استفسار عن ثبات اكسنت 2013

**3bdelr7man23** · 02-03-2013 04:29 PM

شباب ، كنت عايز أعرف هل ثبات السيارة أكسنت 2013 كويس على السرعات عالية لأنى كثير السفر

**toty_305** · 02-03-2013 04:39 PM

-سفر يبقى لأ العربيات في الفئه دي كلها City driving مش بتاعه سفر كتير و جري

-عشان صدقني هيضرب الأمثال في العربيات كوري أو ياباني مصري و هتتصدم بعد الشراء .... جرب بنفسك و أحكم

-و في الآخر كل واحد و أسلوب قيادته لو هادي و عاقل و شوارع نظيفة هتحس الأكسنت حلوه
غير كده أنسى

-الريو و الاكسنت واحد في كل حاجه كموتور و عفشه بس أكسنت أقوي شويه و ممكن الريو أثبت شويه لو جنط 16 مثلا ( بغض النظر عن الكماليات )

**3bdelr7man23** · 02-03-2013 06:38 PM

طيب تنصحني بايه مع العلم انى اخري 125 الف جنيه ؟

**mhf_77** · 02-03-2013 08:45 PM

المشاركة الأصلية كتبت بواسطة 3bdelr7man23

طيب تنصحني بايه مع العلم انى اخري 125 الف جنيه ؟

لو مبتفكرش فى السوق واعادة البيع
اسأل على ستروين 2013 c4(الاليزيه)
نازله اخر الشهر - اعمل سيرش عليها وشوف دنيتها هتخطفك
المبغ ده يجبلك اعلى فئه فيها او الفئه قبل الاعلى

**3bdelr7man23** · 02-03-2013 09:10 PM

المشاركة الأصلية كتبت بواسطة mhf_77

لو مبتفكرش فى السوق واعادة البيع
اسأل على ستروين 2013 c4(الاليزيه)
نازله اخر الشهر - اعمل سيرش عليها وشوف دنيتها هتخطفك
المبغ ده يجبلك اعلى فئه فيها او الفئه قبل الاعلى

قصدك سي ايليزيه ، وفي بردك بيجو 301 ، بس انا حاسس انهم بالحجز ، انا بقالى شهرين حاجز عربية وشكلي مش هستلمها عشان كد بفكر في حاجة تبقى موجودة في السوق فوري ، او عندك معلومات عن العربيات دي ممكن تنزل امتى قولها :)

**eng.m7md.ali** · 02-03-2013 09:24 PM

ممكن كمان تفكر في النيو جراند بونتو .. لو عايز تقلل المبلغ ل 110 يبقى جين2 ودي احسن عربية في الفئة دي من ناحية الثبات

**toty_305** · 03-03-2013 01:02 AM

المشاركة الأصلية كتبت بواسطة 3bdelr7man23

طيب تنصحني بايه مع العلم انى اخري 125 الف جنيه ؟

-الأختيار صعب مع أن المبلغ كبير و الخيارات قليله في الجديد و المستعمل أنا مش بعترف ولا بأثق فيه

-المشكله 125 ألف قبل زياده الأسعار كانت تجيب RIO كماليات حلوه و جنوط 16 أو 17 دلوقتي الدنيا ضربت جامد و العربيات كلها زادت بالسعر ده هتبقى جنط 15 مثلا

-هي عربيات مش سيئه متوسطه بس أنا متخيل لو انت مسافر في الشتاء مثلا و الهواء قوي و راكب عربيه خفيفه مش هتعرف تجري فوق ال 120

-ال Accent الجنوط ال Sport بتاعتها من التوكيل 14 بردو زي العادي

-ال Proton حلوه المصريين ليهم ماركات كده بيتقفلوا منها من غير سبب بس توكيلها غير كفئ بالمرة

-الصني أحسن قيمه مقابل الفلوس بس أضعفهم موتور و ثبات .

-

**Formulator** · 03-03-2013 01:11 AM

لو قافلة معاك عـ الأكسنت RB..

هتجيبها أعلى فئة (أو اللى فيها ABS وإيرباجز)،
وجنط 15-"16 وتعرض الكاوتش...

وقدام تبقى تغيرعفشة (الـ 4 مساعدين) بحاجة سبورت!

- كذا واحد من أصحابى عملوا كده بعد ما إشتروا العربية وماعجبهمش الثبات بتاعها
طبعا إتحسنت كتير، -مش up to standard لكن أفضل من الأول!
لكن ستوك: العربية سيئة فـ الحتة دى
(وفيهم واحد غير ديسكات الفرامل قدام مع الجنوط والكاوتش)؟!!

Rgds،

**MohammedAladel** · 03-03-2013 12:02 PM

هو لانسر شارك أول فئة كانت ب 125 معرفش بعد زيادة الأسعار بقت بكام بس الفئة دى مفيهاش abs بس العربية جميلة بصراحة وعندك لانسر بومة برضه هى قديمة آه بس أنا شايفها أحسن من الصنى الجديدة برضه
أنا مش عاجبنى الصنى الجديدة لأن حاسس إن شكلها غبى جدا جدا وشايف إن التيدا هاتشباك أحسن منها بس معرفش سعرها وصل كام دلوقت

الجين 2 عربية جميلة ببرضه وعاجبنى اللون الفيرانى فيها جدا جدا

بس أنا مش مقتنع بالأسعار اللى شغالة اليومين دول بالمرة

يعنى أنا شايف إن الصنى الجديدة بكل أوبشنها آخرها 90 ألف
وجين 2 برضه 90 ألف أقصى حاجة
وعربيات تانية كتير الأسعار بقت بشعة وغير منطقية بالمرة وغير مساوية لقيمة السيارة

لو ليك فى المستعمل هيبقى قدامك خيارات كويسة وبفرق كويس فى السعر عن الزيرو