مشكله ف الماتريكس

**theangel** · 23-02-2013 09:00 PM

السلام عليكم ورحمة الله وبركاته

المشكله بإختصار ياجماعه ان انا معايا عربيه ماتريكس اوتو
العربيه كان اتحط فيها بنزين 80 علي ال 92 اللي كان فيها ف مره من المرات وقت لما اتحطلها البنزين ده العربيه بقت بتنتش تيجي تدوس بنزين تلاقي العربيه مش بتسحب معاك من اول مره لازم تقعد تشيل رجلك من علي دواسة البنزين وتحطها
وبعد لما خلص ودلوقت فيها ال 92 عادي لإني دايما بحطلها 92 بس كان في حد اقترح عليا الموضوع بتاع ال 80 ده انه يبقي النص والنص - المهم دلوقت العربيه مبتعملش الكيك داون وبرضو بتنتش ومش عارف في ايه ولا ايه اللي حصل بالظبط والمفروض اني اعمل ايه دلوقت لإن العربيه اتغيرت تماااااااااااااما من بعد الموضوع ده ومش عارف ان كانت المشكله سببها البنزين ده ولا في حاجه تانيه يمكن تبقي السبب ؟
----
تاني حاجه كنت عايز اعرف الكبالن عامله كام هي لما باجي اللف ف الشمال العربيه بتعمل صوت طقطه اللي بيخرج من الكبالن ده لكن الصوت مش عالي خالص وبتعمل الصوت ده مرتين بالكتير ولا حاجه يعني اقصد مش بإستمرار طول مانت بتلف وهل ممكن معالجة الموضوع ده ولا لازم الكبالن تتغير خالص ؟
---
وشكرا :)

**HOSSAM99** · 23-02-2013 09:36 PM

و عليكم السلام و رحمة الله و بركاته
حاول تغير فلتر البنزين لأن تقريبا ده مش بسبب البنزين الـ80 لوحده ممكن يكون كان فيه شوائب سدت الفلتر
حضرتك تراجع علي فلتر البنزين و تنضف فلتر الهوا و تراجع علي البوجيهات
و منظف إنجكشن نوع نضيف علي تانك بنزين و تخلص التانك بالمشي المعتاد و تفول تاني و تديها مشوار طوالي و كل شئ هايظبط

سعر الكوبلن هايبقي متفاوت هايبدأ من 120 جنيه

بالتوفيق
و يا ريت تبقي تطمنا عملت أيه

**theangel** · 23-02-2013 09:42 PM

المشاركة الأصلية كتبت بواسطة hossam99

و عليكم السلام و رحمة الله و بركاته
حاول تغير فلتر البنزين لأن تقريبا ده مش بسبب البنزين الـ80 لوحده ممكن يكون كان فيه شوائب سدت الفلتر
حضرتك تراجع علي فلتر البنزين و تنضف فلتر الهوا و تراجع علي البوجيهات
و منظف إنجكشن نوع نضيف علي تانك بنزين و تخلص التانك بالمشي المعتاد و تفول تاني و تديها مشوار طوالي و كل شئ هايظبط

سعر الكوبلن هايبقي متفاوت هايبدأ من 120 جنيه

بالتوفيق
و يا ريت تبقي تطمنا عملت أيه

اولا شكرا لحضرتك علي الرد

ثانيا بالنسبه للكبالن - هي كده باظت ؟ لإني زي ماقولت لحضرتك الصوت يمكن حاجه خفيفه خالص ومش بتعمل الصوت ده غير لو اخدت اللفه علي السريع مثلا او ع الضيق اوي وبتبقي حاجه خفيفه خالص ! بيبقي في معالجه للكلام ده ؟
ولو باظت النوع النضيف بيبقي عامل كام .. وشكرا لحضرتك

**HOSSAM99** · 23-02-2013 09:52 PM

لا شكر علي واجب يا فاندم
الكبالن كده أبتدت في التآكل و هاتزيد مع الوقت في التقطقة لغية ما تفرط و ممكن يتعملها مسكن هاتجيب شحم كبالن و كاوتشة كوبلن و تخلي الميكانيكي يطله الكوبلن و بنضفه و يملاه شحم و يغير الكاوتشه ساعات الحل ده بيمنع الصوت فتره(ممكن ما ينفعش الحل ده )

و للأسف أنا ما أعرف ثمن الكبالن بالتحديد لكن حاول تسأل علي الأصلي عند إبراهيم البنا في التوفيقيه (شارع زكي)
تحت أمرك في أي إستفسار

**haissam24h** · 23-02-2013 10:25 PM

سعر الكوبلن الماتريكس لسه شاريه
30 سن ناعم او خشن
110 جنيه التايوانى

السعر الاصلى 30 سن ناعم يبانى او المانى
السعر فى حدود 650 ج وانصحك بالتايوانى شغال تمام معا معظم الناس ووفر فلوسك لان الصراحه 90 من القطع الى فى السوق مضروبة واشترى علبه منظف لدورة الوقود وحطها فى التنك بس لازم يكون التنك فاضى على اخر 5 او 10 لتر
وبعدها حط الازازة ديه وفول عليها العربيه وان شاء الله التنتيش هيروح
وبعدها غير الفلتر

**theangel** · 24-02-2013 02:12 AM

المشاركة الأصلية كتبت بواسطة haissam24h

سعر الكوبلن الماتريكس لسه شاريه
30 سن ناعم او خشن
110 جنيه التايوانى

السعر الاصلى 30 سن ناعم يبانى او المانى
السعر فى حدود 650 ج وانصحك بالتايوانى شغال تمام معا معظم الناس ووفر فلوسك لان الصراحه 90 من القطع الى فى السوق مضروبة واشترى علبه منظف لدورة الوقود وحطها فى التنك بس لازم يكون التنك فاضى على اخر 5 او 10 لتر
وبعدها حط الازازة ديه وفول عليها العربيه وان شاء الله التنتيش هيروح
وبعدها غير الفلتر

ربنا يكرمك وشكرا علي المتابعه :)

**haissam24h** · 25-02-2013 08:04 PM

لا شكر على واجب وانا تحت امرك

الموضوع: مشكله ف الماتريكس

LinkBack

أدوات الموضوع

عرض

مشكله ف الماتريكس - انشر الموضوع فى :

-

-

-

-

المواضيع المتشابهه

مشكله رهيبة فى الماتريكس

مشكله بخصوص الماتريكس

مشكله عندى فى الماتريكس

مشكله فى الماتريكس 2007

مشكله فى تكييف الماتريكس

الكلمات الدلالية لهذا الموضوع

المفضلات

المفضلات

ضوابط المشاركة