ال a4 حاسس ان سحبها قل شوية

**magedkahla** · 23-02-2013 04:30 AM

السلام عليكم ورحمة الله وبركاته
انا معاية a4 2007 العربية عندي فيها مشكلة في مشترك الشكمان المفرود عايز يتغير وتمنو استيراد 650 جنيه والصراحة الحالة المادية متسمحش اني اغيرو دلوأتي علشان العربية عايزة بوجيهات وطقم فلاتر كامل هواء وبنزيت وزيت وكمان عايز أغير زيت المطور وكنت لسة طالع من ليلة كدة في تغير زيت فتيس وطقم كتينة ودنمو إل هي صيانة ال 60 بمعنى اصح المهم العربية عندي السحب حاسس انو قل معاية فهل مشترك الشكمان بتاع علبة البيئة هو إل مأثر عليها ولا البوجيهات والفلاتر وانا سألت على البوجهات عند محمد سمير قالي 100 جنيه والهاشمية 200 جنيه
والإتنين بيقولو انها أصلي بس معرف كام شمعة وانا سمعت عن حاجة اسمها بوجيهات ليزر هل ده كويسة ولا اجيب العادية من الهاشمية احسن تنصحوني بإيه علشانا انا محتار

**Moratoz** · 23-02-2013 07:27 AM

ما دام العربيه عازية صيانه كامله أكيد السحب هيقل وبالنسبة البوجيهات من عند الهاشميه هي ٣ شمعه

**forti** · 23-02-2013 02:09 PM

المشاركة الأصلية كتبت بواسطة magedkahla

انا عملت كل الصيانة معادة الفلاتر والبوجيهات وناقص بردو موضوع مشترك علبة الشكمان إل بايظ ده هي ده الحجات إل ناقصة في العربية علشان ترجع زيرو وكمان إل عند محمد سمير قالي 3 شمعة بــ 100 جنيه

طيب و هل السحب اتظبط بعد الفلاتر و البوجيهات

**Moratoz** · 23-02-2013 02:43 PM

غير فلاتر وبوجيهات الاول وخد البوجيهات من محمد سمير وبعدين انشاء الله الأداء هيظبط

**forti** · 23-02-2013 05:20 PM

هو ممكن مع الصيانة ينضفلك بوابة .. بيرش اسبراى كده فى البوابة ده الى اعرفه

**Moratoz** · 23-02-2013 08:43 PM

ممكن علبه تنظيف الرشاشات من البنزينه مع تفويله البنزين قادمه ولما تروح الصيانه زي ما forti قال خليه ينظف البوابة وطبعا متنساس تقولان عملت ايه ان شاء الله