سااااااااااااااعدوووووووو ني

**ali ahmed** · 08-03-2013 03:05 AM

انا معايا لانسر شارك 2012

حصل موقف من كام شهر وانا ماشي ع الصحراوي لقيت كوتش عربيه نقل كبير دخل من تحت العربيه رحت ركنت وبصيت لقيت ميه بتنقط

المهم الميه دي بطلت تنقط خالص بس فيه سنتي نقص تحت خط ال FULL

رحت اكشف ف التوكيل قالي الرديتر عايز يتغير

رحت اكشف بره قالي الرديتر عايز يتصلح ويتلحم

انا قريت مواضيع كتير عن لحم الردايتر والناس بيقولو غيرو احسن

وانا بصراحه مش بحب امشي والعربيه فيها حاجه بايظه او بايظه وملحومه

بحس ان العربيه ممكن تبوظ ف اي لحظه

المهم قررت اغير الراديتر مع انو مبينقطش ولكن للاحتياط

محدش يعرف سعر راديتر الانسر شارك 2012 بكااااااااااااااام

عشان ف التوكيل اللي ف الازاريطه ف الاسكندريه قالي ب 3500 وقالي عايزين نغير السربنتينه بالمره ودي ب 3000

مع اني معرفش ايه هيا السربنتينه بس سمعت انها اللي بتبرد الهوا والمكيف شغال كويس والحمد لله

المهم انا عايز اغير الراديتر عشان امشي وانا مطمن

محدش يعرف سعرها الحقيقي بكام ؟؟؟؟ او حد اشتراها بالسعر دا ؟؟؟

مع العلم اني من القاهره ومش بقدر انزل الاسكندريه

**طاهر** · 08-03-2013 08:41 AM

بالتوفيق التغيير افضل

**MITSUKERO** · 08-03-2013 09:45 AM

لو الخرم كبير غيرة علشان الصيف و السربنتينة اعدلها عند سمكري بقرمتين خشب متغيرهاش

**svneleven** · 08-03-2013 10:34 AM

احتمال يقصد بالسربنتينه الكوندينسر بتاع التكييف اللي هو ببساطة حاجة زي الرادياتير بالظبط لكن بيمشي فيها الفريون اللي خارج من الكمبريسور بتاع التكييف عشان يتبرد قبل ما يدخللك كابينة السيارة.