الموضوع: استفسار عن مية الرديتر

بس انا ماشي بالعربيه والتكييف كويس والميه مبتنقصش

بس رحت كشفت ع الرديتر قال فيه خرم عايزلو لحام

رحت التوكيل قال احنا مبنلحمش احنا بنغير الرديتر كلو ب 3500

حد جرب يلحم خرم ف الرديتر قبل كدا ؟

بس صعبه انك تشيل بتاع العربيه الاصلي وتحط صيني

انا متردد اجيب ابو 3500 ولا اصلح اللي موجود مع العلم ان الخرم بسيط مش حاجه كبيره لو حاجه كبيره كانت العربيه نقصت ميه كتير

بقالها شهرين واقفه منقصتش غير سنتي تحت خط ال full

ومشيت بيها بقالي شهر منقصش منها حاجه

روح لحد بتاع ريداتير تاني و شوف هيقول ايه

بقول لحضرتك اية معلش انتة فكرتني بموقف مستفز اوي من واحد بتاع رداتيرات عمله معايا كان معايا عربية شاهين وكانت بتسخن اوي اوي وكانت الماية مزبوطة ومش بتنقص وكل حاجة مزبوطة بس السخونة المهم انا زي حضرتك كدة مش فاهم اوي وقام قايلي فك الرداتير ونسيخة حاجة كدة يعني يسلك الفتحات بتاعة الرداتير واقسم بلله انة فكة وتقريبا معملش فية اي حاجة غير انه فك لحام الوش الي فوق والي تحت يعني من الاخر بوظة والمشكله في الاخر طلعت تاكيهات لا وكمان اية بوظلي الرداتير مكنش بينقط نقطة ماية حتي وكانت العربية موديل 1993 فكة لاول مرة وخربة كل دا لية عشان قله خبرة مني والرساله الي انا عاوز اقولهالك بتوع الرداتيرات والشكمانات والناس الي زي دي مع كامل احترامي ليها فوق دماغي بس مع الاسف كتير منهم بيكون عاوز يعمل شغل علي حضرتك ونفرض نفرض لو فية فعلا خرم وقالك علية حاول تشوف بنفسك الاول الخرم دا مكانة فين وهل فية تسريب ولا لاء وانتة تلاحظ بعينك وتشوف وتلاحظ الماية هل بتنقص هل علي نفس مستواها يعني تحاول تشوف منسوب الماية الاول يمكن يكون التسريب من الغطا مثلا بتاع الردتير بتاع حضرتك الغطا باظ او جلدتة باظت او تكون حضرتك كنت مالي الرداتير اوي علي الاخر يعني احتمالات كتيرة اوي ولو لقيت العيب من الرداتير وفعلا فية خرم انصحك اعمله وانشاء الله يتزبط ولو اني حاسس ان مشكلتك خفيفة وحرام تشتري رداتير جديد ب 3500جنية عشان خرم بسيط ممكن تعمله دا لو كان الصنايعي بيتكلم بما يرضي الله عموما شوف الاول العيب وحاول مثلا اما ترجع من شغلك وتقف تحت البيت تحط كرتونة تحت العربية وتشوف بعد ساعة فية تنقيط تنسيم علي الكرتونة اي حاجة او تمشي ايدك علي الرداتير من فوق وتحت حتي اما العربية تبرد وتلاحظ لاكن اوعا تتسرع وتمشي ورا كلام الصنايعية لاني ياما اتلدغت منهم كتير ومن حركاتهم وبلنسبة للماية الخضرة اشتري من بنزينه موبيل جركن موبيل مياة خضرا هوة كويس واهم حاجة من البنزينه وانشاء الله خير واسف للاطاله.....

والله العربيه مفيهاش حاجه

بس شويه النقط اللي نقطو بعد الكوتش ماعدا من تحت العربيه قلبلي دماغي

انا نويت اغير الرديتر مع انو مفهوش حاجه

هغيرو ف التوكيل

هل هيدوني القديم اللي هيفكوه عشان ابيعو ؟؟؟؟ ولا هياخدوه ؟؟؟

وهل الجديد اللي هيركبوه اصلي ولا صيني ؟؟؟


بس مفهمتش من حضرتك ايه زيت الفتيس

اصلي مبفهمش ف العربيات اوي

مال زيت الفتيس بالرديتر

طيب لما التوكيل هيركبو هيقيس زيت الفتيس ويظبط كل حاجه ولا مش هيقرب من زيت الفتيس ولا ايه ؟؟؟؟؟