الموضوع: استشارة عاجله بخصوص اوكتافيا a5

السلام عليكم ورحمه الله وبركاته
اخوانى اعضاءء نايل موتورز انا عندى مشكلتين فى عربيتى ال a5 هى بسيكه بس معكننه عليا
-- الأولى وهى ان الشنطه بتفتح والعربيه ماشيه و مش عارف ايه السبب انا قلت يمكن بسبب المطبات بس الغريب انها اوقات بتفتح مع مطبات هايفه واوقات بأمشى فى طرق مدغدغه او لسه بتترصف ومش بتفتح ... روحت لكهربائى قاللى القفل كويس وقال وديها التوكيل علشان يمكن تكون فبه حاجه بتدى امر للشنطه انها تفتح بس مش مقتنع بالكلام ده الا لو كان الزرار نفسه باظ بس هو بيفصل اول ما العربيه تتحرك ... يبقى ازاى يخلى الشنطه تفتح ...؟؟؟
-- التانيه وهى عوامه البنزين لما افول العربيه بتشتغل عادى ولما امشى بالعربيه شويه و المؤشر ينقص بمقدار شرطتين تفصل خالص .... انا سالت على العوامه فى التوكيل قالوا مش بتيجى لوحدها لازم الطرمبه معاها و سالت عند واحد ورا السلاب قاللى عنده العوامه لوحدها اشتريها ولا اروح التوكيل الأول يقولولى ايه اعيب
قوللولى اعمل ايه ولو اودى العربيه التوكيل اوديها فرع ايه ... هى العربيه موديل 2005 اوتوماتيك وماشيه 110الف كم وهى معايا من الزيرو وانا على طول باعمل صيانتها فى ارتوك غمرة او كارتك