مشكله رعشه فى الماتركس وهى واخده غيار بس واقفه

**memo_sms** · 23-02-2013 11:09 PM

السلام عليكم
أولا أنا جديد فى الهيونداى
ثانيا جبت ماتركس الحمد لله 2007 اوتو
كشفت عليها وكله تمام وكانت كويسه مع وجود بعض المشاكل اللى أنا عرفتها وموافق عليها ومش هتاثر بشكل عام على العربيه
المهم اخدت العربيه اغيرلها طقم سيور وفلتر البنزين وطقم بوجيهات وشغل السيرفس ده، ومن ساعتها وأنا عمال اكع فلوس والمشكله اللى خرجت بيها بعد السيرفس ده متحلتش لحد دلوقت
مش شرط ان المشكله تكون فى السيرفس نفسه أنما ممكن تكون ان اللى باع ليا العربيه كان ملصم المشكله دى والله أعلم
المشكله ببساطه شديده لو أنا مدى غيار للعربيه بس دايس فرامل والعربيه واقفه فى هزه غير طبيعيه فى العربيه سواء على d أو r
والرعشه دى بتروح على طول أول ما ادوس بنزين

اقولكوا أنا غيرت ايه واشتغلونى ازاى :)
الأول اطمنا ان السيور تمام وجبنا بوجيهات تانيه ونفس المشكله
وبعديد اتقلى ان الموتور سخن قبل كده ووش السلندر اتحل قبل كده واكيد فى حاجه غلط والحل اننا نقوم نفك وش السلندر ونبعته للخراط وقلك مش عارف مين منفس وايه ماله والسخونيه ماثره فين وشغل عالى وطبعا قلبى بيتقطع :(
رجع وش السلندر وركب والرعشه لسه زى ما هى
طبعا قواعد المتور كنا واخدين بالنا منها وفى اتنين كانوا متغيرين جداد وبعد ما فضلت المشكله زى ما هى غيرت التالته كمان وبردوا المشكله زى ما هى

الميكانيكى اللى شغال فى العربيه حافظها يعنى مش بيتعلم فيها بس هو بيتعلم فى المشكله دى بالذات
اخر حاجه ان القواعد اللى راكبه دى كورى وناشفه ولازم نجيب استيراد أحسن هتبقى ناعمه والرعشه هتروح
طبعا أنا ورمت خصوصا انى لسه جايبها

حد قابله المشكله دى أو يعرف يفيدنى
شكرا مقدما وجزا الله خيرا كل من عنده حل ومبخلش بيه

**el diesel** · 24-02-2013 01:12 AM

انت بالنسبة للصنايعية فى لغتهم زبون وزبون تقيل كمان
ربنا يبعدك عن فتى الصنايعية والجهلاء
وباذن الله حد من رجالة الماتريكس يرد عليك

**memo_sms** · 24-02-2013 01:48 PM

المشاركة الأصلية كتبت بواسطة el diesel

انت بالنسبة للصنايعية فى لغتهم زبون وزبون تقيل كمان
ربنا يبعدك عن فتى الصنايعية والجهلاء
وباذن الله حد من رجالة الماتريكس يرد عليك

شكرا على ردك
ربنا يبعدنا عنهم فعلا
ويارب حد يفيدنى فى القصه دى

**enghany** · 24-02-2013 03:47 PM

المشاركة الأصلية كتبت بواسطة memo_sms

السلام عليكم
أولا أنا جديد فى الهيونداى
ثانيا جبت ماتركس الحمد لله 2007 اوتو
كشفت عليها وكله تمام وكانت كويسه مع وجود بعض المشاكل اللى أنا عرفتها وموافق عليها ومش هتاثر بشكل عام على العربيه
المهم اخدت العربيه اغيرلها طقم سيور وفلتر البنزين وطقم بوجيهات وشغل السيرفس ده، ومن ساعتها وأنا عمال اكع فلوس والمشكله اللى خرجت بيها بعد السيرفس ده متحلتش لحد دلوقت
مش شرط ان المشكله تكون فى السيرفس نفسه أنما ممكن تكون ان اللى باع ليا العربيه كان ملصم المشكله دى والله أعلم
المشكله ببساطه شديده لو أنا مدى غيار للعربيه بس دايس فرامل والعربيه واقفه فى هزه غير طبيعيه فى العربيه سواء على d أو r
والرعشه دى بتروح على طول أول ما ادوس بنزين

اقولكوا أنا غيرت ايه واشتغلونى ازاى :)
الأول اطمنا ان السيور تمام وجبنا بوجيهات تانيه ونفس المشكله
وبعديد اتقلى ان الموتور سخن قبل كده ووش السلندر اتحل قبل كده واكيد فى حاجه غلط والحل اننا نقوم نفك وش السلندر ونبعته للخراط وقلك مش عارف مين منفس وايه ماله والسخونيه ماثره فين وشغل عالى وطبعا قلبى بيتقطع :(
رجع وش السلندر وركب والرعشه لسه زى ما هى
طبعا قواعد المتور كنا واخدين بالنا منها وفى اتنين كانوا متغيرين جداد وبعد ما فضلت المشكله زى ما هى غيرت التالته كمان وبردوا المشكله زى ما هى

الميكانيكى اللى شغال فى العربيه حافظها يعنى مش بيتعلم فيها بس هو بيتعلم فى المشكله دى بالذات
اخر حاجه ان القواعد اللى راكبه دى كورى وناشفه ولازم نجيب استيراد أحسن هتبقى ناعمه والرعشه هتروح
طبعا أنا ورمت خصوصا انى لسه جايبها

حد قابله المشكله دى أو يعرف يفيدنى
شكرا مقدما وجزا الله خيرا كل من عنده حل ومبخلش بيه

الزميل المحترم
ماتتعبش نفسك كتير
بص هي حاجه من اتنين
ان يكون في حاجه في القواعد ودي صعبه شويه
او ان القنطره بتاعه العربيه مخبوطه او مزنده بس كده

**memo_sms** · 28-02-2013 12:11 PM

المشاركة الأصلية كتبت بواسطة enghany

الزميل المحترم
ماتتعبش نفسك كتير
بص هي حاجه من اتنين
ان يكون في حاجه في القواعد ودي صعبه شويه
او ان القنطره بتاعه العربيه مخبوطه او مزنده بس كده

كلامك مظبوط الى حد كبير القواعد متغيره زى مانا قولت والقنطره فعلا واخده خبطه :(
شكرا على المساعده وهخلى حد يشوفها ان شاء الله

**som3a2** · 28-02-2013 06:07 PM

كان عندي نفس الموضوع كده في النوبيرا بعد ما خبطت واتضح ان القنطره كانت مخزنه من الخبطه و شداد المكنه جلدته اتقطعت

**memo_sms** · 05-03-2013 11:37 AM

المشاركة الأصلية كتبت بواسطة som3a2

كان عندي نفس الموضوع كده في النوبيرا بعد ما خبطت واتضح ان القنطره كانت مخزنه من الخبطه و شداد المكنه جلدته اتقطعت

شكرا لانك طمنتنى اكتر

طيب وحضرتك عملت ايه
يعنى اتصلحت ولا اتغيرت
لأن سعرها عالى اوووى ومش عايز اجرب

**houseiny** · 06-03-2013 01:32 AM

باشا دي قواعد الموتور كانت المشكلة دي عندي في الجيتس وغيرت القاعدة وكله بقى تمام بعد كده

**esam_ayad** · 06-03-2013 03:10 PM

انا رحت عند ميكانيكي وقولتله نفس مشكلتك "لما بدوس فرامل والعربيه تقف مثلا في اشاره والعربيه بتبقي علي الـd او الـr بحس انها بتتنفض وتترعش ومش بتروح الا لما بدوس بنزين أو احطها علي الـn
وقالي انها ممكن تكون محتاجه خراطة دسكات.

**Mo.Kareem** · 06-03-2013 05:57 PM

دسكات ايه ؟ هو الاوتو فيه دسك ؟؟
وبالنسبة لمشكلة الرعشه دى العربية محتاجة تتحط على الاسكانر علشان تعرف الحساسات شغاله كويس ولا فيه حساس قاطع ، كان حصل عندى المشكلة دى وكنت بحس ان العربية متلته وودتها لحد تانى وطلع ان فيه حساس بياظ واتغير والعربية رجعت زى الفل
السلام عليكم