مشكله رعشه فى الماتركس وهى واخده غيار بس واقفه

**esam_ayad** · 06-03-2013 09:31 PM

المشاركة الأصلية كتبت بواسطة cdkareem

دسكات ايه ؟ هو الاوتو فيه دسك ؟؟
وبالنسبة لمشكلة الرعشه دى العربية محتاجة تتحط على الاسكانر علشان تعرف الحساسات شغاله كويس ولا فيه حساس قاطع ، كان حصل عندى المشكلة دى وكنت بحس ان العربية متلته وودتها لحد تانى وطلع ان فيه حساس بياظ واتغير والعربية رجعت زى الفل
السلام عليكم

بص يا باشا كلمة دسكات دي بلغة الخليج
بس انا ماعرفش الدسكات اسمها ايه في مصر( بس هي الجزء اللي الفرمله بتقفش عليه علشان العربيه تقف) وانا عامل خراطه دسكات اربع مرات قبل كده علي فكره.

**verna2008auto** · 08-03-2013 02:55 PM

ياريت تشوف حساس الهواء ....
كشف كمبيوتر الاول ..
اخبار عدد لفات الموتور اية ؟؟؟ في السلانسية

**mohm82** · 10-03-2013 01:39 PM

الله يعينك
أنا مش عايز أفتى (انا معايا ماتريكس 2008 بس مانيوال الحمد لله) المهم
نفكر بطريقة طبيعية , العربية اوتوماتك و هى واخدة d او اى حركة بتبقى عايزة تمشى لكن الحاجة الوحيدة الى بتبقى موقفاها هى الفرامل!!
يعنى نشوف ممكن تكون ايه؟؟
ممكن الديسكات, ممكن القنطرة و العفشة
و ممكن يكون الفتيس نفسه (ان شاء الله ميكونش فيه حاجة) بس ممكن تجرب يعنى هل الفتيس بيعمل مشاكل تانية على السرعات او فى اى موقف تانى؟؟ (اختبار الفتيس)
هل فيه اصوات عند المطبات او فى دوارة الموتور - بيتهز جامد)؟؟ (اختبار العفشة)
و أخريراً أتمنى لك التوفيق و أرجو منك الافادة
و السلام عليكم

**alaamousa** · 11-03-2013 04:59 AM

نفس مشكلتي يا صديق !!!!!!!!!!!!!!

http://www.nilemotors.net/Nile/338165-a.html

**alaamousa** · 11-03-2013 05:02 AM

بس انت مشكلتك مش في القواعد لانك بتدوس فرامل بتحصل وكمان انت اوتوماتيك بص غالبا وركز في كلامي
فيه مشكلة في البرمجة للفتيس مع الفرامل لانك المفروض لما تدوس فرامل كل حاجة تفصل
اذا كانت عربيتك بتتحط على الفيشة ممكن اوريك واحد باذن الله معرفة يحطهالك على الجهاز وسعره كويس شوف وانا تحت امرك باذن الله الهيونداوية لبعضيهم وربنا يكرمك وتحل مشكلتك ان شاء الله

**Nashaat Rady** · 11-03-2013 05:30 AM

المشاركة الأصلية كتبت بواسطة enghany

الزميل المحترم
ماتتعبش نفسك كتير
بص هي حاجه من اتنين
ان يكون في حاجه في القواعد ودي صعبه شويه
او ان القنطره بتاعه العربيه مخبوطه او مزنده بس كده

كلام مظبوط، كلام عظيم، اوافق بشدة و تعصب و قفش كمان.....

مع بالغ احترامي لجميع الأعضاء و الآراء، خليك مع الكلام و بص علي القنطرة.

تحياتي للجميع

**haysam2000** · 11-03-2013 01:22 PM

انا عندى نفس الكشله بالظبط و دى قاعده الموتور الخلفيه اللى هى تعتبر تحت رجلك (قاعده جيربوكس) و المشكله انها قليله جدا و لما حشيتلها حته كاوتش (مؤقتا طبعا) الزنه قلت جدااااااااا و هموت و الاقى القاعده دى
المشكله ان فى ناس كتيلا بتجيب بتاعه المانيوال و تظبطها للأتوماتيك بس انا مش عايز كده ف صابر