| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 42

  1. #1

    الصورة الرمزية no2nn

    رقم العضوية : 130515

    تاريخ التسجيل : 23Oct2012

    المشاركات : 168

    النوع : ذكر

    الاقامة : cairo

    السيارة: kia cerato 2009

    السيارة[2]: chevrolate epica 2006

    الحالة : no2nn غير متواجد حالياً

    Red face تقرير عن نصباية تاكسي العاصمة - Facebook Twitter whatsapp انشر الموضوع فى :

    hasad">

    السلام عليكم ورحمه الله وبركاته
    انا واحد من الناس اللي اتضحك عليهم في موضوع تاكسي العامصه
    وانا جاي النهارده عشان اكتب تقرير مفصل عن اللي انا مريت بيه ولسا لحد الان لم يتم الترخيص
    في بدايه الموضوع احب انوه ان الموضوع طويل جدا جدا ف ياريت تستحمولني
    الموضوع بدا لما الحج اشتري عربيه من عربيات تاكسي العاصمه بتاريخ 21\3\2012
    يعني تقريبا من سنه ...
    ولم يتم الشراء من الجراجات اللي محطوطه العربيات فيها
    لا تم عن طريق تاجر يعني بالصلاه ع النبي العربيه اللي معانا واقفه علينا باعلى من سعر السوق
    وطبعا وعدونا انهم هايخلصولنا الورق ف غضون 15 يوم والورق المطلوب من الشركه هو ( شهاده بيانات - شهاده مخالفات - شهاده ضرايب ) والله اعلم ده اللي مكتوب في العقد
    طبعا انا الوالد كان بيتحرك بالعربيه طبيعي ف الشارع والحمد لله لم يتم ايقافه ولا مره
    وبما اني لسا مطلعتش رخصه سواقه ف تحركاتي بالعربيه في نطاق المنزل والمدرسه والسوق فقط
    ف الحمد لله لم يتم ظبط السياره ولا مره من قبل المرور
    اجرى والدي عده مكالمات مع الشركه كل مكالمه بينها وبين التانيه 15 يوم
    وفي كل مكالمه يرد عليه موظف جديد
    ولم يتم التوصل لاي شئ من هذه الشركه النصابه
    في شهر 7 تقريبا اللي فات فوجئنا ان الموضوع كبر وان في ناس رفعو قضيه على صاحب الشركه
    ف والدي قدم محضر ورفع هو كمان قضيه وانضم ليهم
    وبالفعل تم الحكم على صاحب الشركه بعد 3 شهور بالسجن 3 سنوات مع الشغل والنفاذ
    وطبعا احنا اخدنا جوابات من المرور بترخيص مؤقت لمده سنه لحين اثبات الملكيه
    واثبات الملكيه دي مش مشكله كبيره يعني
    والحمد لله فعلا روحنا استلمنا جواب المرور من مكتب المحامي العام انا ووالدتي وخالي لان والدي مسافر بره مصر
    طبعا الراجل ادانا الجواب بالعافيه بعدما تاكد من التوكيل العام اللي مع والدتي
    اخدنا التوكيل وتاني يوم طلعنا على مرور بين السرايات سالنا على موضوع التاكسي واين يتم الترخيص وهكذا قالولنا ملفات تاكسي العاصمه في مرور ( نكله )
    طبعا رجعنا البيت وتاني يوم اتجهنا الي مرور نكله وهو قريب من (شبين القناطر )
    احب اتوقف هنا دقيقه ((( طبعا اي حد بيروح المرور يجيب ملف اي عربيه بيكون معااه رقم اللوحه ف بيبقا سهل على الموظف يجيب الملف )))
    لكن احنا معناش رقم اللوحه احنا معانا رقم الشاسيه بتاع العربيه ورقم الموتور المثبوتين في العقد والجواب الصادر من المحامي العام !!!!
    دخلنا مرور نكله اي حد تكلمو وتقولو عايز ملف عربيتي تبع تاكسي العاصمه وشو يحمر ويصفر ويزرق ويضرب الوان الطيف الخمسميه !!!
    ويقولك لا يا عم انا مليش دعوه بالمصيبه دي !!!
    امال مين اللي ليه دعوه يا عم الحاج مش حضرتك الموظف !
    يقولك ماليش دعوه مش هاشتغل على الملف ده
    المهم اتجهنا للمسئول عن المرور وكلمناه وبعدين نزل للموظف الموظف اخد صوره من العقد عشان يطلعلي الملف بتاعي بالعافيه عن طريق رقم الشاسيه وطبعا هو هايفتح ملف ملف يبص على رقم الشاسيه !!!
    طبعا هو مش هيعمل كده
    اللي هيدوخ الدوخه دي العيال بتوع الجيش المجندين ف المرور
    بعد محايله ساعتين ونص اتفقنا مع العسكري ان خالي هياخد رقمو وهايكلمو بعد يومين عشان يكون طلع الملف
    وروحنا
    بعد 4 ايام خالي اتصل بالواد قالو الملف بتاعك مش عندنا
    امال عند مين يا بابا !!
    قالك يا اما مرور السلام يا اما مرور شبرا
    بعديها بيومين تم التوجه الي مرور السلام بالعربيه وطبعا كل ده من غير نمر ولكم ان تتخيلو كم المعااناه اللي بنعانيها ف كل مشوار لاني ساكن في الهرم وكل المشاوير دي بعيد عليا !!!
    المهم وصلنا مرور السلام وخالي وقف ف طابور كده عشان يسال الموظف
    اول ما الموظف سمع كلمه تاكسي العاصمه عرق ووشو جاب الوان واكاد اقسم بالله انو كان فاضلو شويه ويبل الكرسي !!
    وقالك لا مش هاشتغل ف الملف ده
    تم التوجه للظابط اللي بيختم الملفات وتمت الشكوى وراح زعق للموظف
    الموظف جه اخد الملف بطلوع الروح ودخل على الكمبيوتر وسجل رقم الشاسيه
    وطلعلنا بعديها ب 10 دقايق كده
    وكااااااااااااااااااااااا اااانت الصدمه
    بيقولنا العربيه مترخصه في شبرا يا حضرات
    احنا التلاته نعممممممممممممم !!!
    قومت انا قايلو امال العربيه اللي معايا برا دي تبقا ايه !!!
    قالي معرفش وساب الملف للظابط وجرى !!
    كان في موظف ابن حلال كده واقف قالنا انتو معاكو العربيه
    قولتلو اه واقفه برا
    قالي روح هات مطابقه بصمه وتعالي
    طلعنا بره وفيها ساعتين على ما عرفنا نطابق البصمه
    والحمد لله رقم الشاسيه بتاعي زي اللي ف الجواب والعقد ونفس الكلام على رقم الموتور
    يعني الحمده لله انا عربيتي سليمه مش مسروقه
    رجعنا تاني للظابط قالنا خشو طلعو الملف بتاعكو خلونا نشوف في ايه
    نفس الحوار حصل مع الواد العسكري وخلص ف 3 ساعات عشان نعرف نطلع الملف بتاعنا بس المره دي الحمد لله لقيناه
    اخدنا الملف وروحنا لظابط ربتبه اعلى شويه اسمو ( ...... ) وفهمناه الموضوع وان ازاي العربيه مرخصه وهي معايا وطابقت البصمه
    فتح الدولاب بتاع الملفات ف ثواني وخدو بالكو اني فتحتو من شويه ف 3 ساعات !!!!!!!!!
    حسبي الله ونعم الوكيل ف الموظفين !
    المهم قعد يدور ف ارقام الشاسيها طلع ان في ملف تاني بنفس رقم الشاسيه وان هو ده اللي مرخص
    طلعنا الملفين وقومنا طالعين على المباحث المرفقه في المرور ودخلنا على رئيس المباحث الاستاذ ( .... ) وفهمناه الموضوع والماحث كلمت مرور شبرا وعرفو منو ان في لخبطه في رقم الشاسيه
    فلنفترض ان انا رقم الشاسيه بتاعي فيه 69 الراحل التاني رقم الشاسيه بتاعو فيه 89
    ولو تلاحظو ان ال 6 بالانجليزي قريبه من ال 8 الفرق بينهم شرطه صغيره طبعا عامل البصمه قرا ال 8 وخلاها 6 وطبعا ده بهدل الدنيا ف عرفنا ان احنا الاتنين متلخبطين بسبب رقم الشاسيه
    ف لقينا الراجل دفعلنا مخالفات ودفع تامينات ودفع ضرايب ف رئيس المباحث قالنا ادفعولو انتو كمان المخالفات والضرايب والتامينات ونبدل الورق وكان الله بالسر عليم
    قولنالو جزاك الله خيرا
    ومشينا وف اليوم ده انا خالي راح الشغل بتاعو الساعه 4 العصر اقسم بالله
    بعيدها بيومين تم التوجه للتامينات ودفعنالو تامينات وضرايب وفاضل نختم الورق عشان نطلع شهاده بيانات وركزوا معايا احنا بندفع للراجل مش لينا يعني بندفع عن رقم الشاسيه اللي فيه 89 واحنا الجواب اللي معانا فيه 69 ف بتوع التامينات مرضيوش يكملو الورق لانو قانوني مينفعش الارقام مش زي بعضها
    اخر ما زهقنا قومنا طالعين على مكتب المحامي العام وادينالو الجوابين الصادرين منو ازاي يطلع جوابين بنفس رقم الشاسيه !!!!!!!!!!!!!!!!!!!!!!!!!1
    قالنا سيبو الورق وتعالو بكره ّ!!!!
    ياعم هو انا فاضي خلصنا دلوقتي
    قال لا بكره
    روحنا وجينا تاني يوم مكنش لسا فتحهم اصلا حسبي الله ونعم الوكيل ف كسل الموظفين
    اداهم لواحد تاني والحد التاني ده طلع كل الملفات بتاعت قضيه تاكسي العاصمه وطلع ملفنا وملف الراجل التاني
    وبنبص ف الملفين وبنتاكد لقينا ان العقد بتاع الراجل الصادر من الشركه مكتوب فيه 69 واحنا مكتوب عندنا 69 ّّّّّّ!!!!!!!!!!!!!!!!!!
    طب ازاي
    قالك انا عندي كل عربيه مطلعلها جوابين لشخصين مختلفين
    ايون يعني ايه !!!!!!!!
    قالنا يعني بالبلدي كده الشركه باعت كل عربيه لشخصين مختلفين ونصبت ع الناس واحد العربيه اللي معاه فعلا سليمه والتاني عربيه ملهاش ورق او مسروقه
    بس الحمد لله ان عربيتي سليمه
    خرجنا من عند مكتب المحامي العام وكلمنا الظابط الفلاني قالنا مفيش غير انكو تطلعو على الاداره العامه للمرور تقدمو شكوى ّّّّ!!!
    بعديها بيومين تم التوجه للاداره العامه للمروور وطلعنا الشؤون القانونيه وقدمنا شكوى
    الست الفاضله الي متابعا معانا قالت اطلعو على مرور السلام اللي فيه ملفات التاكسي اعملو محضر وخلوهوم يبعتو الملفين مع مندوب واطلعو على مرور شبرا اللي فيه الملف الجديد اللي الراجل رخص فيه عليكو قدمو محضر وخلولهم يبعتو الملف مع مندوب
    طبعا روحنا مرور السلام ف يوم
    ومرور شبرا ف يوم
    وتخيلو انتو بقا السحله اللي احنا فيها !!!!!!!!!!!!
    بعديها باسبوع نتصل بالست اللي متابعه معانا تقول مفيش ولا ملف وصل
    قدمنا بلاغات تاني عشان الملفات تروح
    وصلو بعديها باسبوع اللي هو النهارده وروحنالها طبعا المرور القذر اللي اسمو مرور السلام اخرو الملفات عشان كانو بيحاولو يدارو اللعبه ال..... اللي هما لعبوها
    وبيظبطوا ف ورق الملفات
    روحنا النهارده الست اللي ف الشؤون القانونيه طلعت ال3 ملفات وبصت فيهم وعرفت ع طول المشكله فين وان الملفات ملعوب فيها وان بصمه العربيه التانيه رقمه 89 ومرخصه على انها 69 وملعوبه لعبه وسخه
    المهم اخدت الملفات ودخلت لرئيس الوحده ولا معرفش اسمو ايه وقعدت جوه ساعه !!!
    ولما خرجت قالت سيبو الملفات تاني اسبوع عشان اعرف اشوفلكو حل
    --------------------------------------------------------
    وروحت طبعا واديني مستني الحل من عند ربنا
    -------------------------------------------------------
    انا بس عندي تعليق بسيط كل المشاكل ده وارده عادي ونتحملها ولكن اللي صعب الواحد يتحملو هو كميه التخلف والرجعيه والاستهبال والكسل اللي وصل ليها الموظفين وان الموظف يعطل الناس قدامو طابور عشان يطفح ساندوتش طعميه بالسم الهاري
    ومفيش دم ومفيش حياء وكلو ماشي بالفلوس
    وان ازاي مرور السلام يعدي بلوه زي دي ويرخصلها انا بالصدفه واحنا ف التامينات وقعت عليني على البطاقه بتاعت الراجل التاني اقسم بالله وشو رد سجون وواخد مطوه ف وشو ومتعور وتحسو بلطجي كده
    المفروض عن طريق البطاقه ده يعملو استعلام في المباحث ويعرفو محل سكنو ويرورح يتجاب هو وعربيته ويعمل فحص ولو اتضح ان عربيته 89 مش 69 يتسحب منو الترخيص
    وبردو واحنا ف مرور السلام لمحت بعيني ملف العربيه التانيه وانها اتمسكه ف لجنه ف 2011 والعربيه مضبوطه اكتر من مره
    انا تحليلي الوحيد ان العربيه التانيه دي مسروقه او عامله اي بلوه ولبسوها فينا احنا
    حسبي الله ونعم الوكيل بجد في اي موظف بيتكاسل ف شغلو
    وحسبي الله ونعم الوكيل ف اي واحد اخرنا عن اننا نرخص
    وحسبي الله ونعم الوكيل في الراجل التاني اللي مرخص باسمنا
    بجد حسبي الله ونعم الوكيل في ( مصر )
    -------------------------------------
    ارجو انكو تسماحوني ع الاطاله بس انا مش لاقي حد اشكيلو غيركو
    وسامحوني لو في حاجه انا مش فاهمها كويس انا لسا 18 سنه لا رحت ولا جيت
    بس بحاول بقدر الامكان ان الواحد يمشي جنب الحيط ويمشي في السليم افضل
    اتمنى لو اي حد معاه عربيه من عربيات تاكسي العاصمه يقولي هو عمل ايه !!!!
    -------------------
    والسلام ختام


  2. #2

    الصورة الرمزية no2nn

    رقم العضوية : 130515

    تاريخ التسجيل : 23Oct2012

    المشاركات : 168

    النوع : ذكر

    الاقامة : cairo

    السيارة: kia cerato 2009

    السيارة[2]: chevrolate epica 2006

    الحالة : no2nn غير متواجد حالياً

    افتراضي -

    7 مشاهدات بس !


  3. #3

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    بص أنا طبعا مرعفش حاجة عن موضوع تاكسي العاصمة .
    و لكن لي تجربة زي الزفت مع مرور فيصل بسبب أنهم مش عايزيت يشتغلوا و يقولك ورقك مش عندي من غير حتى ما يتأكد

    لغاية ما شوفت واسطة ... الورقة طلعت في لحظة بعد شهرين لف و دوران ما بين مرور فيصل و مرور بين السرايات .

    و حسبي الله و نعم الوكيل .

    ربنا يكون في عونكم و يقويكم .... بلاش تسوقوا العربية بدون أرقام و بدون لوحات علشان دي لوحدها جناية و المفروض أن العربية تتصادر لحين أثبات ملكيتها (لو وقفتوا في لجنة و الظابط طبق القانون )

    ربنا يكون في عونكم

    [img2]http://i59.tinypic.com/2vxpukz.jpg[/img2]


  4. #4

    الصورة الرمزية amdd

    رقم العضوية : 113454

    تاريخ التسجيل : 18Sep2011

    المشاركات : 898

    النوع : ذكر

    الاقامة : Matrouh

    السيارة: Elantra 2005A

    السيارة[2]: Nissan sunny 2005

    دراجة بخارية: no

    الحالة : amdd غير متواجد حالياً

    افتراضي -

    من غير زعل الموضوع طويل جدا جدا ومش هقرأه كله

    [img2]http://www6.0zz0.com/2012/03/25/12/859275149.jpg[/img2]


  5. #5

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي -

    ده مرار طافح !!!!!
    الله يكون في العون...انتم أبطال بصراحة

    هل سعر العربية و حالتها كانوا مغريين علشان تشتروها؟


  6. #6

    الصورة الرمزية no2nn

    رقم العضوية : 130515

    تاريخ التسجيل : 23Oct2012

    المشاركات : 168

    النوع : ذكر

    الاقامة : cairo

    السيارة: kia cerato 2009

    السيارة[2]: chevrolate epica 2006

    الحالة : no2nn غير متواجد حالياً

    افتراضي -

    اقتباس المشاركة الأصلية كتبت بواسطة amdd مشاهدة المشاركة
    من غير زعل الموضوع طويل جدا جدا ومش هقرأه كله

    ما انا قولت كده في بدايه الموضوع ^_^
    عموما حضرتك شرفتني ف الموضوع
    تقبل تحياتي

    اقتباس المشاركة الأصلية كتبت بواسطة tutankhamoun مشاهدة المشاركة
    بص أنا طبعا مرعفش حاجة عن موضوع تاكسي العاصمة .
    و لكن لي تجربة زي الزفت مع مرور فيصل بسبب أنهم مش عايزيت يشتغلوا و يقولك ورقك مش عندي من غير حتى ما يتأكد

    لغاية ما شوفت واسطة ... الورقة طلعت في لحظة بعد شهرين لف و دوران ما بين مرور فيصل و مرور بين السرايات .

    و حسبي الله و نعم الوكيل .

    ربنا يكون في عونكم و يقويكم .... بلاش تسوقوا العربية بدون أرقام و بدون لوحات علشان دي لوحدها جناية و المفروض أن العربية تتصادر لحين أثبات ملكيتها (لو وقفتوا في لجنة و الظابط طبق القانون )

    ربنا يكون في عونكم
    انت بتبشرني ولا ايه :d :d :d
    انا مرور فيصل اصلا ^_^
    عموما نورت الموضوع
    تقبل تحياتي


  7. #7

    الصورة الرمزية no2nn

    رقم العضوية : 130515

    تاريخ التسجيل : 23Oct2012

    المشاركات : 168

    النوع : ذكر

    الاقامة : cairo

    السيارة: kia cerato 2009

    السيارة[2]: chevrolate epica 2006

    الحالة : no2nn غير متواجد حالياً

    افتراضي -

    اقتباس المشاركة الأصلية كتبت بواسطة nadernabil مشاهدة المشاركة
    ده مرار طافح !!!!!
    الله يكون في العون...انتم أبطال بصراحة

    هل سعر العربية و حالتها كانوا مغريين علشان تشتروها؟
    بصراحه في الفاظ تانيه تغنيني عن كلمه مرار طافح
    بس اخاف اتوقف ولا حاجه :d :d
    والله بالعكس انا ذكرت ف بدايه الموضوع ان العربيه واقفه علينا باكتر من سعر السوق
    وخسرانين فيها
    بس نعمل ايه بقا
    قدر الله وما شاء فعل
    نورتني في الموضوع
    تقبل تحياتي


  8. #8

    الصورة الرمزية maryano

    رقم العضوية : 99686

    تاريخ التسجيل : 19May2011

    المشاركات : 223

    النوع : ذكر

    الاقامة : cairo

    السيارة: lanos 2 2002

    السيارة[2]: fiat siena 2003

    دراجة بخارية: noo

    الحالة : maryano غير متواجد حالياً

    افتراضي -

    ربنا يصبرك و الموضوع دة يخلص علي خير


  9. #9

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    ده العادي في مصر
    كله بيعدي بالرشوه والقرف وتلاقي العربيه التانيه رخصت بواسطه وعدت
    بس هي مش مسروقه
    لان مستحيل تطابق ارقام الشاسيهات
    ومع كم الورقيات والسحله بتاعه المرور دي
    اموت واعرف ايه لازمه الكمبيوتر عندهم
    ربنا يعينكم ويرزقكم وتعوضوا خسارتكم والفلوس الزياده اللي دفعتوها في العربيه
    ويرزقها بالرزق الوفير


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  10. #10

    الصورة الرمزية m_medo

    رقم العضوية : 56338

    تاريخ التسجيل : 20Dec2009

    المشاركات : 386

    النوع : ذكر

    الاقامة : egypt

    السيارة: no

    السيارة[2]: Opel Astra 2007 Manual

    الحالة : m_medo غير متواجد حالياً

    افتراضي -

    hasad">

    حسبى الله ونعم الوكيل.... ربنا يخلصهالك على خير



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. اشتغالة او نصباية
    بواسطة moh12 في المنتدى نيـــــــــسان
    مشاركات: 4
    آخر مشاركة: 03-10-2012, 02:43 AM
  2. رينو لوجان Mcv سبعة راكب تاكسي أبيض وأسود (ربنا يبارك لصاحبها) (تقرير مصور)
    بواسطة ahmed1981 في المنتدى المنتــــــدى العـــــــــــام للسيــارات
    مشاركات: 39
    آخر مشاركة: 14-03-2011, 03:04 PM
  3. هل فى اشتراكات فى تاكسى العاصمة ؟؟
    بواسطة shery103 في المنتدى المنتــــــدى العـــــــــــام للسيــارات
    مشاركات: 8
    آخر مشاركة: 30-09-2009, 02:18 AM
  4. كيا سيراتو الجديدة - تاكسي العاصمة
    بواسطة funy76 في المنتدى كـــــيا
    مشاركات: 12
    آخر مشاركة: 22-07-2009, 12:24 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2