هل الالنترا فولى لودد فيها ايموبليزر؟؟؟

**devil_storm** · 24-02-2013 04:45 PM

**Ultramisho** · 24-02-2013 11:32 PM

السؤال ده سألته في داخل مشاركات قبل كده
ويبدو لي ان الاجابة لا خاصة ان في موقع هيونداي مافيش الاموبيليزر خالص في الالنترا رغم وجوده في اي اكس 20

في موضوع عن تطوير في جهاز الانذار بيفصل الكهربا عن طرمبة البنزين وبيحس بالاهتزازات لكن ده موضوع غير الايموبيليزر
والعربيات المحترمة والي بسعر الالنترا واقل بكتير فيها ايموبيليزر زي التيدا والفلونس من الشكل القديم وحتى البيزك فيها

المفروض الحقيقة مع تطوير الانذار هيونداى تحط ايموبيليزر في الالنترا دي عربية قربة على ال 200 الف

ربنا يهدي غبور

تحياتي

**ferrari1500** · 24-02-2013 11:46 PM

لو فيها start stop engine بتيجى فيها ايمبولايزر المفروض بيكون شكل عربية صفرا فى التابلوه جواها مفتاح ممكن تتاكد من ده بنفسك اول ما تضغط الزرار من غير فرامل

**Nashaat Rady** · 24-02-2013 11:55 PM

المشاركة الأصلية كتبت بواسطة ferrari1500

لو فيها start stop engine بتيجى فيها ايمبولايزر المفروض بيكون شكل عربية صفرا فى التابلوه جواها مفتاح ممكن تتاكد من ده بنفسك اول ما تضغط الزرار من غير فرامل

+111

**Nashaat Rady** · 25-02-2013 02:58 AM

إحنا في منتدي هيونداي علي عيني و علي راسي، و انا برده راكب الانترا 2012،

لكن تدفع ١٨٠ ألف جنيه في كوري، يا اخي ان شااله ١٨٠ عفريت يركبوا غبور اللي مش اموور،

سوبارو عربية هايلة و شديدة و قوية بس بطة شوية في جريها، بس عربية ما يختلف شئ عليها اتنين، ممكن تنزل بيها البحر.

قوة تحمل، غير طبيعية، حمالة اسية

لو بالمبلغ ده عايز تركب زيرو، ممكن تتفرج علي تاني فئة Opel Astra، عربية عظيمة فيها كل حاجة، بتقول بابا و ماما،
تقفيل بولندي، لكن ذي الألماني بظبط، لكن للأمانة الوكيل منصور برده مش اموور.

تحياتي

**esam_ayad** · 25-02-2013 09:51 PM

انا لو هاجيب عربيه بـ180 الف جنيه عمري ماهافكر أجيب عربيه كوري.
علي طول ياإما سوبارو ياإما عربيه ألماني.
وماليش دعوه بقصة مابعد البيع دي .انا شاري عربيه علشان اتمتع بيها مش علشان ابيعها.

وبالنسبه لسؤالك:اعتقد الخليجي اللي بينزل بماتور1800سي سي بس هو اللي فيه الخاصيه دي.

**hany63** · 26-02-2013 07:26 PM

المشاركة الأصلية كتبت بواسطة algazar2

منصحكش تجيب النترا ب 179 الف عشان فولى لودد خالص و المبلغ ده يجيبلك عربيه زى السوبارو
اقل فئه فيها الاستاندر بتاعها
4 ايرباج - abs+ebd+psa+esr-vdc و حبه حاجات فى منظومه الفرامل و الثبات كمان - دفع رباعى كامل - ايمولايزر

و الفئه الاعلى فيها 6 ايرباج و كل الى فات ده و فتحه سقف و زجاج حرارى بيعزل الشمس فى كل الفئات و فيها فاميه و حبه حاجات كتير انا مش فاكرها و تمنها 185 بعد الزياده و توكيلها احسن من غبور و اول صيانه فعليه ليها على 90 الف قبل كده زيت موتور و فلتر و بس

يعني التيل بيقعد ٩٠ الف?

**Kareem.ElAraby** · 29-03-2013 01:22 AM

ربنا يكرمك و يوفقك في انك تلاقي اللي نفسك فيه

رأيي الشخصي

سوبارو : ما شاء الله أمان بس التسارع عادي مش المعدي بس ان شاء الله تقدر تتحكم فيها في جميع الاحوال لا تقلق

الفورد يا جماعه, ليه مش بتاخدوا بالكم منها
فوكس و فيستا و مونديو (المونديو ديه ركوبه فعلا بس يعيبها بالنسبه لمعظم الناس انها مانيوال لكن بالنسبالي المانيوال ده متعه في حد ذاته بغض النظر عن الزحمه )
و توكيلها عاوز يقومها

لكن كوري بالسعر ده
مش كتير شويه و بأستحرم الصراحه

لكن فعلا الرانج ده من الفلوس بقي محدود و لنا الله طول ما احنا في بلدنا و عندنا العقليات ديه اللي متحكمه في السوق و المسئولين اللي سايبنهم