الموضوع: ميعاد الصيانة قرب ومش عارف اعمل ايه ساعدوني

السلام عليكم
انا جبت لوجان 2013 من حوالي 4 شهور ودي اول عربية ليا
وانا متعلم السواقة مبقاليش سنة وده مخليني مش عارف احكم علي العربية
المشكلة اني عملت دلوقتي حوالي 4600 كيلو
مش عارف لما اروح الصيانة اعمل ايه وخصوصا اني مش عارف ايه اللي ممكن يكون
طبيعي وايه اللي المفروض اقول عليه لو لاحظنه
يعني مثلا انا ملاحظ ان ساعات الغيار الاول بيعلق معايا بس ساعات بشك في نفسي
واقول انا اللي جبته غلط مع اني معنديش مشكلة مع اي غيار تاني
ولما بعدي مثلا ال120 بيبقي فيه هزة او زنة كدا في الدواسات
ياريت لو حد عنده اي ملاحظات يقولي
انا من اسكندرية
اعمل الصيانة فين خصوصا انا ساكن في الورديان وشغلي في طريق الوصلة عند توكيل فولكس فاجن يعني قريب من العامرية
وهل في تكاليف للصيانة او حاجة هتتغير وهل في حجز قبلها ولا اخد بعضي واروح
وهما مواعيدهم ايه

الرعشة علي السرعات العاليه دي محتاج تقولهم عليها علشان يعملوا لحضرتك ترصيص للعجل. موضوع ان نقله ما بتجيش بسهوله برضه لازم تقولهم عليها علشان يكشفوا علي الموضوع و يشوفوا ده طبيعي و لا الدبرياج محتاج يعتلي شويه و عامه حضرتك حاول قبل لما تتحرك بالسياره تسخنها كويس لحد ما تلاقي شرطتين من مقياس الحراره نوروا. بالنسبه للصيانه اتكلم أحجز ميعاد و انصحك قبل ما تروح ان حضرتك تكتب ورقه فيها ملاحظاتك كلها علشان ما تنساش حاجه و تقراها للمهندس علشان يكتب الملاحظات في كشف الاستلام و بعد كده سيب الورقة علي التابلوه علشان اللي هيشتغل فيها يبقي يشوفها و لما تستلم العربيه ابقي اتأكد ان النقاط دي اتحلت و بصفه عامه لا تقلق حضرتك معاك ضمان ثلاث سنوات و كده كده هتروحلهم تاني في صيانه ال ١٠ الاف لو كنت نسيت تقولهم حاجه و ممكن لو لا قدر الله تروحلهم مخصوص لو في مشكله طارئه ظهرت يعني ما تشغلش بالك