حد يفيدنى فى المكنة دى قبل ما اشتريها الله يخليكو

**shaawa_dj** · 06-03-2013 09:39 PM

السلام عليكم
اولا انا اول مرة اركب يابانى واول مرة اكتب موضوع هنا ف المنتدى الجامد دا اللى كله اعضاء الله واكبر عليهم بيفهموا ف المكن ومبيتأخروش ف الخدمة
اولا انا كنت راكب باجاج وصينى وركبت مرة واحدة اليابانى بتاعت واحد صحبى وعجبتنى اوى
وقررت اشترى مكنة 250 أو 400
المهم فى مكنة قدامى cbr 400 rr زى دى بالظبط ونفس اللون ونفس الموديل

بس طبعا مش ف حالة دى خالص

بصوا هى حالتها راشة الفيبر وفيه خرابيش كتير
المكنة باين عليها وقعت كتير وسحفت جامد

الموتور : وش الكهربا مكسور منه حتة وهو لاحمه بلحام حديد .. وش الموتور اللى على شمال المكنة .. ف الصينى والبجاج اسمه وش الكهربا .. باين عليه كان بيرفع بالمكنة واتخبطت منه

وش الدبرياج فى حكة جامدة .. ومغيره ورق دبرياج

الموتور محلش وصوته ناعم .. ماشية حوالى 39000 كيلو

الكاربيراتير عاوز يتنضف
علبة الشكمان مخبطة برضة وعاوزة تتغير

الواد كان مشترى المكنة ب 19000 بس خدها بهدلها زى ما كتبت كدا

المكنة خلصت الاخر بتاعها 14000

السؤال هنا وياريت الاعضاء يفيدونى فيه
انا لو خدت المكنة هتعطل منى كتير و هتلففنى على ميكانيكية البلد وهتكفرنى ولا لو خدتها هتمشى ومش هتحتاج غير تغيير علبة الشكمان وتغيير الفيبر مثلا وشوية الشغل اللى فيها دول

انا بصراحة لاقيت المكن ال 250 العاده ب 11 و12 والفاير ب 14 و15
ولاقيت دى ب 14 و400 فاير وقولت اركب 400 فاير احسن من ال 250

ياريت الاعضاء يفيدونى الله يخليكو اخد المكنة دى واظبطها ولا اشترى مكنة 250 عاده حالتها حلوة احسن ومتكفرنيش فى اعطال

**momo44** · 07-03-2013 12:12 AM

لو المكنة مش حلة خدها طبعاااااااا

**sno7y** · 07-03-2013 12:16 AM

المكانيكى هو الى يقولك تخدها ولا لا اة حد يروح معاك يكون بيفهم عشان ممن يكون المتور حالل او حاجه تانيه بس لازم المكانيكى

**shaawa_dj** · 07-03-2013 01:04 AM

وديتها لميكانيكى وعنده معرض .. اسمه على نزيه ف شارع السودان لو حد يعرفه
قالى الموتور مش حالل بس حالته 50%

وكنت جاى بالمكنة على الدائرى انا وصاحبها وكانت بتسحب ومشى بيها حوالى على 130 كم/س ومسخنتش اوى ولا حاجة

بس انا كل اللى خايف منه اخد المكنه تعطل منى كتير

شكرا لمروركو ومتابعتكو

**magic_rock** · 07-03-2013 03:02 AM

نصيحة منى بلاش بايك دا ولو حتة ب 10 الاف دا على كلامك اتهرا منو ومكفرو وقعات اللى يخليك تدفع 14 فى حاجة من الاخر كدة كنية ذود عليهم واركب حاجة نظيفة بمرة عشان انت مش لاقى الفلوس عشان متكرهش اى حاجة اسمها بايك من اللف عند كل ميكانيكى شوية والاسعار اللى هتسمعها وتدفعها والبايك اللى انت حكيت علية دا بلاش منو خالص دا كدة كفران وليك حرية الاختيار

**magic_rock** · 07-03-2013 03:05 AM

المشاركة الأصلية كتبت بواسطة momo44

لو المكنة مش حلة خدها طبعاااااااا

اسف لمدخلتى بس عايز اقول لحضرتك حاجة مش اى مكنة محلتش يبقة حلوة واشتريها الكلام دا غير صحيح منا ممكن افرجك بايك محلش مسمار بس كفران بمعنة الكلمة وبرضو متاخدش بشكل عشان ممكن تشوف بايك بيلمع وزيرو بس مدمر وحالل ف متاخدش بشكل ولة بكلمة مش حالل منا بشوف الاف المكن مش حالل بس مدمر اى المشكلة تاخد بحالة المتور والبايك عموما وشكرا ليك

**shaawa_dj** · 07-03-2013 02:38 PM

المشاركة الأصلية كتبت بواسطة magic_rock

نصيحة منى بلاش بايك دا ولو حتة ب 10 الاف دا على كلامك اتهرا منو ومكفرو وقعات اللى يخليك تدفع 14 فى حاجة من الاخر كدة كنية ذود عليهم واركب حاجة نظيفة بمرة عشان انت مش لاقى الفلوس عشان متكرهش اى حاجة اسمها بايك من اللف عند كل ميكانيكى شوية والاسعار اللى هتسمعها وتدفعها والبايك اللى انت حكيت علية دا بلاش منو خالص دا كدة كفران وليك حرية الاختيار

الله ينور عليك يا فنان
انت كدا فهمت دماغى
انا عندى اركب 250 عاده حالته نضيفة وميعطلش منى ومركبش 919 كل شوية يعطل منى وحالتة وحشة

طب فى 250 فاير حالتة فبريكة والفيبر فبريكة بس فيه شوية خرابيش مش راشش .. بس ماشى 39000 كيلو .. وصوت الموتور عالى شوية عن الصوت العادى

ممكن يخلص 14 .. ايه رايك ؟؟

**momo44** · 07-03-2013 04:56 PM

المشاركة الأصلية كتبت بواسطة shaawa_dj

وديتها لميكانيكى وعنده معرض .. اسمه على نزيه ف شارع السودان لو حد يعرفه
قالى الموتور مش حالل بس حالته 50%

وكنت جاى بالمكنة على الدائرى انا وصاحبها وكانت بتسحب ومشى بيها حوالى على 130 كم/س ومسخنتش اوى ولا حاجة

بس انا كل اللى خايف منه اخد المكنه تعطل منى كتير

شكرا لمروركو ومتابعتكو

انا قصدى مش حالل وحالته حلوة
لكن لو مش حالل وحالته وحشة يبقى اكييييييييد هيحل يبقى هى هى
كده متخدوووش

**momo44** · 07-03-2013 04:57 PM

المشاركة الأصلية كتبت بواسطة shaawa_dj

الله ينور عليك يا فنان
انت كدا فهمت دماغى
انا عندى اركب 250 عاده حالته نضيفة وميعطلش منى ومركبش 919 كل شوية يعطل منى وحالتة وحشة

طب فى 250 فاير حالتة فبريكة والفيبر فبريكة بس فيه شوية خرابيش مش راشش .. بس ماشى 39000 كيلو .. وصوت الموتور عالى شوية عن الصوت العادى

ممكن يخلص 14 .. ايه رايك ؟؟

انا رأى الشخصى 400 عادة احسن من ال 250 فاير

**magic_rock** · 07-03-2013 07:03 PM

المشاركة الأصلية كتبت بواسطة shaawa_dj

الله ينور عليك يا فنان
انت كدا فهمت دماغى
انا عندى اركب 250 عاده حالته نضيفة وميعطلش منى ومركبش 919 كل شوية يعطل منى وحالتة وحشة

طب فى 250 فاير حالتة فبريكة والفيبر فبريكة بس فيه شوية خرابيش مش راشش .. بس ماشى 39000 كيلو .. وصوت الموتور عالى شوية عن الصوت العادى

ممكن يخلص 14 .. ايه رايك ؟؟

بص يا كبير ادام ماتور فبريكة وفيبر فبريكة مش مهم خرابيش بس تاخد معاك ميكانيكى برضو يشوف راشش قبل كدة ولة لا وحالت الماتور اى عشان زى مقولتلك متاخدش بشكل ..ميكانيكى هيحكم وبنسبة لموضوع ماشى 39000بص هفولك حاجة صغيرة ف ناس معاها بايك موديل 89 ويقولك ماشى 15 الف كيلو طب ازاى وناس معاها بايك موديل 2001 ويبقة ماشى 20 الف ف عداد سهل جدا يتلعب فية بس نصيحة من اخ اصبر بلاش استعجال عشان اما تستعجل هتلاقى حالات كتير بعد كدة تقول يا رتنى كنت استنيت اصبر بمرة وذود حبة عشان تجيب حتى 400 عادة بحالة الزيرو هتمشى بيها سنين من غير متفكر تروح لميكانيكى غير الصيانة الدورية بس وحاول تركب بايك موديل من موديلات 95 كدة بلاش89 و88 وحاجات دى عشان قديمة جدا اسف للاطالة بس يا ريت ابقة قدرت افيدك تحياتى ليك وتلاقى اللى نفسك فية .....مصطفى