سير الكاتينه

**hoka13** · 03-03-2013 10:57 PM

انا المفروض اغير سير الكاتينه لان السيارة عدت التلات سنين وكمان المفروض اعمل صيانة ال 50000. السؤال هل لازم اعملهم في التوكيل ولا ممكن اعملهم بره لان السيارة كده كده عدت سنين الضمان ولو بره حد يعرف ورشه محترمة تكون قريبة من المعادي او التجمع والتكلفة هتكون كام تقريبا؟

**Egyzizo** · 03-03-2013 11:53 PM

تغيير سير الكاتينة مش مرتبط بعمر العربية ، استنى الـ 60

**hoka13** · 04-03-2013 09:40 AM

المشاركة الأصلية كتبت بواسطة egyzizo

تغيير سير الكاتينة مش مرتبط بعمر العربية ، استنى الـ 60

بس هو في التوكيل مكتوب انه لازم يتغير بعد ٦٠ ألف أو ٣ سنين أيهما اقرب ! والعربية أصلا داخلة علي ٤ سنين دلوقتي

**mesaharaty** · 04-03-2013 10:02 AM

متابع

**ahmedeg1** · 04-03-2013 10:47 AM

لازم تغيرهم فورا و داخل التوكيل و ماتستخسرش فى الصيانه دى بالذات

**alking_2006** · 04-03-2013 11:01 AM

رأيى فى تغيير سير الكاتينه
ان الواحد يغيره بدرى تفاديا لأى مشاكل
لأن سير الكاتينه لما بيتقطع لا قدر الله دا بيبقى مفيهوش هزار و بيدخل فى حاجات اكتر و اغلى و بتاخد وقت اكبر على ما تتصلح و مش بترجع زى الاول كمان

غيره و توكل على الله
لكن مع الاسف مقدرش افيدك فى موضوع الورشة

**mahraan** · 04-03-2013 11:11 AM

يادي النيله يعني لازم سير الكاتينه يتغير بعد 3 سينين ؟؟ ده انا قلت اغيره علي 60 الف كيلو بس العربيه ليها 3 سينين ونص ومعني كلامكو اني انا كمان لازم اغيره ... طيب محدش يعرف تمنه كام ؟ انا كدا كدا هغيره بره التوكيل وربنا يستر

**gabrel** · 04-03-2013 11:20 AM

المشاركة الأصلية كتبت بواسطة alking_2006

رأيى فى تغيير سير الكاتينه
ان الواحد يغيره بدرى تفاديا لأى مشاكل
لأن سير الكاتينه لما بيتقطع لا قدر الله دا بيبقى مفيهوش هزار و بيدخل فى حاجات اكتر و اغلى و بتاخد وقت اكبر على ما تتصلح و مش بترجع زى الاول كمان

غيره و توكل على الله
لكن مع الاسف مقدرش افيدك فى موضوع الورشة

أنا متفق مع حضرتك في الكلام وأحب أضيف أنه لازم يتغير في التوكيل ، لأن في ناس هنا في المنتدى غيرته بره وحصلتلهم مشاكل كبيرة في الماتور وأضطره إنهم يرجعو تاني للتوكيل علشان يعملوها ، هي غالية شوية في التوكيل عاملة 1200 جم بالمصنعية والضرائب بس هاتريح دماغك من المشاكل إلي هاتعملها لو ركبت غلط بره

**mouraddesk** · 04-03-2013 11:59 AM

طارق و معتز اللى فى الهرم خلف فندق الاهرامات الثلاث اساتذه فى الميجان انا كنت بغير عندهم كل حاجه زى التوكيل و الكاتينة و الديفيزر و كل الصيانات مركز خدمه محترم و فاهم و مش بيفتى و عنده قطع الغيار و متخصص رينو بس و لو ناوى تروح قولى او روح و قول لهم من طرف الاستاذ ابراهيم و او عقيد طبيب محمود.