الموضوع: نصاب سرق 100 الف جنيه في اقل من 30 دقيقه

اولا متحاولش تعرف النصاب انك عرفته شخصيا لكن حاول توصله انك على بعد خطوة من الوصول ليه
وامشى فى الخطوات الجايا كخطوة اولى :
1- شكوي او بلاغ للجهاز المركزي لتنظيم الاتصالات
2- بلاغ فى مباحث الاتصالات
الغرض من الخطوة دي الوصول لصاحب محل الموبيلات هو أكيد عارف الحوار ده وبياخد نسبه لانه ممنوع يطلع شريحه جديده غير لما يتأكد من البطاقة نفسها (وده محصلش طبعا) وياخد صورة منها يقدمها للشركه

بتاع الموبيلات أكثر جبنا واقل احترافا من النصاب الاصلي فيعتبر الطرف الاضعف فيهم بالاضافة الى ان ليه محل وكيان قانوني وهو أكيد قدم صورة البطاقة بتعتك للشركه ( طبعا بأسم محل الموبيلات بتاعه ) ودي تعتبر قضية تزوير تفهمه انك هتدخله بيها السجن ومعاك ما يثبت

وفهمه انك هتوصل للنصاب التاني قريب "متعرفوش انك عرفته عشان ميقولش عليك قليل الحيله" وقوله انك هتظبته وبعدين تفضى للنصاب التاني تعمل معاه الصح الاول وبعدين تدخله السجن

اهم حاجه انك تسعى بسرعه بتقديم البلاغات للحصول على ورق رسمى او موثق باستخدام صورة البطاقة واستخدام الخط

ركز جدا انك توصل لهم نقطه مهمه :
ان حقك هتاخده منهم 3 مرات
1- مره انك بتحاول جديا وهترجع بنفسك الجروبات والبيدجات بتعتك وهتوصل لكل الى اتنصب عليهم وتعرفهم بيهم
2- ومرة انك تعمل معاهم الصح ( بالدراع يعني سواء بنفسكو او بحد بالفلوس )
3- ومره بالطريقه القانونيه ( ومعاك ما يثبت )

اعرف ديما ان النصاب جبان وديما لما ينكشف بيلعب على الى قدامه على نقطتين :
1- انه صايع ولبط وبلطجي ومحدش يعرف يعمل معاه حاجه ( ودي تفهمه انك اصيع وهتجبله بلطجية يعلمو عليه )
2- انه سليم ومفيش حاجه قانونيه عليه (ودي تفهمه انك جبت الورق الى يثبت انه استخدم صورة بطاقتك وخطك ونصب وزور)

وحاول بعد ما تجيب الورق انك تتفاوض ودي " لكن من مركز قوة " ومتتنازلش عن اى جزء من حقك وتطالبه بتعويض كمان وكفايه انك هتعتقه من غير ما تعلم عليه سواء كده او كده

اهم حاجه انك تسعى بسرعه وتقوي قلبك وانت بتتعامل معاهم

وان شاء الله ربنا معاكو وترجعو الى اتنصب عليكم فيه