صوت في باب اللوجان

**mastermind** · 11-03-2013 08:32 PM

سلام عليمك ورحمة الله وبركاته

انا معايا لوجان 2013 مانيوال من شهر 11 وبقالي فترة بسمع صوت رجرجة في الطريق المكسر حتى وانا باخدها بالراحة

رحت لميكانيكي قالي العفشة زي الفل
رحت محطة شل ربطتها عشان اطمن ربطها بس قالي هي كويسة

شئ خلاني في مرة افتح ازاز الباب اليمين اللي قدام وانا ماشي في الطريقة المدغدغ لقيت الصوت بيقل
فتحته خالص لقيت الصوت راح

تفتكروا ايه السبب يا شباب واعمل فيه ايه

**Land_Cruiser** · 11-03-2013 08:47 PM

انا بصراحه لى عتاب على حضرتك : العربيه زيرو و فى الضمان ايه اللى يخليك تروح بيها لميكانيكى او عفشجى و تدفع فلوس ده غير الفتى اللى ممكن يعملوه بدون داعى. يا فندم اطلع على التوكيل و ايا كانت المشكله هم ملزمين بحلها و اعتقد ان المشكله هتبقى فى العزل و لما بتفتح الشباك منطقى ان الصوت هيختفى علشان الضوضاء اللى قادمه من بره هتغطى عليه او لو كان هناك مشكله فى العزل و نصيحتى طالما العربيه فى الضمان احجز ميعاد و استفيد به

**the lawyer** · 11-03-2013 09:17 PM

ياباشا دا صوت الزجاج ، وبيظهر لما يكون الزجاج مفتوح نص فتحة وبيختفي لو الزجاج مقفول خالص أو مفتوح علي الأخر ، وبيظهر العيب دا في الزجاج الأمامي اليمين والشمال ، روحو التوكيل وهما يظبطولك الدنيا

**szain** · 12-03-2013 11:19 AM

المشاركة الأصلية كتبت بواسطة the lawyer

ياباشا دا صوت الزجاج ، وبيظهر لما يكون الزجاج مفتوح نص فتحة وبيختفي لو الزجاج مقفول خالص أو مفتوح علي الأخر ، وبيظهر العيب دا في الزجاج الأمامي اليمين والشمال ، روحو التوكيل وهما يظبطولك الدنيا

فعلا الصوت ده بتاع الإزاز زي حضرتك ما قلت .. أنا ظهر عندي بعد صيانة ال 10000 (معايا لوجان اوتوماتيك 2012) وقلتلهم عليه في مرة تانية رحت فيها توكيل العبور قالوا لي مكنة الإزاز عاوزة تشطيف وعملوها بـ wd-40 وال صوت راح فعلا بس أسبوع وظهر تاني :( .. وهاقولهم عليه تاني إن شاء الله في صيانة ال 15000