الموضوع: تم بحمد الله اعاده بناء مطب طريق القاهره والسويس ..وعلي الساده قائدي السيارات الحذر

للاسف عندنا استخدام ادوات المرور بتبقى للأذيه مش لحمايه الناس من الاذى زى بقيه بلاد الدنيا : يعنى المطب وسيله للأذى تلاقيهم راسمين مطب او اتنين على الارض و مفيش مطبات تقوم طالع تجرى تكتشف ان التالت بقى مطب حقيقى فعلا بعد ما تكون اطمنت من اللى قبله، عين القط بيتم نشرها بطريقه مستفزه و فى أماكن جنب بعضها و كمان عاليه عن الارض لضمان اكبر قدر ممكن من الخسائر للكاوتش و العفشه، الرادارات بتبقى موضوعه كأفخاخ و الهدف منها جمع الفلوس و اليافطه بتبقى احيانا موجوده بس مستخبيه فى مكان مش واضح طبعا .انا مش عارف كمان يفط ان السرعه 60 اللى حاطينها دى كمان لزمتها ايه . لو حد فكر يلتزم بيها محدش من الناس اللى ماشيه ورآه هيرحمه من الكلاكسات و ضرب النور فى عينه علشان يجرى. المفروض يعدلوا السرعه القصوى لرقم منطقى شويه و يحطوا عليه عربيه دوريه مرور متحركة واحده حتى .