الموضوع: مشكلة محيرانى ومحدش عارف يحلها. ارجو المساعدة

يا جماعة ارجو اى حد متخصص يدلنى اعمل ايه عندى مشكلة مفيش حد عارف يحلها انا معايا بومة سوبر اكشن 1600 اتوماتيك
1- عداد الار بى ام عندى تحت الواحد بشرطة على المور يعنى 850 تقريبا وده الطبيعى
2- لما بجيب الغيار الدى مثلا او الار بحس برعشة بسيطة بس مش مشكلة المشكلة حصلت من شهرين تقريبا انى لما بجرى و اهدى او ادوس فرامل او حتى ارفع رجلى من على دواسة البنزين عداد الار بى ام بيعلى اوى يوصل 4 وينزل تانى وهكذا كل ما اجرى و اشيل رجلى من على البنزين او ادوس فرامل يحصل كده .
3- نظفت الايدل كنترول و البوابة بسبراى و غيرت البوجيهات وبردو مفيش فايدة و كمان بحس صوت العربية عالى شوية . شلت كابل البطارية نص ساعة ورجعت ركبته وبسبها دايرة يمكن تكون مشكلة فى الكنترول بردو مفيش فايدة .
4- رحت اشترى ايدل كنترول و ركبته لاقيت معدل الار بى ام على المور هو هو محستش بفرق مرضتش اشتريه .
5- غيرت قواعد الموتور
6- ملحوظة : كنت من سنة شيلت الترموستات اللى فى الكوعة اللى بتسخن العربية الصبح بسرعة دى لانها كانت مرة سخنت العربية والميكانيكى قالى مالهاش لازمة ومجبتش غيرها بس العربية بتسخن ببطء الصبح ولو مشيت قبل ما تسخن لمبة التشيك بتنور واضطر ابطل العربية وادورها تانى و تمشى عادى .
7- فى الشهر الاخير استهلاك البنزين بقى عالى اوى بس مفيش هباب فى الشكمان ولا على البوجيهات
....
يا ترى ايه السبب هل مشكلة الكترونية و لا ايدل كنترول ولا ايه بالظبط انا عاوز اعرف الحل ايه ارجو المساعدة .
كمان انا عاوز اعرف اسعار شوية حاجات واجيبها منين
عوامة البنزين
دراع الاشارة و النور
العتب والكساحات
البكتات الخارجية فى الابواب
الكاسيت عندى صوته مش بيعلى خالص ده عيب ايه؟

حط العربيه على اسكان يمكن يكون فى مشكله فى الفتيس
وشيك على حساسات الايدل وهل الار بى ام بينزل لما بتيجى تشغل التكيف وممكن يكون فى مشكله الفرامل
لما بتدوس عليها ممكن تعلى الار بى ام وتنزله لو طقيه السرفو مخرومة