لو حد اشترى مسند اليد للوجان يقولنا التجربة ياجماعة

**محمود90** · 28-02-2013 02:59 PM

شفت موضوع لاخ علي عن مسند يد للوجان من موقع سوق
مسند ذراع للسيارة مصر | سوق

حد يقولنا التجربة هل المسند يستحمل وقوي ولا ايه

وطريقة تركيبه سهلة ولا لا

والدفع بالفيزا احسن عشان مفيش مصاريف تانية صح كده ولا ايه؟
يعني لما ادفع بالفيزا فقط حدفع 100 جنيه تمام؟

**محمود90** · 28-02-2013 04:47 PM

واللي دفع فيزا يقولي عمل ايه بالظبط ياريت لاني معرفش في الموقع ده كويس

**محمود90** · 01-03-2013 05:47 PM

?????????

**gebreel** · 01-03-2013 07:21 PM

اللي اعرفه انك بالفيزا بتدفع عادي برقمها و الرقم ال3 ارقم اللي في ظهر الكارت و شكرا على كدة

**ali_333** · 03-03-2013 04:05 PM

تركيبه سهل جدا
حديد سميك متقلقش احسب 50 سنة ان شاء الله عشان يستهلك وتجيب واحد غيره

**بوب ميجو** · 03-03-2013 07:19 PM

المشاركة الأصلية كتبت بواسطة محمود90

شفت موضوع لاخ علي عن مسند يد للوجان من موقع سوق
مسند ذراع للسيارة مصر | سوق

حد يقولنا التجربة هل المسند يستحمل وقوي ولا ايه

وطريقة تركيبه سهلة ولا لا

والدفع بالفيزا احسن عشان مفيش مصاريف تانية صح كده ولا ايه؟
يعني لما ادفع بالفيزا فقط حدفع 100 جنيه تمام؟

الخلاصة بكل امانة هتلاقيها هناااااااا http://www.nilemotors.net/Nile/339427-a.html

**logan2010** · 03-03-2013 10:40 PM

دلوقتى انا عامل طلب شراء و الدفع عند الاستلام هل فيه مشكله لو رفضت الاستلام ؟؟؟؟؟
المفروض الاستلام خلال يومين .... الرجاء الرد

**dr_mustafa_ali** · 04-03-2013 06:03 PM

ولا حاجة نفضلهم ، ولا اي حاجة

**zoro2** · 05-03-2013 12:42 AM

السلام عليكم ورحمة الله وبركاته
اولا تحياتى للجميع إدارة منتدى وأعضاء كرام
للاخ السائل عن موقع سوق دوت كوم وطريقة الشراء منه انا اتعامل معهم منذ 3 سنوات بالفيزا اون لاين وهم بصراحة ناس محترمة
المطلوب من حضرتك تصور الفيزا وطبعا تخفى الرقم الكودى السرى بوضع ورقة صغيرة على ال3 ارقام وتصور بطاقة الرقم القومى وده فى اول تعامل معهم فقط بعد كده الفيزابتتسجل عندهم تصبح عميل طبعا بتبع الصورتين دول كملف مرفق على الأيميل الخاص بهم souq@yahoo.comومن المفضل انك تكلمهم لتاكيد البيانات واكرر ده اول مرة ونسيت انك لازم تسجل اساسا على موقعهم زى المنتدى بالضبط
انا اشتريت المسند زى بعض الزملاء هنا فى المنتدى ولسه ما استلمتوش انتما بعد ما قريت موضوع راحت عليك فلوسك يا صابر اتضايقت ونمت متنكد وقررت انى ارجع المسند قبل ما استلمه لأنى والله اعلم لقيت تناقض واحد بيشكر وواحد بيذم طيب اصدق مين واحنا فى ظروف البلد مليانة نصب وسرقة عينى عينك يا ريت يا جماعة اللى يشترى حاجة بامانة يقول رأيه ويعتبر كل اللى موجودين كلهم اخواته واصحابه وكلنا مصريين وبلاش حد يشتغلنا علشان نشترى حاجة الله اعلم مدى علاقتة بيها ايه انا مش بذم فى حد بعينه انما انا واحد أعتمد على الله وثقتى فى اعضاء المنتدى واخلاصهم فى النصيحة ومش بدى خوانه فى كلام اى عضو محترم بيقول رأيه انما انا واحد زى بقية الناس مش برمى فلوسى فى الأرض يعنى ربنا يستر وميكونش اضحك علينا فى موضوع المسند لأنى مش حقبل بالنصب والإحتيال وبكل جهدى حرجع المسند
مش حنسبق الأحداث معلش انا بتكلم مع اخوانى ارجو محدش ياخد الكلام على محمل سيئ
إنما انفعكم أنفع للناس
وكما قال سيد ولد ادم محمد بن عبد الله أشرف الخلق وسيدى وحبيبى
حب لأخيك ما تحب لنفسك
أستودعتكم الله الذى لا تضيع ودائعه
حفظكم الرحمن وغشتكم الملائكة
د\هشام