الموضوع: الحقيقه الغائبه في موضوع السمنه و طريقة علاجها

مساء الخير

حبيت اشارك بالموضوع بالموضوع ده بناء على تجارب شخصيه من صعود و نزول للوزن و تجربة كافة انواع الرجيم من كميائيي لسعرات و ممارسة انواع عديده من الرياضه

اولا لو سئلت اي واحد عن اسباب عن اسباب السمنه هيقول لك ببساطه اكل كتير و مجهود اقل يعني الداخل الى الجسم اكتر من الخارج
و فعلا ده تعريف الى حد ما صح
و يبتدي العذاب من ريجيم وجوع و لف على الدكاتره و افتكاسات لا تنتهي و فجاءه ينهار كل شيء بعد زمن بيختلف حسب ارادة كل شخص و ترجع اتخن من ما كنت

ويفضل السؤال الازلي انا بتخن ليه مع ان فلان او فلانه بيضرب ضعفين الكميه و عمره ما تخن؟
وهنا هجاوب على السؤال اللي مدوخ الكل

الجواب ببساطه ان صاحبك الرفيع عنده عملية التمثيل الغذائي بداخل جسمه بتتم بصوره اعلى منك
و مش عايز اخش في تفاصيل اكتر من كده عشان انا مش دكتور و نخش في غدد الى اخره
بس لو نبسطها اهم سبب للسمنه ان سيادتك ما بتهضمش كويس

طب وده سبب؟
ايوه ياسيدي تخيل انك اكلت وجبه وزنها كيلو مثلا و حصل عصر هضم فتهضم 80 في الميه و فضل 20 في الميه و ما خرجوش حتى مع الفضلات طب بالمخ كده هيروحوا فين؟

هيتخمروا و يتحولوا ل 200 جم دهون دخلوا جسمك زي الحلاوه واللي بعده و اللي بعده لحد ما الواحد يبقى عامل زي --- ولا بلاش ما الحال من بعضه

طب ازاي اخلي الاكل يتهضم بالكامل؟

لازم نفهم في الاول ان عملية التمثيل الغذائي بتكون في اشدها في الصباح و بتبدي تقل بالتدريج لحد ما توصل بالليل ل 40 % من كفائتها عشان كده حضرتك لو ضربت قبل النوم مباشرة شوية ورق عنب و كوارع تصحى الصبح تلقى 2 كيلو بالميت زياده في الوزن من اكله يتيمه

يبقى نستنتج ان لو الواحد غير عاداته بحيث ان يخلي كل اكله يتهضم الدنيا تتظبط و ما يحصلش زياده في الوزن

نيجي لاهم حاجه طب اعرف منين اني هضمت بالكامل؟
الاجابه ببساطه انك هتحس بالجوع في مده اقصاها تلات ساعات

طب ايه اسباب عسر الهضم عشان اتفاداها؟

الاكل الكتير (ملىء المعده)
العشا التقيل(عشان زي ما قلنا التمثيل الغذائي بيقل ليلا)
الجمع بين النشويات و البروتينات وده بيت القصيد عشان بيخلي المعده شغاله لساعات طويله و بيحصل عسر هضم

يبقى لو اتجنبنا التلات اسباب دول ببساطه هتخس طبيعي من غير تعب ولا حرمان من اي حاجه بس يبقى في اعتدال و من ناحيه تانيه تاكل على 6 وجبات فمفيش مجال للجوع

نييجي للتطبيق العملي

1-نص رغيف يوميا في الفطارتحديدا ومعاه جبنه ولانشون وبعديها بتلات ساعات تفاحه مقشره بين الفطار و الغدا
2-بدايه من الغدا نخلي النشويات و الخضار و السلطه وجبه و بعدها بتلات ساعات اللحمه او الفراخ او السمك و باقي السلطه وجبه اخرها للساعه 7 ونص
3-زبادي و فاكهه قبل النوم عشان ماتقومش بليل تنسف التلاجه

وابقى قابلني لو حسيت باي جوع عشان لو جعت بعد ساعتين ونص مثلا هيبقى فيه ميعاد وجبه بعد نص ساعه و هتلقى نفسك بتخس طبيعي كل الزيادات لحد ما تثبت طبيعي
واهم حاجه انك متحطش نهائي في دماغك انك عامل ريجيم الفكره انك فهمت الغلط فين و ماشي صح

و بالتوفيق للكل

المشاركة الأصلية كتبت بواسطة egyzizo

المشكلة فى العشا :(
وما بعده.
خصوصاً للى بيسهروا.

فعلا عشان التمثيل الغذائي بينخفض ل ٤٠ في الميه بعد الساعه ٧ مساء