الموضوع: موقف بايخ من لوجى

موضوع التوكيل دا كارثة لوحده
و لكن موضوع ان العربية ما شاء الله 2011 و واير البنزين يتقطع دا كارثة تانيه المفروض يقعد اكتر من كدا بكتير

و الله حرام قطع الغيار التعبانة اللى بتبقى فى العربيات دلوقتى
حسبى الله و نعم الوكيل

المشاركة الأصلية كتبت بواسطة gebreel

اياك تقلهم انك غيرت الواير برة ... هيعملولك فيها اصحاب حق و انت كدة برة الضمان و فلم هندي

زي ما احمد باشا ما قلك الواير ملوش علاقة بالrpm اللي بيزيد عندك ده لكن البوابة هي السبب

و على ما اعتقد انك رحت مركز خدمة معتمد مش التوكيل لأن التوكيل لما حد بيشتكي من الrpm بينضفوا البوابة و مبيقربوش للواير

بالعكس انا كنت فى فرع سموحة اللى بروحه على طول

اللى بيروح هناك اكيد عارف المهندس شريف هوا اللى قاللى الكلام ده و قاللى لو حصل تانى هنغيرهولك.

أنا بلاحظ دايما ان هما بيحاولوا بأى طريقة يبعدوا عن موضوع البوابة ده دا حتى انا مرة طلبت منهم ينضفوها رفضوا و سألونى هيا العربية بتفصل منك قلتلهم لأ قالولى خلاص مفيش داعى ننضفها

بصراحة المهندس حسام مدير الفرع هوا اللى فيهم ... موضوع ثرموستات الكوعة قبل كده هوا اللى خلاهم يغيروه بعد لما اشتكيت من مشكلة شرط الحرارة... قالولى بعد ماعملوا الاراضى بتاعة الكهرباء ان كله تمام و مش هتحصل تانى ... بعد ما مشيت لقيت المشكلة حصلت تانى رحعتلهم لقيت واحد اسمه المهندس مينا بيقولى دا الهوا هوا السبب اللى نزل شرط الحرارة تانى ساعتها بصراحة قولته دا مش تفكير مهندسين على فكرة واتنرفزت عليه و تدخل المهندس حسام و خلاهم يغيروها

و بعدين عشان الواير اخرج من الضمان ...كان المطلوب منى افضل فى دمياط و اسيب شغلى و بيتى عشان هما السبب و بدل ما يغيروه قبل كده استخسروا و ضحكوا عليا و قالوا ان هما زيتوه