنساش تاخد باقى علب البولش من الراجل علشان هيحاسبك عليهم