استفسار من اهل الخبرة

**montela** · 10-03-2013 10:43 PM

السلام عليكم الموضوع باختصار ان معايا في حدود 25 الف وعاوز اجيب ريس
سالت وشوفت لقيت هوندا سي بي ار 250 موديل 2012 ماشية 5000 كيلو وطالب فيها 27 الف
وفي ياماها fzr 1000cc موديل 94 مطلوب فيها 21 الف وفي هوندا سي بي ار 400 موديل 89 طالب فيها 22 الف
اية رايكم اجيب انة
واية عيوب ومميزات كل واحد مع العلم ان دة اول ريس هاركبة

**AnaMshAna** · 11-03-2013 03:00 AM

من غير ذكر مميزات وحقولك سرعه و4 سلندر ومش عارف ايه وصوت جامد واداء عالي

حقولك حاجه واحده بس

انا يوم ما بجيب عربيه بجبها زيرو استخدمها 4 سنين وبعدين ابعها

في الاربع سنين دول كل الي بعمله تغير زيت وفلاتر وبطاريه كل سنتين وبحط بنزين

وسيور وحجات خفيفه

في ال 4 سنين مبتفتحش بوقها

لو جبت ال 250 ال 2012 مش حتفتح بقها الا فين وسعتها ابقى ابتدي اتخلصص منها

خد بالك الموتوسيكلات القديمه بتحتاج صيانه كل فتره وتانيه وعيوب تظهر كل شويه

توكل على الله وهات 2012 ال 250 افضل بكتير ولو اني شايف ان 27 الف هاتلك بيهم اي عربه وخلاص d:

**magic_rock** · 11-03-2013 05:03 AM

ولة واحدة من 3مكنات من راى شخصى اولا 250 موديل 2012 لا شكل ولة اداء ولة سرعة وخسارة فية الفلوس ياماها وسوزكى بلاش عشان قطع غيارهم مش موجودة ف مصر وان وجدت قليلة جدا واسعار ف السما انما الهوندا متوافر وغير كدة انسا موضوع 1000 ccدا خالص انت تفكر فى 250 او 400 غير كدة لا عشان انت ف الاول مش قد 1000 مهما كان نوعو وكبداية يبقة بتنتحر ف انسا قصتو دلوقتى اما 400 موديل 89 وب 22 الف كتير طبعا ومتستاهلش مبلغ دا نصيحة من اخ بقة انت تركب حاجة cbr400 rr مش عادة فاير عشان متزهقش منها بسرعة وكبداية ليك حلوة جدا وشكل واداء وسرعة والفلوس اللى معاك تركبك حاجة موديل من موديلات 95 مش اقل من كدة وافراج جمركى انت اول واحد تركبها بس شوف حد بيفهم وانزل اتفرج ف معارض هتلاقى حالات كتير حلوة وابقة اما تنوى خد ميكانيكى انما حاجة استعمال فى مصر يبقة بترمى فلوسك وانسا ال3 مكنات اللى انت قولتلهم خالص ويا رب ابقة قدرت افيدك وتلاقى اللى نفسك فية تحياتى ليك ....مصطفى

**SpeeRace** · 11-03-2013 03:28 PM

بص يا درش .. انا من كام يوم شوفت اعلان فى النت عن بايك honda 600 f4i الموتوسيكل ده مالوش حل بصراحه .. ومش هتزهق منه خالص .. بس عشان تجيب واحد زى اللى قولتلك عليه بسعر حلو يبقى بص عالنت كويس هيصادفك اعلانات زى ما صادفنى وحتى لو اعلان قديم والموتوسيكل اتباع اتصل بالرقم اللى منزل الاعلان واسأله عن الموتوسيكل مميزاته وعيوبه .. ولما تلاقى حاجه كويسه خد ميكانيكى بس الأول اقرا فى موضوع هنا بيشرح لما تييجى تشترى بايك جديد .. وربنا يستر طريقك وطريقنا :)
متنساش تدعيلى وتدينى لفه :P :P :P

**magic_rock** · 11-03-2013 04:06 PM

ايوة شفتو يا باشا والاعلان دا قديم وموجود على كذا موقع honda 600 f4i لونو احمر كمان بس بصراحا هو كبداية مينفعش نقولو هات 600 الراجل طالب نصيحة لو قولنالو 600 او 919 او 954 او 1000 يبقو احنا كدة بنموتو انما كبداية يبدا بحاجة 250 او 400 حلوة اوى ومع الوقت اما يتمكن من سواقة والطرق يبقة يحدث براحتو بقة وموديلات يبقة حديث وحاجة افراج طبعا زى مقولتلو ويارب يلاقى اللى نفسو فية .....مصطفى

**joacky** · 11-03-2013 06:32 PM

المشاركة الأصلية كتبت بواسطة magic_rock

ايوة شفتو يا باشا والاعلان دا قديم وموجود على كذا موقع honda 600 f4i لونو احمر كمان بس بصراحا هو كبداية مينفعش نقولو هات 600 الراجل طالب نصيحة لو قولنالو 600 او 919 او 954 او 1000 يبقو احنا كدة بنموتو انما كبداية يبدا بحاجة 250 او 400 حلوة اوى ومع الوقت اما يتمكن من سواقة والطرق يبقة يحدث براحتو بقة وموديلات يبقة حديث وحاجة افراج طبعا زى مقولتلو ويارب يلاقى اللى نفسو فية .....مصطفى

بالعكس يا مصطفى باشا
ال600 لو متوفرة تبقا ممتازة وى مش إنتحار ولا حاجة
وى حتا ال1000 ولا إنتحار ولا حاجة الأنتحار فعلاً إنك تجيب مكنة 250 ولا 400 تقرف اللى جابوك
وى تخليك تلف حول نفسك وى تلف حول الأرض

المسألة عمرها ما بالسى سى المسألة هل أنت عاقل تعرف تحتويها وى تتصرف معاها
لكن عمرك ماتخاف من المكن لا بس تحترمه وى فى نفس الوقت تجيب مكنة تصونك مش 250 ولا 400 تهينك

**montela** · 11-03-2013 06:51 PM

تمام يارجالة
بس عاوز اقول كام نقطة
اولا انا مهندس ميكانيكا وشغال في توكيل عربيات فموضوع قرف المكنة وشغلها والصنياعية ان شاء الله مقدور علية مش معني كدة ان مشكلة الصنايعية هتتحل معايا بس علي الاقل هعرف اتعامل
ثانيا بالنسبة للمكنة الياماها هي ماشية 29 الف كيلو ومحلتش المكنة
فهل الاسار اللي معروضة دي كويسة ولا لا يعني ال 250 ال 2012 لما يعمل 27000 دة غالي ولا لا
والياماها ال 1000 ال 1994 لما يعمل 21 الف دة غالي ولا لا
والف الف شكر علي مساعدتكم

**joacky** · 11-03-2013 07:16 PM

بص مبدئياً الاسعار اللى حضرتك بتتكلم فيها مش كتيرة خالص وى الياماها ممتازة بس أنتا عارف قطع الغيار مقرفة بس دييت بردك أتحلت بتبعت تجيب من برة وى الحياة زبادى فى الخلاط بس بردك خليك الهوندا 600 حلوة سواء f3 أو F4
بس الاهم الحالة

**montela** · 11-03-2013 07:29 PM

تمام يابرنس بس الاقي فين الهوندا f3 او 4 ولو لقيتها هلاقيها في نفس رينج ال 25000 وهتكون حالتها حلوة ولا لا

**magic_rock** · 12-03-2013 12:13 AM

المشاركة الأصلية كتبت بواسطة joacky

بالعكس يا مصطفى باشا
ال600 لو متوفرة تبقا ممتازة وى مش إنتحار ولا حاجة
وى حتا ال1000 ولا إنتحار ولا حاجة الأنتحار فعلاً إنك تجيب مكنة 250 ولا 400 تقرف اللى جابوك
وى تخليك تلف حول نفسك وى تلف حول الأرض

المسألة عمرها ما بالسى سى المسألة هل أنت عاقل تعرف تحتويها وى تتصرف معاها
لكن عمرك ماتخاف من المكن لا بس تحترمه وى فى نفس الوقت تجيب مكنة تصونك مش 250 ولا 400 تهينك :_alshmokh22[1]:

معاك يا استاذى الفاضل انى 250 و 400 وجع راس بس انت
بتقول ال600 لو متوفرة تبقا ممتازة وى مش إنتحار ولا حاجة
وى حتا ال1000 ولا إنتحار ولا حاجة المسألة عمرها ما بالسى سى المسألة هل أنت عاقل تعرف تحتويها وى تتصرف معاها بعد احترامى لمعاليك هعلق ع حاجة صغيرة بس يعنى انا اجيب واحد بيقولى انو اول بايك يركبو واقولو خد بس لفة ب بايك 1000 طب يا كبير جربها انت كدة هات واحد اول مرة يركب بايك ويكون هادى وعاقل جدا وركبو 1000 او 600 حتى وشوف اى هيحصل ودا عن تجربة وشفتها بنفسى اى حركة ذيادة ف مقبض بنزين هتودى ورا الشمس بلعربى الغلطة بفورة وجرب وشوف عملى مش نظرى ثانيا فى مكن كتير 400 بحالة فوق الزيرو وانا تابعت موضوعك انك بتقول ل الاسعار والمكن كفران انا معاك ف كل حرف بس زى ما فى مكن كفران ف مكن زيرو انا هفرجك بايك 1000 مود 2008 تشوفو تقول موديل 80 وافرجك بايك 400 موديل 95 تقول موديل 2012 اهم حاجة المحافظة يا باشا واللى بيشترى بيقدر يميز برضو وانا مش بهاجم معلوماتك بالعكس بس دا حقيقى عن تجربة شخصية تحياتى ليك يا كبير .....مصطفى