عايز اعمل صيانه ومحتاج آراء الخبراء ..

**MOstafa Hashem** · 23-02-2013 08:09 AM

الأول احب اشكر الناس اللى باركتلى على عربيتى الجديده واقولهم عقبالكم كلكم وتكونوا راكبين عربيات احسن منهاا بأذن الله ..

استفسار تانى بقى للخبرااء معلش .. العربيه انا جبتها 70 الف كيلو مرفوعه 4 سنين وكان لسا صاحبها منزلها .. غيرلها زيت بس 5000 كيلو

العربيه باين من صوتها انها عايزه تغير سيور وفلاتر وتتظبط وكده .. من رأيكم استنا لحد 75000 كيلو وانا بغير زيت واعمل الكلام ده كلو .. ولا اعملو دلوقتى واريح دماغى .. واوديها التوكيل ؟؟ ولا فى مكان تانى يتعمل فيه الكلام ده زى التوكيل كده ويكون فى ناس فاهمين ؟؟

عصاية الفتيس عندى مش ثابته كده بس الفتيس شغاال كويس .. ممكن تكون عايزه جلب او حاجه ؟؟

عداد السرغه وانا ماشى ثابت على سرعه معينه لما بشيل رجلى من على الاكسيلاتير بلاقى العداد بينط فجأه للسرعه اللى بعدها ويرجع تانى على طوول .. وحصلت بردو فى الآر بى ام .. ممكن تكون عايزه حساسات او حاجه ؟؟

اه .. العربيه اوكتافيا A4 2006

**haissam24h** · 23-02-2013 08:31 AM

غير كل السيور والفلاتر احسن الوقتى عشان لقدر الله مفيش سير يقطع او حاجه

بالنسبه للزيت عادى غير الفلتر واشترى 1 كيلو وحط نصه مكان الى هياخده الفلتر او مش ضرورى فلتر الزيت
غير الفلاتر كلها والسيور ومية الراديتير وبوجيهات وان شاء الله خير

**forti** · 23-02-2013 02:17 PM

اكشف على العربية بالكمبيوتر عند حد زى محمد سمير او احمد زاهر عشان لو فى حساس بايظ ولا حاجه .. مع تغيير السيور و الفلاتر بالمرة من دلوقتى احسن

**Moratoz** · 23-02-2013 02:47 PM

طبعا غير االفلاتر والسيور فورا لان السيور من الركنه والرفع أكيد نشفت وتأكلت وأكيد ما دام كانت مرفوعة هيبقي سير الكاتينه والديمنو متغيروش من قريب فخليك في المضمون وبلاش تكسل في الموضوع دا لأهميته

**forti** · 23-02-2013 06:55 PM

احمد سمير فى جسر السويس خلف حديقة بدر .. احمد زاهر فى المعادى الاتوستوراد صقر قريش

**Moratoz** · 23-02-2013 08:35 PM

سمير نقل من خلف حديقه بدر وبقي أمامها بجانب بنزينه قالتكس تخش الشارع ئل قبلها وتمشي شويه هتلاقي شارع شمال كبير تمشي شويه تلاقي توكيل مرسيدس بجوهرة مباشرة
مركز مهندس هاني خلف حديقة بدر مباشرة بجسر السويس
احمد زاهر صقر قريش تمشي في الشارع البطئ في صقر قريش محل علي ناصيه علي الاوتستراد مباشرة

**طارق _عبد السلام** · 24-02-2013 02:49 AM

لو العربيه مرفوعه فعلا
اول شىء تعمله تغير زيزت وفلاتر وسيور وبردوا مرور على الخراطيم والكوتشات 4 سنين يضيعوا صلاحيه الكاوتش لو جديد كمان
وشوف الكيعان بتاع مياه الراديتير بردوا ممكن يكون فيه تشققات مش مهم زيت ال5000 فى داهيه بس اطمن على عربيتك وظبطها علشان تكون فى امان