السلام عليكم ورحمه الله وبركاته(a4)

**صعيدي** · 27-02-2013 01:53 AM

السلام عليكم ورحمه الله وبركاته
بصراحه منتدي رائع وناس بتفهم صح
نخش في الموضوع
انا بفضل الله اشتريت a4 2007 اوتوماتيك كانت عامله 82000 كيلو بالظيط
وخدتها بالظبط ب 83.500$ المهم انا خدتها من واحد ثقه عشان كده مكشفتش عليها
المهم العربيه فيها صوت بيطلع من الشكمان اما ازود رحت عند ناس كتير بتوع شكامين قالوا مفيهوش حاجه واحد قالي ممكن تكون جوانات فامش عارف اعمل ايه مع العلم اني من اسيوط والصنايعيه عندنا علي قدهم
تاني حاجه نفسي اوديها التوكيل عشان اعملها صيانه كامله بس مش عارف اماكن التوكيلات بتاعتها وهاتكلف كام
وحكايه الكشف بالكمبيوتر دي هاتبين العربيه محتاجه ايه ولا لا
معلش يا رجاله انا خبرتي قليله في العربيات
انا كان عندي 128 ودي اساسا مش بتحتاج اي حاجه في اي حاجه
فكنت عاوز نصيحتكم اصون العربيه ازاي
مع العلم اني تالت مالك للعربيه والي خدتها منه كان واخدها وهيا عامله 70000 كيلو
فامش عارف اول مالك ليها عمل صيانه ال60000 ولا لأ انا بصراحه خدتها مغيرتش فيها حاجه
في انتظار نصيحتكم

**monamize4** · 27-02-2013 03:56 AM

الف مبروك ياباشا

**sakr_skoda** · 27-02-2013 07:08 AM

الف مبروك ربنا يديك خيرها ويكفيك شرها....
على العموم انتا نورت القسم ومرحبا بك اسكيدياوى من قبلى وبنحبوه هههههههههه

شوف الموضوعات اللى فى الرابط دا وانتظر تيم الاكتافيا وممكن تاخد ارقام تليفوناتهم حتلاقى موضوع فى المثبتات بلأسم دا: مــــوضــــــــــــوع / خــاص بتيـــــم قـســــــــم سـكــــــــــــــــــــود ا ‏

مثبــت: كل ما يخص الاوكتافيا والفانتازيا ‏( 1 2 )

**Moratoz** · 27-02-2013 08:19 AM

لو التوكيل خليك في توكيل غمرة
لو حد بره التوكيل مهندس هاني في جسر السويس ورا حديقة بدر او مهندس محمد سمير في النزهه الجديدة امام حديقة بدر
ولما تروح ايا كان المكان خليه يفك بوجيه ويكشف علي الموضوع ويقك غطاء سير الكاتينه ويكشف عليه وسير الدينامو علشان يقولك حالنه ايه
عند التفويله القادمه حط منظف رشاشات علي تفويله البنزين تفوق العربيه شويه
الصوت الطالع من الشكنان يا ريت وصف اليه لأن الصون دا ممكن يكون طالع من المصفحة أسفل الموتور وبيعمل زنه بتيقي محتاجة تربيط كويس وكاوتش مصفخة علشان يمنع الصوت

**Moratoz** · 02-03-2013 03:02 PM

منظف الرشاشات عامل البنزينه بيفضيه مع التفويله اما بخصوص. سخان المرايه تأكد ان مرايه واحدة فقط ام الاثنان بيبقيوا سخنين لو الاثنين يبقي الزار غالبا باظ