المفيد والاكيد فى جنوط البومة علشان دماغكو اكيد وجعتكو منى

**salah_86** · 09-03-2013 01:03 AM

بسم الله الرحمن الرحيم
السلام عليكم يا احلى ناس ياللى زهقتكم معايا وقرفتكم كتير
نويت ان شاء الله على جنوط للبومة وان شاء الله اصلى علشان مدوخش على جنط لو لا قدر الله فى حاجة فيهم باظت
المهم انا عاوز عنوان حد يكون نضيف وامين ومأمون ومتجرب وحد اشترى منه علشان لما اشترى الجنوط ميضحكش عليا فى السعر وعلشان ميدنيش حاجة بايظة لانى هشتريهم وارجع المنوفية اركبهم وطبعا لو طلعت حاجة منهم بايظة هبقى اخر عكننة وممكن الراجل ميرضاش يرجعة وادخل فى حوارات انا فى غنى عنها
ثانيا اخر كلام هو جنط عش النملة هو اللى يركب عندى علما بان السيارة بومة 1300 موديل 2009 اكيد يا جدعان اصل شكلة معتقدش انه هيبقى حلو قوى على العربية لونها فيرانى ولا ايه
والجنوط دى هتحتاج رينجات ولا هشيل الحديد واركب الاسبور عادى
ابيع ال حديد ولا اخلية ايه رائيكم ولو بعته هيجيب كام

وبالمرة حد يقولى سعر ونوع المساعد الخلفى شمال لان فى حد هنا قالى ان ممكن يكون عندى المساعد بايظ بسمع صوت خروشة بسيطة بس بتضايقنى من ورا شمال فى المطبات الصغيرة والصوت مكتوم
وانا مذهول ازاى وانا بحسس على العربية
وطقم الكاتينة سالت علية فى دايموند ب 925 وعند مجدى موتورز ب 315 علما بان سعر السير عند مجدى ودايموند واحد وهو 250

**Eng.Peter** · 09-03-2013 02:04 AM

رأيى بلاش جنوط مستعمل
شوف حد شارى لانسر سبورت جديدة و عاوز يغير شكل الجنوط و إشترى منه
متضمنش جنوط متعدله او بتاعت عربية عاملة حادثة و متقطعه
ده جنط يعنى ده اللى العربية ماشيه عليه على الارض يعنى هو و الفرامل و الكاوتش من اهم عوامل الامان

**MohammedAladel** · 09-03-2013 02:13 AM

الجنوط الاستيراد كويسة يا جماعة بس أنا أول مرة أسمع عن ان ال جنوط بيتلعب فيها يتلعب فيها ازاى يعنى ؟؟

الجنط الكويس بيبان عليه من برا والتعبان بيبان عليه برضه

**salah_86** · 09-03-2013 04:09 AM

مهو دا اللى مخوفنى انى البس فى جنوط سيئة تبرجلى العربية وبدل ما اكحلها ابقى عميتها ومعرفش جنوط 2013 تركب عندى ولا لا

**salah_86** · 09-03-2013 04:10 AM

خطرلى حاجة دلوقتى طيب انا كنت سمعت ان جنوط البروتون بتركب على البوما ال 15 اللى هيا 1600
مفيش عربية كددا برضه جنوطها 14 تركب على ال 1300

**walidadel81** · 09-03-2013 04:18 AM

ممكن جنط الاسبرانزا اللي هي هاتش باك انا كنت مركبه في النوبيرا وكان ممتاز جدااا هتلاقي صورته بالعربيه النوبيرا اللي بالصوره اعتقد انه يركب عالانسر ال1300 عادي جدااا وشكله حلو جدا

**MITSUKERO** · 09-03-2013 08:37 AM

الجنوط هتركب منغير رينجات
طقم الكاتينة في داياموند شامل سير كاتينة و سير دينامو و سير تكييف و شداد كاتينة و اويل سيل كامة و اويل سيل كرنك
مجدي موتورز هتلاقيه سير كاتينة و شداد مضروب فقط

المساعد اسال خالد هيجيبهولك او هيقولك سعرة

الجنوط الاصلية لا يعلي عليها ابعد عن اي جنوط تانية

و انت في الحرفيين اسال في كذا محل و لو كنت قولتلي بدري شوية انا كنت هناك يوم الجمعة بس يلا بقي النصيب

**salah_86** · 10-03-2013 03:09 AM

انا عديت على الحرفيين انهاردة وانا راجع من الشغل
اولا الجنط ال 15 الجديد اللى ابعادة 100*4 مش موجود نوهائى
ثانيا الجنط عش النملة مش موجود برضة بس الناس بيقولو جاى يوم الآثنين بس بكام بقى يا حلاوة
أرخص واحد سألته قالى ب 3000 الاف جنية
واللى يقولى الجنط الواحد ب ألف جنية إيه ياجدعان هو جنط دهب
الاسبويلر بالف جنية
الميزان سالت علية واحد بس وقفلنى فمكملتش سؤال ب 700 جنية
انا قررت انى هخلى العربية كلاسيك زى ما هيا بعد الأسعار الهلامية دى واغير طقم الكاتينة واكشف على العفشة فى التوكيل وخلاص وبخصوص موضوع الميزان الخلفى دا انا سالت الاسطى خالد بتاع ورشة المتخصصون قالى عربيتك مجهزة بكل وسائل الامان ومش محتاجة لو هتركبه هيبقى زيادة امان مش اكتر يعنى مش ضرورى