للفيرناوي بس تعمل اية مع عربية من غير مراية .. حاجه صعبة ( موضوع للنقاش )

**verna2008auto** · 11-03-2013 11:21 AM

السلام عليكم ورحمة الله وبركاته

موضوع وواجهته كتير فا حبيت اعرضة عليكم وخصوصا الفيرناوية .. طبع انتو عارفين( فراملها اضعف من موتورها)

قصة تعبتني جدا .. با اكون ماشي في امان الله ومرة واحده وبلا مقابل المح عربية جنبي يمين او شمال وبيكسر بطريقة وحشة جدا ... ولما ربنا بيسلم واعرف افادية اكتشف انه ((( من غير مرايا ))) يا بيكون قافلها او مش موجوده او مكسورة (( ومدلدلة ))

والغريبة مش عارف هوا بيبقي اعتماده علي المراية اللي في النص وبرضة مش بيبص عليها .

انا اتعقدت وبقيت ابص علي مرايات العربيات (( قبل ما امر من جنبها ))
وكتير الاقي ناس برده ماشية بدون المرايتين (( اليمين والشمال ))
هل للدرجة دي المرايا مش مهمه ...؟؟؟
حد عنده حل ؟؟؟

انا عن نفسي المرايا مهمة عندي جدا ...
ربنا يستر طريقنا ...
تحياتي للفيرناوية

**khalid_adel** · 11-03-2013 12:38 PM

الانئح الاقي بنت ماشيه قدامي وبتلعب في الموبايل وبتتكلم فيه وقافله المرايتين عن قصد
طب دي يتعمل فيها ايه دي قبل ما تعمل هي فينا بلاويها دي

**Mohamed.Fawzy** · 11-03-2013 12:42 PM

للأسف الشديد معظم المصريين بيعتبروا المرايات الجانبيه دى حاجه زياده فى العربيه و ملهاش لزمه و خصوصا السيدات و كبار السن .... بلاحظ ان كتير منهم مبيبوصش فى المرايات خالص او قافلها

**dolly13** · 11-03-2013 12:44 PM

انا المرايات عندى مهمة جدا مع انى فضلت سنتين بالماروتى ايام زمان من غير مراية يمين وكان اجبارى ماكنتش لاقية مرايتها
كانت فترة صعبة جدا لكن اتعودت اعوج مرايا الصالون ناحية اليمين شوية كحل مؤقت وفضل الحل المؤقت لحد مابعتها :)

**Samir Elshahawy** · 11-03-2013 12:52 PM

ياريت علي قد المرايات و بس

المهم أنه يبص فيها أو يعرف يظبطها ازاي

أنا واحد صاحبي بيمشي ظابط المرايتين يمين و شمال بحيث أنه يشوف أخر حاجة في عربيته و موطيها لتحت بحيث يشوف العجل الخلفي

طبعا كده مافيش و لا عربية وراه باينة عنده
و لما سألته ليه كده رد بمنتهي البرود , ماهيا المفروض كده علشان أشوف جنب العربية عندي !!
ده ترد عليه و تقول له أيه ؟

**verna2008auto** · 11-03-2013 01:12 PM

المشاركة الأصلية كتبت بواسطة khalid_adel

الانئح الاقي بنت ماشيه قدامي وبتلعب في الموبايل وبتتكلم فيه وقافله المرايتين عن قصد
طب دي يتعمل فيها ايه دي قبل ما تعمل هي فينا بلاويها دي

مع احتراماتي للبنات والستات ..

يا زميلي العزيز انا كنت في إشارة والست صاحبة العربية اللي قدامي شايفاني في المرايا ورجعت بالعربية لغاية ما خبطت فيا ... وبعد ما حست انها خبطتني .. (( خرجت تزعق ))

اعمل اية ......

**verna2008auto** · 11-03-2013 01:14 PM

المشاركة الأصلية كتبت بواسطة El Prince

المرايات عامةً مهمة جداً و خصوصاً الأجناب عند التخطى أو تغيير الحارة مع الالتزام بالاشارات
تحياتى

اي نعم يا مومبيك ..
بس ماحدش عارف قيمتها

**verna2008auto** · 11-03-2013 01:16 PM

المشاركة الأصلية كتبت بواسطة Mohamed.Fawzy

للأسف الشديد معظم المصريين بيعتبروا المرايات الجانبيه دى حاجه زياده فى العربيه و ملهاش لزمه و خصوصا السيدات و كبار السن .... بلاحظ ان كتير منهم مبيبوصش فى المرايات خالص او قافلها

الناس الكبيرة نقول ماشي نستحمل
طيب البنات او الستات الشباب ... نعمل اية

**verna2008auto** · 11-03-2013 01:17 PM

المشاركة الأصلية كتبت بواسطة dolly13

انا المرايات عندى مهمة جدا مع انى فضلت سنتين بالماروتى ايام زمان من غير مراية يمين وكان اجبارى ماكنتش لاقية مرايتها
كانت فترة صعبة جدا لكن اتعودت اعوج مرايا الصالون ناحية اليمين شوية كحل مؤقت وفضل الحل المؤقت لحد مابعتها :)

دعيني احييكي ...

-

الموضوع: للفيرناوي بس تعمل اية مع عربية من غير مراية .. حاجه صعبة ( موضوع للنقاش )

LinkBack

أدوات الموضوع

عرض

للفيرناوي بس تعمل اية مع عربية من غير مراية .. حاجه صعبة ( موضوع للنقاش ) - انشر الموضوع فى :

-

-

-

-

-

-

-

-

المواضيع المتشابهه

لو اتزنقت وعاوز تخبي فلوس فعربيتك تعمل ايه (للنقاش)

موضوع للنقاش

موضوع للنقاش

رش vs رم ؟؟؟؟ موضوع للنقاش

موضوع مهم للنقاش جدا

الكلمات الدلالية لهذا الموضوع

المفضلات

المفضلات

ضوابط المشاركة